മാളികപ്പുറം സിനിമയുടെ കഥ ചുരുക്കത്തിൽ ഇങ്ങനെ വിവരിക്കാം: ”കല്ലു “എന്ന പെൺകുട്ടിയുടെ ശബരിമലയിൽ പോകണമെന്നും അയ്യപ്പനെ കാണണം എന്നുമുള്ള ആഗ്രഹവും അതിനായി അവൾ നടത്തുന്ന യാത്രയുമാണ്.” അഭിലാഷ് പിള്ളയുടെ തിരക്കഥയിൽ വിഷ്ണു ശശി ശങ്കർ സംവിധാനം ചെയ്ത് ഉണ്ണി മുകുന്ദൻ നായകൻ ആയ ചിത്രമാണ് മാളികപ്പുറം.
ഈ സിനിമയെ കുറിച്ച് ബിജെപി സംസ്ഥാന അധ്യക്ഷൻ കെ. സുരേന്ദ്രൻ നടത്തിയ ഒരു പരാമർശത്തിന്റെ റിപ്പോർട്ടർ ടിവി ലോഗോയും പേരുമുള്ള ഒരു ന്യൂസ്‌കാർഡ് പ്രചരിക്കുന്നുണ്ട്
“ആർത്തവമുള്ള സ്ത്രീകൾക്കും പുലവാലായ്മ ഉള്ളവർക്കും മാളികപ്പുറം സിനിമ കാണാം. സ്ക്രീനിലെ അയ്യപ്പന് അയിത്തമില്ല…” കെ സുരേന്ദ്രന്റെ പേരിലുള്ള ന്യൂസ്‌കാർഡിലുള്ളത് ഈ വാചകമാണ്.
യുവതികളുടെ ശബരിമല പ്രവേശനത്തിന് അനുകൂലമായ സുപ്രീംകോടതി വിധിയെ തുടർന്ന്, ആർത്തവമുള്ള സ്ത്രീകളുടെ ശബരിമല പ്രവേശനത്തിനെതിരെ ശക്തമായ നിലപാട് എടുത്തവരാണ് കെ സുരേന്ദ്രനും ബിജെപിയും. ഈ പശ്ചാത്തലത്തിലാണ് ഈ പ്രചരണം.
Lijo Lijo എന്ന ഐഡിയിൽ നിന്നും ഷെയർ ചെയ്ത ന്യൂസ്‌കാർഡ് ഞങ്ങൾ കാണും വരെ 21 പേർ ഷെയർ ചെയ്തിട്ടുണ്ട്.
ഞങ്ങൾ കാണും വരെ,രമേശൻ ഡി കെ എന്ന ഐഡിയിൽ നിന്നും 15 പേർ പോസ്റ്റ് ഷെയർ ചെയ്തിട്ടുണ്ട്.
Rajendran Makkal എന്ന ഐഡി ഞങ്ങൾ സഖാക്കൾ എന്ന ഗ്രൂപ്പിലേക്ക് ഷെയർ ചെയ്ത പോസ്റ്റ് 12 പേർ വീണ്ടും ഷെയർ ചെയ്തു.
Fact Check/Verification
മാളികപ്പുറം സിനിമയെ കുറിച്ചുള്ള കെ സുരേന്ദ്രന്റെ പ്രസ്താവനയുടെ നിജസ്ഥിതി അറിയാൻ റിപ്പോർട്ടർ ഓൺലൈൻ പതിപ്പ് ഞങ്ങൾ പരിശോധിച്ചു നോക്കി. അത്തരം ഒരു വാർത്ത അതിൽ ഞങ്ങൾക്ക് കണ്ടെത്താൻ കഴിഞ്ഞില്ല.
തുടർന്ന് ഞങ്ങൾ കെ സുരേന്ദ്രന്റെ മീഡിയ സെക്രട്ടറി എം സുവര്ണപ്രസാദിനെ ബന്ധപ്പെട്ടു. “മാളികപ്പുറം സിനിമയെ പറ്റി അത്തരം ഒരു പ്രസ്താവന സുരേന്ദ്രൻ നടത്തിയിട്ടില്ല,” എന്ന് അദ്ദേഹം പറഞ്ഞു.
കൂടുതൽ വ്യക്തതയ്ക്കായി റിപ്പോർട്ടർ ചാനലിന്റെ സോഷ്യൽ മീഡിയ എഡിറ്റർ നിധിൻ ചന്ദ്രൻ റിപ്പോർട്ടർ ചാനലിന്റെ സോഷ്യൽ മീഡിയ ഡെസ്കിലെ ആൽബിൻ എം യു എന്നിവരുമായി ഞങ്ങൾ സംസാരിച്ചു. വാർത്തയുടെ തലക്കെട്ട് നൽകിയിരിക്കുന്ന ഫോണ്ട് റിപ്പോർട്ടർ ടിവിയുടേതല്ലെന്നും അതിൽ ഉപയോഗിച്ചിരിക്കുന്ന ഫോട്ടോ ജനം ടിവിയുടെ വാട്ടർ മാർക്കുള്ള ഫോട്ടോ ആണ് എന്നും അവർ വ്യക്തമാക്കി.
മാളികപ്പുറം സിനിമയെ കുറിച്ചുള്ള റിപ്പോർട്ടർ ടിവിയുടെ ന്യൂസ്‌കാർഡ് വ്യാജമാണ് എന്ന് ഇതിൽ നിന്നും മനസിലായി.
വായിക്കുക:Omicron XBB, ഡെൽറ്റ വേരിയന്റിനേക്കാൾ 5 മടങ്ങ് അപകടകാരിയാണ് എന്ന സന്ദേശം വ്യാജം
Conclusion
മാളികപ്പുറം സിനിമയെ കുറിച്ചുള്ള കെ സുരേന്ദ്രന്റെ പ്രസ്താവനയുടെ റിപ്പോർട്ടർ ടിവി ന്യൂസ്‌കാർഡ് വ്യാജമായി ഉണ്ടാക്കിയതാണ് എന്ന് ഞങ്ങളുടെ അന്വേഷണത്തിൽ തെളിഞ്ഞു.
Result: Altered Photo
Our Sources
Telephone conversation with M Suvaranaprasad, media secretary to K Surendran
Telephone conversation with Nidhin Chandran Social media editor Reporter TV
Telephone conversation with Albin M U, social media team, Reporter TV
ഞങ്ങൾ ഒരു അവകാശവാദത്തെ കുറിച്ച് വസ്തുത പരിശോധന നടത്തണമെന്നോ ,അതിനെ കുറിച്ചുള്ള ഫീഡ്‌ബാക്ക് നൽക്കണമെന്നോ, അതിനെ കുറിച്ചൊരു പരാതി ഞങ്ങൾക്ക് നൽക്കണമെന്നോ നിങ്ങൾ ആഗ്രഹിക്കുന്നുവെങ്കിൽ, 9999499044 എന്ന നമ്പറിൽ വാട്ട്‌സ്ആപ്പ് ചെയ്യുക അല്ലെങ്കിൽ checkthis@newschecker.in ൽ ഇമെയിൽ ചെയ്യുക. നിങ്ങൾക്ക് ഞങ്ങളുടെ കോൺടാക്ട് അസ് പേജ് സന്ദർശിച്ചു പരാതി ഫോം പൂരിപ്പിക്കാനും അവസരം ഉണ്ട്.
