سوشل میڈیاہس پیٹھ چھِ اکھ زخمی بچی ہنز تصویر وائرل گژہان، دعویٰ چُھ یوان کرنہ زہِ زخمی بچی ہنز تصویر ہُند تعلق چُھ کشیر ساتِ۔ اتھ تصویرِ متعلق چھِ امہِ برونہہ تہِ آمتِ سیٹھا دعویٰ کرنہ تہ شیئر کرنہ۔  

ٹویٹرس پیٹھ چُھ زخمی بچی ہنزِ تصویر شیئر کرتھِ صارفن لیکوھمتُ ‘معصوم بچی چھِ سرکاری فائرنگ منز زخمی گمژِ، امہِ تصویر ہُند تعلق چُھ کشیر ساتِ’۔

شیئر کرنہ آمتین پوسٹن ہُند آرکایئو لِنک ہیکیو توہی یتیتھ تہ یتیتھ وچتھ۔

امہِ علاؤ چھِ یہ تصویر آمژ فیس بُکس پیٹھ تہِ شیئر کرنہ۔

Fact Check/ Verification

تصویرِ ہنز حقیقت زاننہ خاطرء کرِ اسہِ یہ تصویر گوگل ریورس امیج سرچ۔ اتھ دوران آئی اسہِ لبنہ کینہ رپورٹ یِمن منز زخمی بچی ہنز تصویر چھِ آمژ شیئر کرنہ۔

برکھت نیوز طرفہ اکسِ رپورٹس منز چھِ امہِ تصویر علاؤ مزید تصویر تہِ شیئر کرنہ۔ تصویرن متعلق چُھ آمتُ وننہ زہِ مغربی کابل افغانستانس منز اکسِ خودکش حملس منز گئی 24 نفر ہلاک۔ یمن منز چھِ زخمی بچی ہنز تصویر تہِ شامل کرنہ۔

امہ علاو اسہِ یہ تصویر اسہِ النہار عربی نامی وئب سائٹِ پیٹھ 4 اگست 2020 ہس منز شائع رپورٹ سان لبنہ، یتھ منز وننہ چُھ آمتُ زہِ یہ تصویر چھِ افغانستان کابل دھماکس دوران آمژ تُلنہ۔

پجھواک افغان نیوز فیس بُک پیجس پیٹھ تہِ چُھ آمتُ زخمی بچی ہنز تصویرِ ہُند تعلق افغانستانس ساتِ وننہ آمتُ۔

تصویر ہندسِ کیپشنس منز چُھ آمتُ افغانستان کسِ سآبق ترجمان گورنر عبدالغنی سندِ حوالہ لیکھنہ زہِ ‘کونار علاقہ کسِ ضلع شیگل منز کھاندر تقریبِ منز بم دھماکس دوران گئیِ پانژھ زنانہ تہ بچہ ہلاک’۔

Conclusion

لہذا گؤ نیوز چیکر تحقیقاتس منز ثابت زہِ زخمی بچی ہنز تصویر چھنہ کشیرِ ہنزِ بلکہ چھِ تصویر ہُند تعلق افغانستانس ساتِ۔ اتھ تصویر متعلق کرنہ آمتُ دعویٰ چُھ غلط۔

Result: Missing Context

کسی بھی مشکوک خبر کی تحقیقات، تصحیح یا دیگر تجاویز کے لیے ہمیں واٹس ایپ کریں: 9999499044 یا ای میل: checkthis@newschecker.in