Authors
ایرانس منز چُھ از کل حجابس پیٹھ بحث جاری تہ اتھ سلسلس منز چھِ ایرانی عوام مختلف رائے تھاوان کینہہ چھِ حجاب کس حقس منز تہ کیہہ چھِ اتھ مخالف۔ حجاب کس معاملس منز آئیہ ایرانس منز سیٹھا واقع تہ پیش۔ بچی ہُند ویڈیو اکھ چُھ سوشل میڈیا ہس پیٹھ وائرل گژھان یتھ منز اکس بچی خون چُھ وسان۔
بچی ہُند یہ ویڈیو چُھ سوشل میڈیا ہس پیٹھ یوان شیئر کرنہ تہ اتھ متعلق چُھ دعویٰ یوان کرنہ زہِ حجاب لگاونس حمایت کرن واجنہِ اکہِ خاتونِ چُھ امس بچی حجاب نہ لگاونس پیٹھ پارپیٹ کورمتُ یمہ وجہ سآتِ بچی زخمی چھِ گمژ۔
اکِ صارِفن چُھ یہِ بچی ہُند ویڈیو ٹویٹ کورمتُ تہ کیپشنس منز چُھ تمہِ لیوکھمتُ: ‘اکِ خاتون چُھ حجاب نہ لگاونس پیٹھ بچی مارپیٹ کورمتُ۔ یمہِ سآتِ بچی چھِ زخمی سپزمژ’۔
بچی ہُند یہ ویڈیو چُھ سیٹھا صارِفو شیئر کورمتُ تہ تِمو چُھ یہوے دعویٰ کورمتُ۔ پوسٹن ہُند لنک ہیکیو توہیِ یتیتھ، یتیتھ، یتیتھ، یتیتھ تہ یتیتھ وچتھِ۔
امہِ علاؤ چُھ میڈیا ادارو دسِ تہ یہ ویڈیو آمتُ شیئر کرنہ تہ میڈیا ادارو چُھ لیوکھ متُ زہِ ویڈیو چُھ تمسِ بچی ہُند یمسِ حجاب کس ناوس پیٹھ آؤ مارپیٹ کرنہ۔ رپورٹن ہُند آرکائیو لنک ہیکیو توہیِ یتیتھ تہ یتیتھ وچتھِ۔
Fact Check/ Verification
نیوز چیکرن کئر اَمہِ ویڈیو وچ حقیقت زاننہ خاطرء بچی ہُند ویڈیو کیفریمن منز تقسیم تہ یمو منز کئرِ اسہِ کینہ کیفیرم ریورس امیج سرچ، سرچ دوران آئیہ اسہِ بچی ہُند ویڈیوس متعلق سیٹھا میڈیا رپورٹ لبنہ۔
مھر نیوز ایجنسی وئب سائٹِ پیٹھ شائع اکس رپورٹس سآتِ چُھ آمتُ امہِ وائرل ویڈیو وکِ اسکرین شارٹ شیئر کرنہ تہ رپورٹس منز چُھ آمتُ وننہ زہِ ایران کسِ اصفاہانس منز اکسِ سکولس منز چھِ دون بچن پانونِ لڑائی دوران اکسِ بچہ سنزِ ماجِ دویمس بچس پارپیٹ کورمتُ یمہِ وجہ سآتِ بچی زخمی چھِ سپزمژ۔
رپورٹس منز چُھ وننہ آمتُ زہِ اتھ معاملس چُھنہ حجابس سآتِ کانہہ تہِ تعلق، تہ بچی ہُند مارپیٹ کرن واجنِ خاتون خلاف چح، آمژ قانونی کارروائی کرنہ۔
وئب سائٹ پیٹھ چُھ آمتُ اتھ سلسلس منز اکھ ویڈیو تہِ موجود یتھ منز محکمہ تعلیمِ سربراہ جلال سلمانی چُھ ونان زہِ یہ چھِ سکول نیبرہ کنِ دون بچن درماین لڑائی گمژ۔ تہ اتھ چُھنہ حجاب معاملس سآتِ کانہہ تہِ تعلق۔
امہِ علاوہ آئیہ اسہِ صاحب خبر نامی وئب سائٹ پیٹھ بچی ہُند ویڈیو رپورٹ لبنہ رپورٹس منز چُھ آمتُ بچی سنزِ ماجِ ہندِ حوالہ لیکھنہ زہِ ‘گولخانہ علاقس منز محجوب سکولس منز یمہِ خاتونِ بچی مارپیٹ اوس کورمتُ تس خلاف چھِ پولیسن کارروائی کرمژ’۔
Conclusion
لہذا گو نیوز چیکر کسِ تحقیقاتس منز ثابتِ زہِ یہ بچی چھِ دون بچن درمیان لڑائی دوران زخمی کمژ تہ اتھ ویڈیو وس چُھنہ حجاب معاملس سآتِ کانہہ تہ تعلق۔ لہذا چُھ بچی ہُند ویڈیو غلط دعویٰ سان وائرل کرنہ۔
Result: False
Our Sources
Report published by mehrnews.com
Report published by sahebkhabar.ir
Video report published by Mehr News Agency
نوٹ: کسی بھی مشتبہ خبرکی تحقیق، ترمیم یا دیگر تجاویز کے لئے ہمیں نیچے دئیے گئے واہٹس ایپ نمبر پر آپ اپنی رائے ارسال کرسکتے ہیں۔ 9999499044
