ایشیاء کپس منز بھارتس خلاف پاکستان چہِ زیننچ خوشی مناونکِ پرآنِ ویڈیو وائرل

Claim

بھارت پاکستان کرکٹ میچس منز پاکستان کہِ زیننہ پتھ گئی سوشل میڈیاہس پیٹھ جشن مناو نکِ سیٹھا ویڈٰیو وائرل۔ دعویٰ چھ یوان کرنہ زہِ یمہ ویڈیو چھ کشیرہندِ تہ کاشرِ چھ پاکستان کس زیننس پیٹھ جشن مناوان۔

دبئی منز گندنہ یوان ایشیاء کپکُ میچ آو 4 ستمبر 2022 بھارت تہ پاکستانس درمیان گندنہ۔ بھارت پاکستان کرکٹ میچس منز ہارنو پاکستانن بھارت یمہ پتھ اکِ ٹویٹر صارفن لیوکھ زہِ بھارت پاکستان کرکٹ میچس منز پاکستان کہِ زیننچ خوشی منز چھ کآشرِ جش مناوان۔

ایتھی پآٹھ چھ سوشل میڈیاہس پیٹھ بھارت پاکستان کرکٹ میچس متعلق سیٹھا ویڈیو وائرل گژھان، یمن متعلق دعویٰ چھ یوان کرنہ زہِ یہ جشن چھِ کآشرِ بھارتس خلاف پاکستان کہِ طرفہ زیننہ پتھ مناوان۔

بھارت پاکستان کرکٹ میچس متعلق کرنہ یوان دعویٰ ہند آرکائیو ہیکیو توہیئ یتیتھ، یتیتھ، تہ یتیتھ وچتھ

Fact check

نیوز چیکرن کور بھارت پاکستان کرکٹ میچ کسِ سلسلس منز وائرل ویڈیون متعلق تحقیقات زہِ یمہ ویڈیوکشیر ہندِ آسنکسِ دعویٰ ہس منز کآژاہ سچائی چھِ۔ اکس ویڈیوس منز چُھ وچھنہ یوان زہِ کینہ نوجوان چھ خوشی مناوانس دوران پٹاکھ زلاان تہ پاکستانکُ جنڈ لہراوان۔ حالانکہ یہ ویڈیو چھ امہِ برونہ اکتوبر 2021 ہس منز تہ وائرل گومتُ۔ تمہ ساتن اوس اتھ متعلق دعویٰ یوان کرنہ زہِ یہ چُھ کشیر منز 2020 ہس منز ٹی 20 ورلڈ کپس منز بھارتس خلاف پاکستان کسِ زیننہ کسِ سلسلس منز جشن یوان مناونہ۔

یلہ کہ زن تَمہِ ساتہ چُھ نیوز چیکرس لبنہ آمتُ زہِ یہ ویڈیو چُھ 2020 ہس منز سرینگرس منز پاکستان چہِ آزادی ہندسِ دہس پیٹھ خوشی مناونہ۔

اَمہِ علاو آئی اسہ کینہ ویڈیو لبنہ، یمہ 2017 منز پاکستان کسِ چیمپنز ٹرافی منز زیننچ خوشی منز چھ آمتِ سرینگرس منز تلنہ، تہ کینہ چھ 14 اگست پاکستان چہِ آزادی ہندس ہندسِ دوہس تہ کینہ 2020 تہ 2021 ہس چھ تلنہ آمتِ۔

بھارت پاکستان کرکٹ میچ کسِ سلسلس منز وائرل اکسِ ویڈیو وس متعلق مزید زانکاری خاطرء کورہ اسہ حالئی شیئر کرنہ آمت ویڈٰو تہ پرون ویڈیو شیئر کرنہ آمتس ویڈٰوس درمیان موازنہ۔ یمن دوشونہ ویڈٰیون منز آئی اسہ کیئنہ نشانہ لبنہ یمو سآتِ ظاہر گو زہِ یہ چُھ ہیوُوی ویڈٰیو۔ یسُ بار بار چُھ یوان شیئر کرنہ۔ توہئ ہیکیو پانہ تہ امہ ویوڈیوکُ موازنہ کرتھِ شچائی زانتھِ۔

 یمہ ویڈٰیو شیئر کرن والین سوشل میڈٰیا ہینڈلن ہندس بارس منز تحقیقات کرنہ پتہ آو اسہ لبنہ زہ یمہ ویڈیو چھِ یا تہ پاکستان پیٹھ یا انکارا یا ترکی پیٹھ یوان چلاونہ۔

Result: Partly false

Claim

ایتھی پآٹھ چھ اکس ویڈیو وس متعلق یوان دعویٰ کرنہ زہِ یہ چھ سرینگرس منز پاکستان کس زیننہ کس سلسلس منز یوان سرینگرس منز پٹاکھ زالتھ جشن مناونہ۔

آرکایو ورژن ہیکیو توہی یتیتھ تہ یتیتھ وچتھ۔

Fact check

اسہ کور یوٹیوب سرچ تہ اسہ آو یہیوی ویڈٰیو یوٹیوبس پیٹھ لبنہ یس اگست 14 2020 ہس منز اپلوڈ چھُ کرنہ آمت، تہ ویڈیو کیپشنس منز چھ وننہ آمتُ زہِ یہ چھ ڈاون ٹاون سرینگرس منز یوان پاکستان چہ آزادہ ہند جشن مناونہ۔

یلہ اَسہِ یمن ویڈٰیو ون ہند موازنہ کور تہ اسہ آئے اتھ منز کینہ نشانی لبنہ یمہ سآتہ ثابت گو زہۃ یہ چُھ اکوئ ویڈٰیو۔ یس 2020 ہس منز چھ آمت شئیر کرنہ تہ یوان چھ بیئی اَکہ غلط دعویٰ ساب شیئر کرنہ۔

Result: Partly false

نوٹ: کنہِ تہِ شک آور خبرءِ ہند تحقیق،ترمیم یا دیگرتجویزو خاطرء سوزیو پننِ رائے دیتمتسِ واٹس ائپ نمبرس پیٹھ۔9999499044

If you would like us to fact-check a claim, give feedback, or lodge a complaint, WhatsApp us at 9999499044 or email us at checkthis@newschecker.in. You can also visit the Contact Us page and fill out the form.