Claim: சுனாமியை தடுத்து நிறுத்திய அரேபிய இஸ்லாமியர்

Fact: இத்தகவல் தவறானதாகும். வைரலாகும் வீடியோவில் இடம்பெற்றிருப்பவர் பிரேசிலின் ரிச்சர்ட் ராஸ்முசென். அவர் அமேசான் ஆற்றில் Tidal Boreக்கு விளக்கம் கொடுத்தபோது எடுக்கப்பட்ட வீடியோ இது.

இஸ்லாமியர் ஒருவர் சுனாமியைத் தடுத்த நிறுத்த முயற்சி செய்யும் காட்சி என்பதாக வீடியோ ஒன்று சமூக வலைத்தளங்களில் பரவி வருகிறது.

“சுனாமியை தடுத்து நிறுத்திய அரேபிய பாய்” என்று இந்த வீடியோ பரவுகிறது.

X Link/Archived Link

சமூக ஊடகங்களில் பரவி வரும் இத்தகவலின் உண்மைத்தன்மைக் குறித்து அறிய நியூஸ்செக்கர் தமிழ் சார்பில் அதுக்குறித்து ஆய்வு செய்ய முடிவு செய்தோம்.  

Also Read: ஐயப்பன் மாலையை அறுத்து மாணவனை வெளியே தள்ளிய கிறித்தவ பள்ளி; வைரலாகும் வீடியோத்தகவல் உண்மையானதா?

Fact Check/Verification

இஸ்லாமியர் ஒருவர் சுனாமியைத் தடுத்த நிறுத்த முயற்சி செய்வதாகப் பரவும் வீடியோ தகவல் குறித்த உண்மையறிய அதுபற்றிய ஆய்வில் ஈடுபட்டோம்.

வைரலாகும் வீடியோவைக் கீ-ப்ரேம்களாகப் பிரித்து ரிவர்ஸ் சர்ச் முறைக்கு உள்ளாக்கியபோது அந்த வீடியோவில் இடம்பெற்றிருப்பவர் பிரேசிலைச் சேர்ந்த இயற்கை சார்ந்த நிகழ்ச்சிகளை தொலைக்காட்சியில் தொகுத்து வழங்கும் ரிச்சர்ட் ராஸ்முசென் என்பதை நம்மால் அறிய முடிந்தது.

கடந்த 2016ஆம் ஆண்டு Daily Mail வெளியிட்டுள்ள செய்தியில் Tidal Bore எனப்படும் ஆற்றில் மேற்பரப்பில் கடல் போன்றே அலைகள் ஏற்படும் நிகழ்வை அமேசான் ஆற்றின் கரையில் நின்று விளக்கியபோது இந்த அலைகள் திடீரென்று மேலெழுந்த நிலையில் அதிலிருந்து அவர் தப்பி ஓடி தன்னை தற்காத்துக்கொண்டுள்ளார்.

Pororoca phenomenon என்று அழைக்கப்படும் அமேசான் ஆற்றுப்படுகையில் ஏற்படும் இந்நிகழ்வை அவர் விளக்கிக்கொண்டிருந்தபோது இந்த நிகழ்வு நடந்துள்ளது. அவருடைய வீடியோவே தற்போது இஸ்லாமியர் ஒருவர் சுனாமியை தடுத்து நிறுத்த முயற்சி என்பதாக பரவி வருகிறது.

Also Read: புதுப்பேட்டை பட பாணியில் பின்புறம் நின்ற பெண்ணுக்கு தாலி கட்டிய மணமகன் என்று பரவும் வீடியோ உண்மையா?

Conclusion

இஸ்லாமியர் ஒருவர் சுனாமியைத் தடுத்த நிறுத்த முயற்சி செய்வதாகப் பரவும் வீடியோ தகவல் தவறானது என்பது நமக்கு கிடைத்த ஆதாரங்களின் வாயிலாக தெளிவாகியுள்ளது.

ஆகவே வாசகர்கள் யாரும் இத்தகவலை நம்ப வேண்டாம் என்று நியூஸ்செக்கர் தமிழ் சார்பில் கேட்டுக் கொள்கின்றோம்.

Result: False

Our Sources
News Report From, Daily Mail, Dated on May 20, 2016
Report From, Repubblica, Dated May 20, 2016

(உங்களுக்கு ஏதேனும் ஒரு தகவல் குறித்து சந்தேகம் ஏற்பட்டாலோ அல்லது ஏதாவது ஒரு தகவலின் உண்மைத்தன்மைக் குறித்து அறிய விரும்பினாலோ +91 9999499044 என்கிற வாட்ஸ்ஆப் எண்ணிற்கோ, அல்லது checkthis@newschecker.in என்ற மின்னஞ்சல் முகவரிக்கோ உங்கள் கேள்விகளை அனுப்பலாம்.

எங்கள் இணையத்தளத்தில் உள்ள  Contact Us பக்கத்திற்குச் சென்று அதில் உள்ள படிவத்தைப் பூர்த்தி செய்தும் அனுப்பலாம்)