Claim – નીતિશકુમારે ફરીથી પલટી મારી, એનડીએ છોડી રહ્યા છે. હવે રાહુલ ગાંધી બનશે નવા પીએમ.


Fact – નીતિશકુમારનો વર્ષ 2022ના નિવેદનનો વીડિયો છે. જૂનો વીડિયો ખોટા સંદર્ભ સાથે શેર કરવામાં આવ્યો છે.

તાજેતરમાં સોશિયલ મીડિયા પર એક ન્યૂઝ ચેનલનો વીડિયો શેર કરીને દાવો કરવામાં આવી રહ્યો છે કે નીતિશ કુમાર ભાજપના નેતૃત્ત્વવાળી NDA (એનડીએ) ગઠબંધન છોડી રહ્યા છે. વીડિયોમાં નીતિશ કુમાર કહી રહ્યા છે કે, તેમણે “આજે જ એનડીએ છોડવાનો નિર્ણય લીધો છે.”

તપાસમાં જાણવા મળ્યું છે કે, ઉપરોક્ત વાયરલ વીડિયોમાં કરવામાં આવેલો દાવો ખોટા સંદર્ભ સાથે શેર કરાયો છે અને ગેરમાર્ગે દોરનારો છે. ખરેખર વાયરલ વીડિયો વર્ષ 2022નો છે. વર્ષ 2022માં જેડીયુના નેતા નીતીશ કુમાર બિહારમાં ભારતીય જનતા પાર્ટી સાથે ગઠબંધન તોડીને RJDમાં સામેલ થયા હતા. એ સમયે તેમણે એનડીએ છોડવા મામલે પત્રકારો સમક્ષ એક નિવેદન આપ્યું હતું. જે વીડિયો તાજેતરમાં ફરીથી ખોટા સંદર્ભ સાથે શેર કરવામાં આવ્યો છે.

ઉપરાંત, સોશિયલ મીડિયા પ્લેટફૉર્મ ઍક્સ પર પણ આ પ્રકારનો જ એક દાવો શેર કરવામાં આવ્યો છે. જેમાં કહેવાયું છે કે નીતીશકુમારે શું ફરી પલટી મારી. તેની સાથે એક વીડિયો બાઇટ અને ગ્રાફિક્સ શેર કરાયા છે. તેમાં નીતિશકુમારનું નિવેદન છે અને તસવીરમાં લખામ છે તેમાં લખાયું છે કે રાહુલ ગાંધી હવે નવા પીએમ બનશે.

યુઝર અનુરાગ_મિશ્રા_સમાજવાદીએ વાયરલ વીડિયો શેર કર્યો છે. વીડિયો પર લખવામાં આવ્યું છે કે, રાહુલ ગાંધી ભારતના વડા પ્રધાન બનશે. ભારત ગઠબંધન લાઈવ. નીતિશ કુમારે ફરી પલટી મારી છે.

પોસ્ટની આર્કાઇવ લિંક અહીં અને અહીં જુઓ.

Fact Check/ Verification

વાઇરલ દાવાની સત્યતા જાણવા માટે ગૂગલ પર ‘નીતિશકુમાર એનડીએ સરકાર છોડી’ સર્ચ કરતા કેટલાક સમાચાર અહેવાલો મળે છે. તેમાં ‘ન્યૂઝ 24’ની ઑફિશિયલ યુટ્યુબ ચેનલ પર અમને 9 ઑગસ્ટ-2022ના રોજનો વીડિયો અહેવાલ જોવા મળ્યો. તેમાં પ્રસારિત અહેવાલમાં કહેવાયું છે કે, “બિહારના રાજકારણમાં મોટા ફેરબદલ કરતાં નીતિશ કુમારે એનડીએ ગઠબંધન છોડી દીધું હતું અને બિહારના મુખ્યમંત્રી પદ પરથી પણ રાજીનામું પણ આપી દીધું હતું.”

આ ઉપરાંત એનડીટીવી ન્યૂઝનો પણ 9 ઑગસ્ટ-2022ના રોજનો એક વીડિયો સમાચાર અહેવાલ પ્રાપ્ત થયો. જેમાં દાવા સાથે શેર કરાયેલ વીડિયોના જ વિઝ્યૂઅલ હોવાનું સ્પષ્ટ જોવા મળે છે.

આ રિપોર્ટ અનુસાર ભારતીય જનતા પાર્ટી અને નીતીશ કુમારની પાર્ટી જેડીયુ વચ્ચે ઘણા સમયથી સંઘર્ષ ચાલી રહ્યો હતો. આથી તેમણે ભાજપ નેતૃત્ત્વવાળા એનડીએમાંથી અલગ થવાનો નિર્ણય લીધો હતો. બિહારમાં ભાજપથી અલગ થયા બાદ તેમણે આરજેડી સાથે ગઠબંધન કરીને સરકાર બનાવી હતી.

નીતિશ કુમારનો વાયરલ વીડિયો તે સમયનો છે જ્યારે તેમણે બિહારમાં મહાગઠબંધન તોડીને આરજેડી સાથે સરકાર બનાવી હતી. તે દરમિયાન જ તેમણે NDA છોડવાની વાત કરી હતી.

તદુપરાંત એએનઆઈ દ્વારા પણ એક ટ્વિટ કરાયું હતું તે પણ પ્રાપ્ત થયું. તેમાં પણ જોઈ શકાય છે કે વર્ષ 2022માં તેમણે એનડીએ છોડ્યું હતું અને વીડિયો બાઇટમાં નિવેદન આપ્યું હતું.

ઇકૉનૉમિક ટાઇમ્સના 5 જૂન-2024ના અહેવાલ અનુસાર વર્ષ 2017માં નીતિશકુમાર આરજેડી-કૉંગ્રેસવાળા મહાગઠબંધનમાં જોડાયા હતા પણ તેમાંથી એ જ વર્ષમાં બહાર પણ નીકળી ગયા હતા.

અને ફરીથી ભાજપ સાથે જોડાયા હતા. જોકે વર્ષ 2022માં ફરીથી તેમણે એનડીએ છોડી દીધું હતું.

એ બાદ 2024ની લોકસભા ચૂંટણીઓ પૂર્વે તેઓ ફરીથી એનડીએ ગઠબંધનમાં જોડાઈ ગયા હતા. અને એનડીએ સાથે મળીને લોકસભા ચૂંટણી લડી અને તેના સભ્ય રહ્યા.

Conclusion

વાઇરલ વીડિયો અને દાવાની તપાસમાં જાણવા મળે છે કે ખોટા સંદર્ભ સાથે વીડિયો શેર કરવામાં આવ્યો છે. નીતિશકુમારે ભૂતકાળમાં વર્ષ 2022માં એનડીએ છોડ્યું હતું, ત્યારનો એ વીડિયો છે.

Result – Missing Context

Sources
News Report by News24, dated, 9 Aug, 2022
Video Report by NDTV, dated, 9 Aug, 2022
News Report by Economic Times, 05 June, 2024

કોઈપણ શંકાસ્પદ, વાયરલ ખબર ચકાસવા અથવા કોઈ અન્ય સૂચન માટે મેઈલ કરો checkthis@newschecker.in અથવા વોટ્સએપ કરો 9999499044