اگر توہی اننہ ییہِ زہِ گگرن کئرِ بے دعوت اکسِ تقریب منز شریک تہ مہمانن برونہہ کھیونُ کیک، توہیِ نآنِوا؟ نا! مگر یہ چُھ پؤز۔ اکسِ تقریبِ دوران گو گگرء سُند کیک کھیوان ویڈیو وائرل سوشل میڈیاہس پیٹھ۔
میڈیا اداروں تہ سوشل میڈیا صارِفو چُھ گگرء سُند کیک کھیوان ویڈیو شیئر کرتھِ دعویٰ کورمتُ زہِ یہ ویڈیو چُھ پاکستان کس شہر بلوچستانکُ۔
پاکستانِ میڈیا ادارن پی این این ٹی وی تہ پاکستان ٹائمزن چُھ اکسِ رپورٹس ساتِ گگرء سُند ویڈیو سیئر کورمتُ۔ رپورٹس منز چُھ دعویٰ آمتُ کرنہ زہِ ‘چیف سیکرٹری بلوچستان عبدالعزیز عقیلی سنزِ میٹنگ دوران گگرء سُند کیک کھیوان ویڈیو چوہا آمتُ تُلنہ۔ یمیوکُ ویڈیو سوشل میڈیاہس پیٹھ چُھ وائرل گژھان’۔
امہِ علاوہ چُھ گگرء سُند کیک کھیوان ویڈیو فیس بُک تہ یوٹیوبس پیٹھ آمتُ شیئر کرنہ۔ یمن پوسٹن منز تہ چُھ وننہ آمتُ زہِ گگرء سُند وائرل ویڈیو چُھ پاکستان کس شہر بلوچستان نس منز اکسِ تقریب دوران آمتُ ریکارڈ کرنہ۔
یوٹیوبس پیٹھ ہیکیو توہی ویڈیو یتیتھ تہ یتیتھ وچتھِ۔
Fact Check/ Verification
نیوز چیکرن کور اتھ سلسلس منز گگرء سُند کیک کھیوان ویڈیوچ حقیقت زاننہ خاطرء گگرء سُند وائرل ویڈیو انوڈِ کہِِ مدد سآتِ کیفریمن منز تقسیم تہ امہ منز کرِ کینہہ کیفیریم گوگل ریورس امیج سرچ، تہ اتھ دوران آئی اسہِ گگرء سُند وائرل ویڈیو کسِ بارس منز سیٹھا رپورٹز لبنہ۔
ایِ ٹی وی بھارت وئب سایٹِ پیٹھ اکسِ رپورٹس منز چُھ وننہ امتُ زہِ کشیر منز اکسِ میڈیاہس متعلق ورکشاپ پروگرامس دوران آؤ گگرُ کیک کھیوان وچھنہ۔ امہِ رپورٹ سآتِ آؤ سمجھ زہِ گگرء سُند کیک کھیوان ویڈیو چُھ کشمیر ہُند۔
مزید سرچِ دوران آئی اسہِ وادی ہندِ معروف اخبار کشمیر لایف وئب سایٹِ پیٹھ اکھ رپورٹ لبنہ، یتھ منز صاف چُھ آمتُ وننہ زہِ گگرء سُند کیک کھیوان ویڈیو چُھ سینٹرل یونیورسٹی آف کشمیر کسِ اکس پروگرامس منز ریکارڈ کرنہ۔
پننُ تحقیقات مزید فعال بناونہ خاطرء کور اسہِ کشمیر لائف رپورٹر ہلال احمد شاہس سآتِ رابطہ یہ زاننہ خاطرء زہِ کیا گگرء سُند وائرل ویڈیو چھا واقعی سینٹرل یونیورسٹی ہُند؟
تِمو کور واضع زہِ گگرء سُند کیک کھیوان ویڈیو چُھ سینٹرل یونیورسٹی ہُند۔
ہلال احمدن ون زہِ “یہ ویڈیو چُھ سانسِ ایڈیٹر اِن چیف سندِ دوستن دراصل پروگرامس دوران ریکارڈ کورمتُ تہ تمہِ پتہ سوز تِمو سانسِ ایڈیٹرس، یمہِ پتھ اسہِ یہ ویڈیو شائع کور۔ لہذا ہیکہ بہ یقین سان ونتھِ زہِ گگرء سُند وائرل ویڈیو چُھ سینٹرل یونیورسٹی آف کشمیرکُ”۔
Conclusion
لہذا گو سانسِ تحقیقاتس منز واضع زہِ گگرء سُند کیک کھیوان ویڈیو چُھ سینٹرل یونیورسٹی آف کشمیرکُ۔ اتھ چُھنہ پاکستانس ساتِ کانہہ تہ تعلق۔ تہ اتھ گگرء سُند وائرل ویڈیوس متعلق کرنہ یوان دعویٰ چُھ غلط۔
Result: False
Our Sources
YouTube Video report by Kashmir Life
Phonic conversation with Journalist Hilal Ahmad Shah
کسی بھی مشکوک خبر کی تحقیقات، تصحیح یا دیگر تجاویز کے لیے ہمیں واٹس ایپ کریں: 9999499044 یا ای میل: checkthis@newschecker.in
