Claim
مسجد اقصی پر اسرائیلی حملے کے بعد لبنان کے جوابی حملے کا منظر۔
Fact
لبنان کے اسرائیل پر حالیہ حملے سے اس ویڈیو کا کوئی تعلق نہیں، بلکہ بنگلہ دیش کے ڈھاکہ میں کپڑوں کے بازار میں لگی آگ کی ہے۔
گزشتہ دنوں اسرائیلی فوج کی جانب سے مسجد اقصیٰ میں نمازیوں پر حملہ کیا گیا۔ جس کے بعد لبنان نے اسرائیل پر جوابی حملہ کردیا۔ اب اسی واقعے سے منسوب کرکے سوشل نٹورکنگ سائٹس فیس بک، ٹویٹر اور انسٹاگرام پر ایک ویڈیو شیئر کی جا رہی ہے۔ جس میں عمارتوں میں بھیانک آگ لگی ہوئی نظر آرہی ہے۔ دعویٰ کیا جا رہا ہے یہ ویڈیو لبنان کی جانب سے اسرائیل پر کئے گئے حالیہ جوابی حملے کی ہے۔
Fact check / Verification
لبنان کے اسرائیل پر حالیہ حملے کا بتاکر شیئر کی جا رہی ویڈِیو کے ایک فریم کو ہم نے گوگل ریورس امیج سرچ کیا۔ جہاں ہمیں متعدد نیوز ویب سائٹس کے لنک فراہم ہوئیں۔ دی گارجئن اور فسٹ پوسٹ کے آفیشل یوٹیوب چینل پر رواں ماہ کی 4 تاریخ کو اپلوڈ شدہ وہی ویڈیو ملی۔ جسے ان دنوں لبنان کے اسرئیل پر حملے کا بتاکر شیئر کیا جا رہا ہے۔ دی گارجین کے مطابق یہ ویڈیو بنگلہ دیش کے ڈھاکہ میں موجود ایک کپڑا مارکیٹ میں لگی آگ کی ہے۔
اس کے علاوہ ہمیں ایسوسی ایٹ پریس کی ویب سائٹ پر بھی وائرل ویڈیو کے کئی فریم کے ساتھ شائع 4 اپریل 2023 کی رپورٹ ملی۔ جس کے مطابق ڈھاکہ کے مشہور بنگا بازار میں رواں ماہ کی 4 تاریخ کو صبح کے 6 بجکر 10 منٹ پر آتشزدگی کا واقعہ پیش آیا۔ فائر فائٹر کے 47 یونٹس کی مدد سے آگ پر قابو پایا گیا۔ 7 اپریل 2023 کو شائع شدہ ڈھاکہ ٹریبیون کے مطابق اس حادثے میں 5000 دکانیں خاکستر ہو گئیں تھیں۔ بنگا بازار ایک ہول سیل کپڑوں کی مارکیٹ ہے۔
اس حوالے سے دیگر نیوز ویب سائٹ نے بھی وائرل ویڈیو کو ڈھاکہ کے بنگا بازار میں لگی آگ کا بتاکر خبریں شائع کیں ہیں۔ رپورٹس یہاں، یہاں اور یہاں پڑھ سکتے ہیں۔ اب یہ واضح ہوا کہ وائرل ویڈیو کا لبنان کے اسرائیل پر حالیہ حملے سے تعلق نہیں ہے۔
یہ بھی پڑھیں: مسجد اقصیٰ کے اندر فلسطینیوں پر اسرائیلی فوج کے تشدد کی اس تصویر کی کیا ہے حقیقت؟
Conclusion
اس طرح ہماری تحقیقات سے یہ ثابت ہوا کہ لبنان کے اسرائیل پر حالیہ حملے کا بتاکر شیئر کی جارہی ویڈیو دراصل بنگلہ دیش کے ڈھاکہ کے کپڑے مارکیٹ میں لگی بھیانک آتشزدگی کی ہے۔
Result: False
Our Sources
Reports published by The Guardian, Firstpost and APNews on 04 April 2023
نوٹ: کسی بھی مشتبہ خبر کی تحقیق، ترمیم یا دیگر تجاویز کے لئے ہمیں واہٹس ایپ نمبر 9999499044 پر آپ اپنی رائے ارسال کرسکتے ہیں۔
