Claim
سوشل میڈیا پر پٹاخوں سے بھرے ٹرک میں لگی آگ کی ایک ویڈیو کے ساتھ دعویٰ کیا جا رہا ہے کہ تمل ناڈو سے ایودھیا رام مندر کی افتتاحی تقریب کا جشن منانے کے لئے آتش بازی کا سامان لے جانے والے ٹرک میں آگ لگ گئی۔
Fact
رام مندر کی افتتاحی تقریب کا جشن منانے کے لئے پٹاخوں سے بھرے ٹرک میں لگی آگ کا بتاکر شیئر کی گئی ویڈیو سے متعلق ہم نے ایکس (ٹویٹر) پر کیورڈ سرچ کئے۔ اس دوران ہمیں اناؤ پولس کی جانب سے وائرل دعوے والے پوسٹ کا جواب ایکس پر ملا۔ جس میں بتایا گیا ہے کہ پٹاخے سے بھرا ہوا ٹرک تمل ناڈو سے بہرائچ جا رہا تھا۔ جس میں رواں ماہ کی 17 تاریخ کی صبح 4:00 بجے کھرگی کھیڑا کے پاس آگ لگ گئی۔
ٹرک کا نمبر ٹی این 28 اے ایل 6639 تھا، جس میں پٹاخے لدے ہوئے تھے، پولس کو اطلاع ملتے ہی پوروا پولس اسٹیشن اور فائر بریگیڈ موقع پرپہنچ کر آگ پر پوری طرح قابو پالیا، اس حادثے میں کوئی جانی نقصان نہیں ہوا۔ پولس کی جانب سے ٹرک مالک سے بات کرنے کے بعد پتہ چلا کہ مذکورہ ٹرک تمل ناڈو سے بہرائچ جا رہا تھا، جس میں آتش بازی، بچوں کے پوسٹرز، فلمی فنکاروں کے پوسٹرز اور دکان کی سپلائی کے لئے مذہبی پوسٹر لدے ہوئے تھے۔
اس کے علاوہ پوروا کی علاقائی آفیسر سونم سنگھ کا بیان آج تک اور نیوز 18 کے 17 جنوری 2024 کو شائع ہونے والی خبروں میں موصول ہوا۔ سونم سنگھ کے مطابق پٹاخوں سے بھرا ٹرک بہرائچ جا رہا تھا، لیکن نامعلوم وجوہات کی وجہ سے صبح چار بجے کھڑگی کھیڑا گاؤں کے نزدیک ٹرک میں آگ لگ گئی تھی۔ مقامی پولس اور فائر بریگیڈ کی مدد سے آگ پر قابو پالیا گیا اور اس حادثے میں کسی بھی طرح کا جانی نقصان نہیں ہوا۔
اس کے علاوہ سی او سونم سنگھ کا ویڈیو بیان بھی دینک بھاسکر کی صحافی ممتا ترپاٹھی نے اپنے ایکس ہینڈل پرشیئر کیا تھا، جس نے پہلے دعویٰ کیا تھا کہ ٹرک ایودھیا جارہا تھا۔ آپ کو بتادیں کہ دیگر مقامی صحافیوں نے بھی اپنے ایکس ہینڈل سے واضح کیا ہے کہ ٹرک بہرائچ جا رہا تھا۔
اس طرح نیوز چیکر کی تحقیقات سے یہ واضح ہوا کہ رام مندر کی افتتاحی تقریب کے جشن کے لئے لے جا رہے پٹاخوں سے بھرے ٹرک میں آگ لگنے کا دعویٰ گمراہ کن ہے۔ دراصل پٹاخوں سے بھرا یہ ٹرک تمل ناڈو سے بہرائچ جا رہا تھا، لیکن نامعلوم وجوہات کی وجہ سے صبح 4 بجے کھڑگی کھیڑا گاؤں کے قریب ٹرک میں آگ لگ تھی۔
Result: Partly False
Our Sources
Tweets shared by Unnao Police and journalists
Media reports
نوٹ: کسی بھی مشتبہ خبر کی تحقیق، ترمیم یا دیگر تجاویز کے لئے ہمیں واہٹس ایپ نمبر 9999499044 پر آپ اپنی رائے ارسال کر سکتے ہیں۔ ساتھ ہی ہمارے واہٹس ایپ چینل کو بھی فالو کریں۔
