Claim: கும்பமேளாவில் ரகசியமாக இரவில் நீராடிய அகிலேஷ் யாதவ்
Fact: இத்தகவல் தவறானதாகும். அவர் ஹரித்வாரில் நீராடிய புகைப்படங்கள் கும்பமேளா என்று பரவுகிறது.
கும்பமேளாவில் ரகசியமாக இரவில் நீராடிய அகிலேஷ் யாதவ் என்று புகைப்படம் ஒன்று சமூக வலைதளங்களில் பரவி வருகிறது,
“அடப்பாவமே, இந்த புள்ளி கூட்டணிக்கு வந்த பரிதாப நிலையை பாருங்கள். ஒவ்வொருத்தனும் அர்த்த ராத்திரியில் திருடனை போல வந்து குளிக்கிறானுங்க.” என்று இந்த புகைப்படம் பரவுகிறது.
சமூக ஊடகங்களில் பரவி வரும் இத்தகவலின் உண்மைத்தன்மைக் குறித்து அறிய நியூஸ்செக்கர் தமிழ் சார்பில் அதுக்குறித்து ஆய்வு செய்ய முடிவு செய்தோம்.
Also Read: கும்பமேளாவில் கலந்து கொண்ட ஆப்பிள் நிறுவனர் ஸ்டீவ் ஜாப்ஸ் மனைவி என்று பரவும் வீடியோ உண்மையா?
Fact Check/Verification
கும்பமேளாவில் ரகசியமாக இரவில் நீராடிய அகிலேஷ் யாதவ் என்று பரவும் புகைப்படச் செய்தி குறித்த உண்மையறிய அதுபற்றிய ஆய்வில் ஈடுபட்டோம்.
வைரலாகும் வீடியோவைக் கீ-ப்ரேம்களாகப் பிரித்து ரிவர்ஸ் சர்ச் முறைக்கு உள்ளாக்கியபோது ”Took blessings of Mother Ganga on the sacred festival of Makar Sankranti.” என்று கடந்த ஜனவரி 14, 2025 அன்று இந்த புகைப்படங்களை தனது X பக்கத்தில் பகிர்ந்திருந்தார் அகிலேஷ் யாதவ்.
தொடர்ந்து, இதுகுறித்த செய்திகளை ஆராய்ந்தபோது அகிலேஷ் யாதவ் தனது குடும்பத்தினருடன் ஹரித்வாரில் அவருடைய மறைந்த உறவினருக்காக கங்கையில் பூஜைகள் செய்ததாக தெரிவிக்கப்பட்டிருந்தது. இதுகுறித்த செய்தியை இங்கே மற்றும் இங்கே படியுங்கள்.
எனவே, அகிலேஷ் யாதவ் புகைப்படங்கள் எடுக்கப்பட்டது ஹரித்வாரில்; கும்பமேளா நடைபெறும் பிரயாக்ராஜில் அல்ல என்பது இதன் மூலம் உறுதியாகிறது.
Also Read: எம்ஜிஆர் பிறந்தநாளில் அவர் புகைப்படத்திற்கு பனையூரில் மாலை அணிவித்த விஜய் என்று பரவும் தகவல் உண்மையா?
Conclusion
கும்பமேளாவில் ரகசியமாக இரவில் நீராடிய அகிலேஷ் யாதவ் என்று பரவும் புகைப்படச் செய்தி தவறானது என்பது நமக்கு கிடைத்த ஆதாரங்களின் வாயிலாக தெளிவாகியுள்ளது.
ஆகவே வாசகர்கள் யாரும் இத்தகவலை நம்ப வேண்டாம் என்று நியூஸ்செக்கர் தமிழ் சார்பில் கேட்டுக் கொள்கின்றோம்.
Result: False
Our Sources
X post by Akhilesh Yadav, Dated January 14, 2025
(உங்களுக்கு ஏதேனும் ஒரு தகவல் குறித்து சந்தேகம் ஏற்பட்டாலோ அல்லது ஏதாவது ஒரு தகவலின் உண்மைத்தன்மைக் குறித்து அறிய விரும்பினாலோ +91 9999499044 என்கிற வாட்ஸ்ஆப் எண்ணிற்கோ, அல்லது checkthis@newschecker.in என்ற மின்னஞ்சல் முகவரிக்கோ உங்கள் கேள்விகளை அனுப்பலாம்.
எங்கள் இணையத்தளத்தில் உள்ள Contact Us பக்கத்திற்குச் சென்று அதில் உள்ள படிவத்தைப் பூர்த்தி செய்தும் அனுப்பலாம்)
