Claim
میڈیا رپورٹس کے مطابق تائیوان میں بدھ کی صبح شدید زلزلے کے باعث کئی مکانات منہدم ہو گئے۔ زلزلے میں منہدم ہونے والے عمارتوں کی متعدد ویڈیوز سوشل نٹورکنگ سائٹس پر خوب شیئر کی جا رہی ہیں۔ اسی کے پیش نظر منہدم ہو رہی عمارت کی ایک اور ویڈیو بھی شیئر کی جا رہی ہے، جس کے ساتھ صارف کا دعوی ٰہے یہ ویڈیو 3 اپریل کو تائیوان میں آنے والے زلزلے میں منہدم ہوئی ایک عمارت کی ہے۔
Fact
وائرل ویڈیو کے ایک فریم کو ہم نے ریورس امیج سرچ کیا۔ جہاں ہمیں جرنو ترک نامی ایکس ہینڈل پر ہوبہو ویڈیو ملی۔ جس میں اس ویڈیو کو ترکیہ کے شانلیاورفہ کا بتایا گیا ہے۔
مزید تحقیقات کے لئے ہم نے تائیوان زلزلے کا بتاکر شیئر کی گئی ویڈیو کے ایک فریم کو گوگل لینس پر سرچ کیا۔ جہاں ہمیں متعدد میڈیا رپورٹس فراہم ہوئیں، جس میں مذکورہ ویڈیو کو ترکیہ کا بتاکر شائع کیا گیا ہے۔
نیو یارک پوسٹ اور ترکی نیوز ویب سائٹ ہیبر سول پر بھی ہمیں 6 فروری 2023 کو شائع خبریں موصول ہوئیں۔ ان رپورٹس کے مطابق منہدم ہورہی عمارت کی یہ ویڈیو ترکیہ کے شانلیاورفہ کی ہے۔ جہاں شدید زلزلے کی وجہ سے پانچ منزلہ عمارت منہدم ہوگئی تھی۔
اس طرح ہماری تحقیقات سے یہ ثابت ہوا کہ وائرل ویڈیو تائیوان زلزلے کی نہیں ہے بلکہ ترکی میں گزشتہ برس فروری میں آنے والے زلزلے میں منہدم عمارت کی ہے۔
Result: False
Sources
Tweet post by Journo Turk on 06 Feb 2023
Reports published by New York Post and Haber Sol on 06 Feb 2023
نوٹ: کسی بھی مشتبہ خبر کی تحقیق، ترمیم یا دیگر تجاویز کے لئے ہمیں واہٹس ایپ نمبر 9999499044 پر آپ اپنی رائے ارسال کر سکتے ہیں۔ ساتھ ہی ہمارے واہٹس ایپ چینل کو بھی فالو کریں۔
