بھارتچ ریاست اترپردیش کسِ پریاگ راج شہرس منز آئی کینہ دوہہہ پرونہہ اکھ مسجد منہہدم کرنہ۔ دعویٰ چُھ یوان کرنہ زہِ اترپردشس منز آیہ 16 مہ صدی منز تعمیر کرنہ آمژ تاریخی مسجد تمہِ وزِ منہدم کرنہ، یلہِ مسجد پیٹھ اؤس آمتُ پاکستانی جھنڈ لہراو نہ۔ یمہِ پیتھ سوشل میڈیا پیٹھ اتھ متعلق بحث شروع گئیِ۔

اکِ فیس بُک صارفن چُھ لیکومتُ ‘اتر پردیش: پاکستانی جھنڈ لہراونہ وجہ کئر ہندو انتہا پسندو 16 مہِ صدی ہنز تاریخی مسجد شہید’۔

سیٹھا صارِفو چُھ لیکومتُ زہِ تاریخی مسجد آئی محض امہِ وجہ منہدم کرنہ زہِ اتھ پیٹھ اؤس پاکستانی جھنڈ آمتُ لہراونہ۔

اتھ سلسلس منز پوسٹس ہُند لنک ہیکیو توہیِ یتیتھ، یتیتھ، یتیتھ تہ یتیتھ وچتھِ۔

امہِ علاؤ چُھ ٹویٹر صارِفو تہِ مسجد ہنزِ انہدامی متعلق یہوے دعویٰ کورمتُ۔

Fact Check/ Verification

نیوز چیکرن کور اتھ دعویٰ ہس متعلق حقیقت زاننہ گوگل سرچ، سرچِ دوران آئیہ اسہِ متعدد رپورٹس لبنہ۔

میڈیا رپورٹن مزن چُھ آمتُ وننہ زہِ سڑکِ ہنزِ کشادگی خاطرء آئہ اترپردیش کسِ پریاگ راجس منز تاریخی مسجد منہدم کرنہ، یمہِ پتہ مسجد ہندِ انتظامیہ ہن چُھ عدالتس ریوع کورمتُ۔

روزنامہ سیاست چہِ ویب سائٹِ پیٹھ شائع اکسِ رپورٹس منز چُھ وننہ آمتُ زہِ ‘پریاگ راج کسِ ہانڈیہ علاقس منز جی ٹی سڑکِ ہنز کشادگی خاطرء چھِ آمژ انتظامیہ طرفہ اکھ تاریخی مسجد منہدم کرنہ۔ یہ مسجد چِھ 16 مہِ صدی منز سلطان شیر شاہ سوری سندِ طرفہ تعمیر کرنہ’۔

امہِ علاوہ باقی رپورٹن منز تہِ چُھ آمتُ وننہ زہِ مسجد ہنزِ کشادگی خاطرء آئیہ مسجد منہدم کرنہ۔

رپورٹن منز چُھ وننہ آمتُ زہِ مسجد ہندِ امام محمد بابل حسینن چُھ ونمتُ زہِ مسجد ہنزِ انہدامی ہُند معاملہ چُھ عدالتس منز زیر سماعت مگر کانہہ فاصلہ ینہ برونہہ آئیہ انتظامیہ طرفہ مسجد کو منہدم کردیا۔

رپورٹن ہُند لنک ہیکیو توہیِ یتیتھ، یتیتھ تہ یتیتھ وچتھِ۔

Conclusion

یتھ کنِ گو نیوز چیکر کسِ تحقیقاتس منز ثابت زہِ پاکستانی جھنڈ لہراؤنہ وجہ آیہ نہ مسجد منہدم کرنہ، بلکہ آئی پریاگ راج علاقس منز تاریخی مسجد سڑکِ ہنزِ کشادی خاطرء منہدم کرنہ۔

Result: False

نوٹ: کسی بھی مشتبہ خبرکی تحقیق،ترمیم یا دیگرتجاویز کے لئے ہمیں نیچے دئیے گئے واہٹس ایپ نمبر پر آپ اپنی رائے ارسال کرسکتے ہیں۔ 9999499044