ગુજરાત વિધાનસભા ચૂંટણી પહેલા જ મોરબીમાં કેબલ બ્રિજ તૂટવાની દુઃખદ ઘટના બની હતી. ત્યારે આ સંદર્ભમાં સોશિયલ મીડિયા પર એક વીડિયો વાયરલ થયો છે જેમાં જનતા ભાજપના ઝંડા લઈને આવેલા લોકોને માર મારતા જોવા મળે છે. વીડિયો શેર કરતી વખતે એવો દાવો કરવામાં આવી રહ્યો છે કે મોરબીમાં પ્રચાર કરવા નીકળેલા ભાજપના લોકોને જનતા માર મારી રહી છે.
ફેસબુક યુઝર્સ “ગુજરાતના મોરબીમાં મોરબીની જનતા ભાજપ વાળા નું હાર્દિક સ્વાગત કરી રહી છે” ટાઇટલ સાથે વિડીયો શેર કરી રહ્યા છે. વાયરલ વીડિયોના અંદર લખવામાં આવ્યું છે કે “હવે ક્યાંઈ ભાજપનો પ્રચાર સંભળાઈ તો લોકો મારવા દોડે છે“
ગુજરાત વિધાનસભા ચૂંટણી સંદર્ભે ફેલાયેલા ભ્રામક દાવા પર Newschecker દ્વારા પ્રકાશિત કરવામાં આવેલ ફેકટચેક રિપોર્ટ અહીંયા વાંચો
Fact Check / Verification
મોરબીમાં પ્રચાર કરવા નીકળેલા ભાજપના લોકોને જનતા માર મારી રહી હોવાના દાવા સાથે વાયરલ થઈ રહેલ વિડીયોના કિફ્રેમ્સ રિવર્સ ઇમેજ સર્ચ કરતા 6 ઓગષ્ટ 2022ના રોજ ટાઈમ્સ નાઉની યુટ્યુબ ચેનલ પર અપલોડ કરવામાં આવેલ આ વિડિયો જોવા મળે છે. જે મુજબ ટીએમસી ધારાસભ્ય અસિત મજુમદાર અને તેમના સમર્થકોએ પશ્ચિમ બંગાળમાં બીજેપી કાર્યકર્તાઓ સાથે અથડામણ કરી હતી. આ વીડિયોમાં વાયરલ વીડિયોના અંશો જોઈ શકાય છે.
વધુમાં, અમને 6 ઓગસ્ટના રોજ પશ્ચિમ બંગાળના નંદીગ્રામના બીજેપી ધારાસભ્ય શુભેન્દુ અધિકારી દ્વારા પણ ટ્વિટર પર આ વીડિયો પોસ્ટ કરતા તેમણે TMC ધારાસભ્ય અને બીજેપી કાર્યકર્તાઓ વચ્ચેની અથડામણનો ઉલ્લેખ કર્યો હતો.
આ ઉપરાંત, પ્રભાત ખબર અને એક્સપ્રેસ ગ્રૂપની બંગાળી વેબસાઈટ દ્વારા પણ આ અંગેના અહેવાલો પ્રકાશિત કર્યા હતા. જે અનુસાર, અસિત મજુમદારે આરોપ લગાવ્યો હતો કે તેઓ વિધાનસભા માંથી પાછા ફરી રહ્યા હતા ત્યારે બીજી બાજુથી આવતા બીજેપી સમર્થકોના સરઘસએ તેમની કારને ઘેરી લીધી હતી અને તેમને માર માર્યો હતો. જયારે ભાજપે ટીએમસી ધારાસભ્યના આ આરોપોને નકારી કાઢ્યા હતા.
Conclusion
મોરબીમાં પ્રચાર કરવા નીકળેલા ભાજપના લોકોને જનતા માર મારી રહી હોવાના દાવા સાથે વાયરલ થઈ રહેલ વિડીયો ખેરખર પશ્ચિમ બંગાળમાં બનેલ ઘટના છે. પશ્ચિમ બંગાળમાં ટીએમસી ધારાસભ્ય અને ભાજપ સમર્થકો વચ્ચેની અથડામણનો જૂનો વીડિયો ગુજરાતનું મોરબીનો હોવાના ભ્રામક દાવા સાથે શેર કરવામાં આવી રહ્યો છે.
Result : False
Our Source
Youtube Video by Times Now
Tweet by Suvendu Adhikari
Report by Prabhat Khabar & Expree Bangla
કોઈપણ શંકાસ્પદ, વાયરલ ખબર ચકાસવા અથવા કોઈ અન્ય સૂચન માટે મેઈલ કરો checkthis@newschecker.in અથવા વોટ્સએપ કરો 9999499044
