Fact Check: یہ سرکیولر چُھنہ پنجاب حکومت طرفہ جاری آمتُ کرنہ

Authors

Abrar Bhat

سوشل میڈیاہس پیٹھ چُھ اکھ سرکیولر وائرل گژھان یتھ منز انتظامیہ ہن چُھ ونمتُ زہِ تمام سرکارِ ملازِمن ہندِ سوشل میڈیا اکاونٹ ینہ مانیٹر کرنہ یمہ حکومتی پالیسی ہنز مخالفت کران چھِ۔

اتھ سلسلس منز چُھ حکومت کہِ طرفہ جاری کرنہ آمتُ یہ سرکیولر سوشل میڈیا ہس پیٹھ وائرل تہ وننہ چُھ یوان زہِ یہ سرکیولر چُھ پنجاب حکومت کہِ طرفہ آمتُ جاری کرنہ۔

کینہہ ٹویٹر فارِ تہ چُھ یہ سرکیولر ٹویٹ کورمتُ یِمن ہند لنک ہیکیو توہی یتیتھ، یتیتھ، یتیتھ تہ یتیتھ وچتھِ۔

Fact Check/ Verification

نیوز چیکرن کئر امہِ سرکیولرچ حقیقت زاننہ خاطرء سارنیِ برونہہ اتھ سرکیولرس پیٹھ غور تہ اتھ چُھ فاروق پال نامی انڈر سیکریٹری سندِ طرفہ آمتُ دستخط کرنہ۔ انٹرنیٹس پیٹھ فاروق پال سرچ کرنہ پتھ آؤ اسہِ لبنہ زہِ ڈاکٹر فارق پال چُھ جموں و کشمیرس منز افسر

جموں و کشمیر جنرل ایڈمنسٹریشن ڈیپارٹمنٹ آفیشل ویب سائٹِ وچھنہ پتہ آؤ اسہِ لبنہ زہِ ڈاکٹر فارق ناصر پال چُھ انڈر سیکریٹری برائے چیف سیکریٹری۔

گوگلس پیٹھ اتھ سرکیولرس متعلق سرچ کرنہ پتہ آیہ اسہِ آؤٹ لُک میگزین ویب سائٹِ پیٹھ 19 فروری 2023 ہس منز شائع اکھ رپورٹ لبنہ۔

رپورٹس منز چُھ سرکارِ ذرائع حوالہ وننہ آمتُ زہِ جموں و کشمیر انتظامیہ ہن چُھ تمام انتظامی سیکرٹریوں ہدایت جاری کرِمتِ زہِ تمِ کرن سوشل میڈیا نیٹ ورکس نگرانی تاکہ تمِن ملازمین ہنزِ نشاندہی ییہ کرنہ یمہ حکومتی پالیسین پیٹھ منفی تبصرُ کران چھِ۔

رپورٹس منز چُھ وننہ آمتُ زہِ چیف سکریٹری اے کے مہتا ہن چُھ جمعہ دوہ اکسِ میٹنگ منز جنرل ایڈمنسٹریٹو ڈیپارٹمنٹس اتھ سلسلس منز ہدایت جاری کئرِمتِ۔

امہِ علاؤ نیوز چیکرن کور اکسِ افسرس سآتِ رابطہ تہ تمو ون ناؤ ظاہرِ نہ کرہ کسِ شرطس پیٹھ زہِ سرکیولر چُھ دراصل چیف سیکریٹری یس سآتِ اکہِ میٹنگِ ہُند حصہ۔

عآپ حکومتن چُھ دعویٰ غلط قرار دیوت متُ

پنچاب حکومتنآندھرا پردیش حکومتن چُھ 22 فروری 2023 ہس منز اکسِ ٹویٹس منز وائرل سرکیولر جاری کرتھِ ونمتُ زہِ سوشل میڈیا دسِ عوام گمراہ کرہ حاطرء چُھ صارِفو جموں و کشمیر حکومت کہِ طرفہ جاری کرنہ آمتُ سرکیولر تلگو زبان منز شیئر کورمتُ۔ چُھ واضع کورمتُ زہِ اتھ سرکیولرس چُھن پنجاب حکومتس سآتِ کانہہ تہ تعلق۔ تمو چُھ امہ سرکیولرکُ باقی حصہ تہ جاری کورمتُ۔

آندھرا پردیش حکومتن چُھ 22 فروری 2023 ہس منز اکسِ ٹویٹس منز وائرل سرکیولر جاری کرتھِ ونمتُ زہِ سوشل میڈیا دسِ عوام گمراہ کرہ حاطرء چُھ صارِفو جموں و کشمیر حکومت کہِ طرفہ جاری کرنہ آمتُ سرکیولر تلگو زبان منز شیئر کورمتُ۔

Conclusion

یتھ کنِ گو نیوز چیکر کسِ تحقیقاتس منز ثابتِ زہِ سوشل میڈیا ہس پیٹھ ملازمن ہنزِ نگرانی خاطرء چُھ جموں و کشمیر انتظامیہ ہن یہ سرکیولر جاری کورمتُ۔ اتھ سرکیولرس چُھنہ پیجاب حکومتس سآتِ کانہہ تہِ تعلق۔

Result: False

نوٹ: کسی بھی مشتبہ خبرکی تحقیق، ترمیم یا دیگر تجاویز کے لئے ہمیں نیچے دئیے گئے واہٹس ایپ نمبر پر آپ اپنی رائے ارسال کرسکتے ہیں۔ 9999499044

Authors

Abrar Bhat