سوشل میڈیاہس پیٹھ چُھ ترکی ہندِ صدر رجب طیب اردغان سئند اکھ ویڈیو بیان اتھ دعویٰ ہس سآتِ وائرل کژھان زہِ اردوغان چُھ ویڈیو بیانس منز ونان زہِ “عمران خانن کر امریکہ کسِ وننس پیٹھ کشیر مودیس حوالہ، عمران خان چُھ پاکستانکُ ساروئ کھوتہ بوڈ دشمن”
22 ہن سکینڈن ہندس اتھ ویڈیوس پیٹھ چُھ لیکتھِ “کشیرِ ہندُ سودا آو کرنہ، مگر اسِہ تراوّکھ نہ پِننِ مسلمان بآئے کُنِ زن کینہ۔ پاکستانن کر ٹرمپس سآتِ رلتھِ مودی خوش کرنچ کوشش”
وائرل پوسٹکُ آرکائیو لنک ہیکیو توہیہ یتیتھ، یتیتھ تہ یتیتھ وچتھِ۔
فیس بُکس پیٹھ تہِ چُھ یوان ترکی ہندِ صدر اردوغان سند یہ ویڈیو بیان اتھ دعویٰ ہس سآتِ وائرل کرنہ۔
Fact Check/ Verification
نیوز چیکرن کور امہِ ویڈِو بیانکُ پوز زاننہ خاطرء ترکی ہندِ صدر سُند یہ ویڈیو بیان اِنوڈ کئِ مدد سآتِ کیفریمن منز تقسیم۔ امہ منز اکھ فریم گوگلس پیٹھ سرچ۔ اتھ دوران آو اسہِ پاکستانیئ ٹیلیویژن چینل پی ٹی وی نیوز کسِ آفیشل ٹویٹر ہینڈلس ترکی ہندِ صدر سُند یہ بیان لبنہ۔ یُس 7 اگست 2019 ہس منز چُھ آمتُ سیئر کرنہ۔
ویڈیو سآتِ دینہ آمتِ معلومات مطابق چھُ ترکی ہند صدر رجب طیب اردوغانن اَتّھ بیانس منز ونمت زہِ “اسہ چھِ کشیر ہندین حالاتن پیٹھ نظر تھایتھ۔ میہ کئرِ پاکستان کسِ وزیراعظم عمران خانس سآتِ تازء حالاتن پیٹھ کتھ”۔ امہ سآتِ آو سمجھ زہِ یہ بیان چُھ پرون۔ تہ یہ چُھ یوان غلط معلومات سان شِیئر کرنہ۔
امہ پتھ کرِ اسہ یوٹیوبس پیٹھ انگلشس منز کینہ کیورڈ سرچ۔ اسہِ اٰو ترکی ہند صدر سُند یہوئے بیان ترکی ہنزِ مشہور نیوز ایجنسی انادولو چۃِ آفیشل یوٹیوب چینل پیٹھ لبنہ۔ یتھ متعلق سوشل میڈیا ہس پیٹھ چُھ یوان وننہ زہِ اردوغانن ہسا دیوُت عمران خان پاکستانکُ ساورئ کھوتہ بوڈ دشمن قرار۔
یوٹیوب چینلِ پیٹھ چُھ اتھ ویڈِوس سآتِ کیپشن زہِ “کشیرِمنز چُھ تناؤ کم کرنُ” مزید معلومات خاطرء کرِ وُچھ اسہ ویڈِو دوبارئ تہ اسہِ کرِ ویڈیوکِ انگریزی سب ٹائٹل آن۔ سب ٹایٹلو سآتِ آو سمجھ زہِ ترکیِ ہندِ صدر اردوغان چھِ ونان زہِ “کشیرِ ہندین حالاتن پیٹھ چھِ اسہ قریبی نظر۔ اتھ سلسلس منز کرِ اسہ پاکستانئِ وزیر اعظم عمران خانس سآتِ رابطہ۔ ساتئِ کرو اسہِ کشیرِ منز تناؤ کم کرنہ خآطرء بھارتی وزیر اعظم نریندر مودیس ساتِ کتھ”
تحقیقاتس دوران آئ اسِہ ترکی ہنز ویبسائٹ ٹی آر ٹی ورلڈس پیٹھ تمہِ ساتکِ پاکستانئ وزیر اعظم عمران خان تہ ترکی ہندِ صدر اردوغان سنزِ کتھ باتِ ہندس سلسلس منز اکھ رپورٹ لبنہ۔ یُس 6 اگست 2019 ہس منز چھ آمژ شائع کرنہ۔ اتھ رپورٹس منز لب اسہِ 21 ہن سکینڈن ہندِ امہ ویڈیوکُ فل ورژن۔ امہ رپورٹ سآتِ تور اسہ فکرئِ زہ سوشل میڈیاہس پیٹھ اردوغان سندُ وائرل تقریر چُھ اصلی 6 اگست 2019 ہس منز ترکی ہندسِ انکارا ہس منز سپدن واجنِ 11 مہِ امبیسڈر کانفرنس منز کرنہ آمتِ خطابکُ۔
Conclusion
سانِ تحقیقات سآتِ گو واضح زہِ ترکی ہندِ صدر اردوغانن چُھنہ عمران خانس پاکستانکُ دشمن ونمتُ کینہ۔ بلکہ چُھ یوان غلط کیپشن سان اردوغان سندُ ویڈیو شیئر کرنہ۔
Result: False
Our Sources
Media Report Published by ABP News on 12 Fab 2019
Information of India Gate available of delhitourism.gov.in
نوٹ: کنہِ تہِ شک آور خبرءِ ہند تحقیق،ترمیم یا دیگرتجویزو خاطرء سوزیو پننِ رائے دیتمتسِ واٹس ائپ نمبرس پیٹھ۔9999499044
