سوشل میڈیاہس پیٹھ چھ پتمیو کینہ ہفتو پیٹھ ایشاء کپ 2022 افغانستان پاکستانس درمیان میچ کسِ سلسلس منز سیٹھا مواد وائرل گژھان۔ 7 ستمبر گندِنہ آمتسِ اتھ میچس منز ہارنو پاکستانن افغانستان تہ اختتامس منز کور افغانستان تماش گیرو پاکستان تماش گیرن پیٹھ کرسیو سآتِ حملہ۔ امہ حملہ کسِ سلسلز منز گئِ سیٹھا ویڈیو وائرل۔
سوشل میڈیاہس پیٹھ چُھ اتھ سلسلس منز اکھ ویڈیو وائرل گژھان، یتھ منز وچھنہ چُھ یوان زہِ افغاستان تماش بین چھِ پاکستان تماشائین پیٹھ کرسیو سآتیِ حملہ کران۔
سیٹھا فیس بُک صارفو چُھ یہ ویڈیو شیئر کورمتُ۔ تہ کیپشنس منز چُھ لیکتھ زہِ افغانستان تہ پاکستان تماش گیرن درمیان جنگ۔
Fact Check/Verification
نیوز چیکرن کور اَمہِ ویڈیو کسِ سلسلس منز تحقیقات یُس افغانستان پاکستانس درمیان میچ پتہ وائرل گو۔ اتھ ویڈٰیوس منز وُچھ اسہِ لڑائی کرن والین منز پاکستان وردی لاگتھِ کینہ نفر۔ امہ پتھ کور اسہِ یوٹیوبس پیٹھ ‘پاکستان کرکٹ شائیقین اسٹیڈیمس منز لڑائی کران’ کیورڈ سرچ۔ اتہ لوبہ اسہِ ایچ ایس ایِ مرتزا چینلہِ پیٹھ یہ ویڈیو، یُس 30 جون 2019 ہس منز چُھ آمتُ شائع کرنہ۔ ویڈیو کسِ ٹائٹلس منز چُھ آمتُ لیکھنہ زہِ ‘افغانستان تماش گیر پاکستان تماش گیرن ساتِ لڑائی کران۔
امہ پتھ نیو اسہِ یمن دوشونِ ویڈیون ہند جائزء تہ اسہِ لوب زہِ یمن دوشون ویڈیون درمیان چھِ مساوی کیفریم۔
توہیِ ہیکیو یتیتھ وچتھِ
ویڈیو کسِ کیپشنس منز چُھ لیکتھ زہِ ‘افغانستان پاکستانس درمیان میچ وچھان تماشائی آئی سی سی کرکٹ ورلڈ کپ 2019 ہس میچ برونہہ لڑائی کران’۔
امہ پتہ کور اسہِ 2019 ہس منز ‘افغانستان پاکستانس درمیان میچ تماشائین منز لڑائی، ورلڈ کپ’ کرکٹ وغیرہ گولگس پیٹھ کیورڈ سرچ۔ اتہ لبہِ اسہِ عرب ٹائمز کویت کسِ فیس بُک پیجس یہ اکھ پوسٹ۔
اتھ پوسٹس منز اوس وائرل ویڈیوکُ فُل 12 منٹ ویڈیو شیئر کرتھِ۔ اتھ ویڈیوس منز آئی اسہ وائرل ویڈیوکِ کینہ سین بوزنہ۔ یمہ سآتِ یہ ثابت گو زہِ وائرل ویڈیو چُھ پرون۔
افغانستان پاکستانس درمیان میچ گوگول سرچس دوران لبہ اسہِ دی سن نامی ویب سائٹِ ہنز اکھ لنک۔ یہ رپورٹ چھِ آمژ 30 جوان 2019 ہس منز اپلوڈ کرنہ۔ اتھ رپورٹس منز چُھ آمت وننہ زہِ کرکٹ ورلڈ کپس دوران گئِ افغانستان پاکستانس درمیان میچ وچھان تماشائین درمیان لڑائی۔ امہِ ویڈیوکِ کینہ کیفریم چھِ وائرل ویڈیوس سآتِ رلان۔
امہ علاوہ لوبہ اسہِ یہ ویڈیو ‘حقیقت پانرہ’ نامی فیس بُک پیجس پیٹھ، یسُ 30 جون 2019 ہس منز چُھ آمتُ شیئر کرنہ۔
نجت طوری نامی فیس بُک صارفن تہ چھُ یہ ویڈیو 30 جوان 2019 ہس منز سیئر کورمتُ۔
لہذا واتئِ اسہِ اتھ نتیجس پیٹھ زہِ ویڈیو یُس ایشیاء کپ 2022 کسِ ناوس پیٹھ وائرل گژھان چُھ، سُہ چُھ دراصل ائی سی سی ورلڈ کپ 2019 ہس منز پاکستان تہ افغانستان تماش کیرن درمیان لڑائی ہُند۔ یہ میچ آوس گندنہ امتُ لیڈسس میئدانس منز۔
Conclusion
نیوز چیکر ریسرچ ساتِ گو ثابتِ زہِ پاکستان ہت افغانستان تماشائین درمیان لڑائی چھِ غلط مطلب سان شیئر یوان کرنہ۔
Result: Missing Context
Source
YouTube Video By HSE Murtaza, Dated June 30, 2019
Facebook Post By Arab Times Kuwait, Dated July 1, 2019
Report By The Sun, Dated June 30, 2019
If you would like us to fact-check a claim, give feedback, or lodge a complaint, WhatsApp us at 9999499044 or email us at checkthis@newschecker.in. You can also visit the Contact Us page and fill out the form.
