Wednesday, February 8, 2023
Wednesday, February 8, 2023

HomeFact Checkکیا یِمو نفرو کورا فیفا ورلڈکپ 2022 تقریب دوران اسلام قبول؟

کیا یِمو نفرو کورا فیفا ورلڈکپ 2022 تقریب دوران اسلام قبول؟

قطرس منز فیفا ورلڈکپ 2022 کسِ افتتاحس منز اسلامی اسکالر ڈاکٹر ذاکر نائک سنزِ شرکت پتہ گئی سوشل میڈیاہس پیٹھ سیٹھا ویڈیو وائرل۔ ویڈیون متعلق چُھ دعویٰ یوان کرنہ زہ واریاہ غآر مسلمانو کور اسلام قبول۔

اتھ دوران چُھ ذاکر نائک سُند ویڈیو وائرل گژھان، یتھ منز 4 نفر چھِ ذاکر نائکس برونہہ کنہِ کلمہ پران وچھنہ چھ یوان۔ اتھ متعلق چُھ یوان دعویٰ کرنہ زہِ قطرس منز فیفا ورلڈکپ 2022 ہس دوران ذاکر نائک سندِ تقریر ساتِ متاثرِ ژؤرو نفرو کور اسلام قبول۔

اکِ ٹویٹر صارفن چُھ ویڈیو شیئر کرِتھ لیکوھمتُ زہِ ‘قطرس منز اسلام قبول کرن والین ہُند ویڈیو۔ ڈاکٹر ذاکر نائک حفظہ اللہ سندِ گوڈنیکِ پروگرامس منز کور 4 نفرو اسلام قبول۔ الحمدللہ رب العالمین’۔

یتھی کنِ چُھ سیٹھا صارفو قطرس منز فیفا ورلڈکپ 2022 ہُک ونتھِ ذاکر نائک سُند ویڈیو شیئر کرتھِ دعویٰ کورمتُ زہِ 4 نفرو کور اسلام قبول۔

یمن پوسٹن ہُند لنکِ ہکیو توہیِ یتیتھ، یتیتھ، یتیتھ تہ یتیتھ وچتھِ

امہِ علاؤ چُھ یہ ویڈیو یوٹیوبس پیٹھ تہِ آمتُ شیئر کرنہ۔ یمیوک لنک توہیِ ہیکیو یتیتھ وچتھِ۔

Fact Check/ Verification

قطرس منز فیفا ورلڈکپ 2022 کسِ اتھ ویڈیوس متعلق حقیقت زاننہ خاطرء کور اسہِ ذاکر نائک سُند ویڈیو انوڈِ سافٹ وئر کہِ مدد سآتِ کیفریمن منز تقسیم۔ تہ امہِ منز کور اکھ کیفیرم گوگل ریورس امیج سرچ۔ سرچ دوران آو نہ اسہِ کانہہ تہ اطمنان بخش نتیجہ لبنہ۔

امہ پتہ کور اسہِ یوٹیوبس پیٹھ ‘ذاکر نائکن پرنائے 4 نفر کلمہ’ کیورڈ سرچ۔ سرچِ دوران آئی اسہِ امہِ ویڈیوکِ کینہہ کیفریم عبدالغنی بودھرا نامی یوٹیوب چینلِ پیٹھ اکسِ ویڈیوس منز لبنہ۔ یتھ منز ذاکر نائکس برونہہ کنہِ 4 نفر وچھنہ چھ یوان۔ ذاکر نائک سُند ویڈیو پُور وچھنہ پتہ آو تور اسہِ فکرِ زہِ ذاکر نائک سُند یہوے ویڈیو چُھ یوان سوشل میڈیاہس پیٹھ شیئر کرنہ تہ اتھ متعلق چُھ یوان دعویٰ کرنہ زہ، یمو 4 نفرو کور فیفا ورلڈکپ 2022 ہس دوران اسلام قبول۔ اتھ چینلِ پیٹھ چُھ یہ ویڈیو آمتُ 26 مئی 2016 ہس منز اپلوڈ کرنہ۔

ویڈیو کسِ کیپشنس منز چُھ عربی زبانِ منز لیکتھِ زہِ ‘قطرس منز ذاکر نائیک سُند لیکچر ختم گژھنہ پتھ کور 4 نفرو اسلام قبول’۔

مزید سرچِ دوران آو اسہِ یہ ویڈیو باقی یوٹیوب چینلن پیٹھ تہِ لبنہ تہ تمام چینلن پیٹھ چُھ یہ ویڈیو 2016 ہس منز اپلوڈ آمتُ کرنہ۔

ویڈیون ہُند لنک ہیکیو توہیِ یتیتھ، یتیتھ تہ یتیتھ وچتھِ۔

ذاکر نائک کی ویڈیو
Screengrab from YouTube Channel/ Meer Mohammed Yehya

امہِ سآتِ گو اسہِ واضع زہِ ذاکر نائک سُند ویڈیو چُھنہ قطرس منز فیفا ورلڈکپس دوران کینہہ۔ یُس سوشل میڈیاہس پیٹھ چُھ امہِ دعویٰ سان شیئر یوان کرنہ۔

Conclusion

نیوز چیکر کسِ تحقیقاتس منز گو ثابت زہِ ذاکر نائک سُند ویڈیو چُھنہ قطرس منز فیفا ورلڈکپ 2022 ہس دوران کینہہ، دراصل چُھ یہ ویڈیو 2016 ہس منز رکارڈ اآمتُ کرنہ۔ لہذا اتھ ویڈیو ویس سآتِ کرنہ یوان دعویٰ چُھ غلط۔

Result: False

Our Sources

Video by YouTube channel Meer Mohammed Yehya, dated May 28, 2016
Video by YouTube channel abdelghani boudra dated May 27, 2016
Video by YouTube channel Ashique Ansari dated May 30, 2016


کسی بھی مشکوک خبر کی تحقیقات، تصحیح یا دیگر تجاویز کے لیے ہمیں واٹس ایپ کریں: 9999499044 یا ای میل: [email protected]

LEAVE A REPLY

Please enter your comment!
Please enter your name here

Most Popular