Friday, April 4, 2025

Fact Check

ராம் ஐயர் டிபன் கடையில் அசைவ உணவு விற்பதாக பரவும் எடிட் புகைப்படம்!

banner_image

Claim: ராம் ஐயர் டிபன் கடையில் அசைவ உணவு விற்பனை
Fact: வைரலாகும் படம் எடிட் செய்யப்பட்டதாகும்

ராம் ஐயர் டிபன் கடையில் அசைவ உணவு விற்பதாக புகைப்படம் ஒன்று சமூக வலைத்தளங்களில் பரவி வருகின்றது.

ராம் ஐயர் டிபன் கடையில் அசைவ உணவு விற்பதாக வைரலாகும் புகைப்படம்
Screenshot from Twitter@GDiyash
ராம் ஐயர் டிபன் கடையில் அசைவ உணவு விற்பதாக வைரலாகும் புகைப்படம்
Screenshot from Twitter@MrrFanda
ராம் ஐயர் டிபன் கடையில் அசைவ உணவு விற்பதாக வைரலாகும் புகைப்படம்
Screenshot from Twitter@jackie0o

சமூக ஊடகங்களில் பரவி வரும் இத்தகவலின் உண்மைத்தன்மைக் குறித்து அறிய இத்தகவல் குறித்து நியூஸ்செக்கர் தமிழ் சார்பில் ஆய்வு செய்ய முடிவு செய்தோம்.

Also Read: Fact Check: உத்திரப்பிரதேசத்தில் காவல் துறையினர் தாக்கப்படுவதாக பரவும் வீடியோ உண்மையானதா?

Fact Check/Verification

ராம் ஐயர் டிபன் கடையில் அசைவ உணவு விற்பதாக புகைப்படம் ஒன்று வைரலானதை தொடர்ந்து இக்கடை குறித்து கூகுளில் தேடினோம். இதில் சென்னை மேற்கு மாம்பலத்தில் இக்கடை இயங்கி வந்ததாக தகவல் கிடைத்தது.

கூகுள் மேப்பில் இக்கடை குறித்து புகைப்படங்களை நம்மால் காண முடிந்தது. அவற்றுள் இக்கடையில் விற்பனையில் பொருட்களின் விலைப்பட்டியல் படமும் ஒன்றாகும். அப்பட்டியலில் அசைவ உணவு வகைகள் இடம்பெற்றிருக்கவில்லை.

ராம் ஐயர் டிபன் கடையில் அசைவ உணவு விற்பதாக வைரலாகும் புகைப்படம்
Screengrab from Google Maps

அதேபோல் இக்கடையின் முகப்பு பக்கத்தில் வைக்கப்பட்டிருந்த போர்டின் நிறம் நீல நிறத்திலும், வைரலாகும் படத்தில் காணப்படும் போர்டின் வெள்ளை நிறத்தில் இருந்தாலும், இவ்விரு போர்டுகளிலும் ஒரே முதியவர்களின் படங்கள் இடம்பெற்றிருப்பதை நம்மால் காண முடிந்தது.

ராம் ஐயர் டிபன் கடையில் அசைவ உணவு விற்பதாக வைரலாகும் புகைப்படம்

இதனையடுத்து தேடியதில் Caresurfer AK  எனும் யூடியூப் பக்கத்தில் டிசம்பர் 30, 2022 அன்று இந்த உணவகம் குறித்து வீடியோ ஒன்று பதிவிட்டிருப்பதை காண முடிந்தது. அவ்வீடியோவின் 43 ஆவது விநாடியில் மேற்கு கே கே நகரில் புதியதாக மற்றொரு உணவகம் திறக்கப்படவுள்ளதாக, உணவகம் சார்பில் வைக்கப்பட்டிருந்த அறிவிப்பு ஒன்றை நம்மால் காண முடிந்தது.

ராம் ஐயர் டிபன் கடையில் அசைவ உணவு விற்பதாக வைரலாகும் புகைப்படம்
Screengram form Youtube

இதனையடுத்து அக்கடை குறித்து கூகுள் மேப்பில் தேடினோம். அந்த புதிய உணவகத்தில் வைரலாகும் புகைப்படத்தில் இருப்பதுபோல வெள்ளை நிறத்திலேயே முகப்பு பக்க போர்டு வைக்கப்பட்டிருந்ததை நம்மால் காண முடிந்தது. ஆனால் அந்த போர்டில் அசைவம் விற்பதாக குறிப்பிட்டிருக்கவில்லை. அதில் ராம் ஐயர் டிபன் கடை என்பதற்கு கீழ், ‘PURE VEG RESTAURANT’ என்று ஆங்கிலத்தில் குறிப்பிடப்பட்டிருந்தது.

ராம் ஐயர் டிபன் கடையில் அசைவ உணவு விற்பதாக வைரலாகும் புகைப்படம்
Screengrab from Google Maps

இந்த வாசகத்தை எடிட் செய்து நீக்கி, ‘சைவம் மற்றும் அசைவம்’ என்ற புதிய வாசகத்தை சேர்த்து, ஐயர் கடையில் அசைவம் விற்பதாக சமூக வலைத்தளங்களில் பரப்பி வருகின்றனர்.

வாசகர்களின் புரிதலுக்காக உண்மையான போர்டின் படத்தையும், எடிட் செய்யப்பட்ட போர்டின் படத்தையும் கீழே ஒப்பிட்டுக் காட்டியுள்ளோம்.

Also Read: Fact Check: கர்நாடகாவில் ஓட்டுக்கு பணம் தந்ததா பாஜக?

Conclusion

ராம் ஐயர் டிபன் கடையில் அசைவ உணவு விற்பதாக வைரலாகும் புகைப்படம் எடிட் செய்யப்பட்ட போலியான புகைப்படம் என்பது நமக்கு கிடைத்த ஆதாரங்களின் வாயிலாக தெளிவாகியுள்ளது.

ஆகவே வாசகர்கள் யாரும் இத்தகவலை நம்ப வேண்டாம் என்று நியூஸ்செக்கர் தமிழ் சார்பில் கேட்டுக் கொள்கின்றோம்.

Result: Altered Photo

Our Sources
Youtube Video, from Caresurfer AK, Dated December 30, 2022

Google Maps


(உங்களுக்கு ஏதேனும் ஒரு தகவல் குறித்து சந்தேகம் ஏற்பட்டாலோ அல்லது ஏதாவது ஒரு தகவலின் உண்மைத்தன்மைக் குறித்து அறிய விரும்பினாலோ 9999499044 என்கிற வாட்ஸ்ஆப் எண்ணிற்கோ, அல்லது checkthis@newschecker.in என்ற மின்னஞ்சல் முகவரிக்கோ உங்கள் கேள்விகளை அனுப்பலாம்.

எங்கள் இணையத்தளத்தில் உள்ள  Contact Us பக்கத்திற்குச் சென்று அதில் உள்ள படிவத்தைப் பூர்த்தி செய்தும் அனுப்பலாம்)

image
உங்களுக்கு ஏதேனும் ஒரு தகவல் குறித்து சந்தேகம் ஏற்பட்டாலோ அல்லது ஏதாவது ஒரு தகவலின் உண்மைத்தன்மைக் குறித்து அறிய விரும்பினாலோ +91-9999499044 என்கிற வாட்ஸ்ஆப் எண்ணிற்கோ, அல்லது checkthis@newschecker.in​. என்ற மின்னஞ்சல் முகவரிக்கோ உங்கள் கேள்விகளை அனுப்பலாம். மேலும், எங்கள் இணையத்தளத்தில் உள்ள Contact Us பக்கத்திற்குச் சென்று அதில் உள்ள படிவத்தைப் பூர்த்தி செய்தும் அனுப்பலாம்.
Newchecker footer logo
Newchecker footer logo
Newchecker footer logo
Newchecker footer logo
About Us

Newchecker.in is an independent fact-checking initiative of NC Media Networks Pvt. Ltd. We welcome our readers to send us claims to fact check. If you believe a story or statement deserves a fact check, or an error has been made with a published fact check

Contact Us: checkthis@newschecker.in

17,672

Fact checks done

FOLLOW US
imageimageimageimageimageimageimage
cookie

எங்கள் வலைத்தளம் குக்கிகளை பயன்படுத்துகிறது

நாங்கள் குக்கீகளை மற்றும் ஒருவரியக் கொள்கைகளை உதவியுடன் பயன்படுத்துகிறோம், விளக்கமயமாக்க மற்றும் விளக்க பொருட்களை அளவுபடுத்த, மேலும் சிறப்பு அனுபவத்தைப் பயன்படுத்துகிறோம். 'சரி' என்பதை கிளிக் செய்யவும் அல்லது குக்கீ விருதங்களில் ஒரு விருப்பத்தை சோதிக்கும் மூலம், இதுவரை விளக்கப்படுத்தப்பட்டது, என ஒப்புக்கொண்டுள்ளீர்கள் என்று நீங்கள் இதுவரை உங்கள் ஒப்புதலை அறிவிக்கின்றீர்கள், எங்கள் குக்கீ கொள்கையில் உள்ளது.