Claim: சினிமாவுக்கு மேக்கப் போட்டதும் ஆளே மாறிப்போன கும்பமேளா மோனாலிசா.
Fact: வைரலாகும் படம் “ஃபேஸ் ஸ்வாப் (Face swap)” தொழில்நுட்பம் மூலம் உருவாக்கப்பட்டதாகும். பாகிஸ்தானை சார்ந்த அழகுநிலையம் ஒன்றின் வீடியோவை வைத்து இது உருவாக்கப்பட்டுள்ளது.
கும்பமேளாவில் வைரலான இளம்பெண் மோனாலிசா தற்போது ‘தி டைரி ஆஃப் மணிப்பூர்’ எனும் பாலிவுட் திரைப்படத்தில் நடிக்க ஒப்பந்தமாகியுள்ளார். இந்நிலையில் “சினிமாவுக்கு மேக்கப் போட்டதும் ஆளே மாறிப்போன கும்பமேளா அழகி” என்று குறிப்பிட்டு மோனாலிசாவின் படம் ஒன்று சமூக ஊடகங்களில் பரவி வருகின்றது.
சமூக ஊடகங்களில் பரவி வரும் இத்தகவலின் உண்மைத்தன்மைக் குறித்து அறிய நியூஸ்செக்கர் தமிழ் சார்பில் அதுக்குறித்து ஆய்வு செய்ய முடிவு செய்தோம்.
Also Read: டெல்லி சட்டமன்றத் தேர்தலுக்கான கருத்துக் கணிப்பை வெளியிட்டதா புதிய தலைமுறை?
Fact Check/Verification
சினிமாவுக்கு மேக்கப் போட்டதும் கும்பமேளா மோனாலிசா ஆளே மாறிப்போனதாக பரவும் புகைப்படத்தில் “ni8.out9” எனும் இன்ஸ்டாகிராம் பக்கத்தின் பெயர் குறிப்பிடப்பட்டிருப்பதை காண முடிந்தது.
இதை அடிப்படையாக வைத்து “ni8.out9” என்கிற பயனர் ஐடியை கொண்ட இன்ஸ்டாகிராம் பக்கத்தில் ஆராய்ந்ததில் பிப்ரவரி 04, 2025 அன்று வைரலாகும் படத்தின் வீடியோ பதிவிடப்பட்டிருந்ததை காண முடிந்தது. அப்பதிவில் அவ்வீடியோவானது “ஃபேஸ் ஸ்வாப் (Face swap)” தொழில்நுட்பத்தை பயன்படுத்தி உருவாக்கப்பட்டது என்று தெளிவுப்படுத்தப்பட்டிருந்தது.
இதனையடுத்து வைரலாகும் வீடியோவை தனித்தனி கீஃபிரேம்களாக பிரித்து, அவற்றை ரிவர்ஸ் சர்ச் முறைக்கு உட்படுத்தி, அவ்வீடியோ குறித்து தேடினோம். அதில் பாகிஸ்தானின் ஃபைசலாபாத்தில் உள்ள மொமண்ட்ஸ் சிக்னட்சர் பியூட்டி சலூனின் இன்ஸ்டாகிராம் பக்கத்தில் செப்டம்பர் 07, 2024 அன்று வைரலாகும் வீடியோவிலிருக்கும் உண்மையான பெண்ணின் வீடியோ பதிவிடப்பட்டிருப்பதை காண முடிந்தது.
அவ்வீடியோவின் காட்சியையும் வைரலாகும் வீடியோவின் காட்சியையும் வாசகர்களின் புரிதலுக்காக கீழே ஒப்பிட்டு காட்டியுள்ளோம்.
Also Read: நடிகர் கார்த்தியிடம் சீமான் 1 கோடி கேட்டதாக பரவும் எடிட் வீடியோ!
Conclusion
கும்பமேளா மோனாலிசா சினிமாவுக்கு மேக்கப் போட்டதும் ஆளே மாறிப்போனதாக பரவும் படம் “ஃபேஸ் ஸ்வாப் (Face swap)” தொழில்நுட்பத்தை பயன்படுத்தி எடிட் செய்யப்பட்டதாகும். பாகிஸ்தானை சார்ந்த அழகுநிலையம் ஒன்றின் வீடியோவை வைத்து இது உருவாக்கப்பட்டுள்ளது.
இந்த உண்மையானது நமக்குக் கிடைத்த ஆதாரங்களின் வாயிலாக தெளிவாகியுள்ளது. ஆகவே வாசகர்கள் யாரும் இத்தகவலை நம்ப வேண்டாம் என்று நியூஸ்செக்கர் தமிழ் சார்பில் கேட்டுக் கொள்கின்றோம்.
Result: Altered Media
Our Sources
Instagram post by the user, ni8.out9, February 04, 2025
Instagram post by Moments Signature Beauty Salon, September 07, 2024
உங்களுக்கு ஏதேனும் ஒரு தகவல் குறித்து சந்தேகம் ஏற்பட்டாலோ அல்லது ஏதாவது ஒரு தகவலின் உண்மைத்தன்மைக் குறித்து அறிய விரும்பினாலோ +91 9999499044 என்கிற வாட்ஸ்ஆப் எண்ணிற்கோ, அல்லது checkthis@newschecker.in என்ற மின்னஞ்சல் முகவரிக்கோ உங்கள் கேள்விகளை அனுப்பலாம்.
எங்கள் இணையத்தளத்தில் உள்ள Contact Us பக்கத்திற்குச் சென்று அதில் உள்ள படிவத்தைப் பூர்த்தி செய்தும் அனுப்பலாம்
