ترکی منز زلزل کرنس منز امریکہ ذمہ دار؟ :Fact Check

Authors

Abrar Bhat

ترکی تہ شامس منز بنیول گژھنہ ساتِ گئیہِ پتمہِ ہفتہ 43000 کھوتہ زیادء نفر مارء تہ ساسن منز گئیہ لوکھ زخمی۔

ترکی تہ شامس منز ییہ بنیول گژھ نکِ چھِ یوان سوشل میڈیا تہ میڈیا ادارو دسِ مختلف وجوہات بیان کرنہ۔

اکھ وجہ چُھ یتِ یوان بنا کرنہ زہِ ترکی تہ شامس منز بنیول ینکُ اکھ وجہ اوس امریکی ہاپ ٹیکنالوجی۔

فیس بُکس پیٹھ چُھ اتھ سلسلس منز اکِ صارِفن اکھ فوٹو شیئر کورمتُ تہ امہِ کسِ کیپشنس منز چُھس لیوکھمتُ زہِ ‘یہ چُھ بنیول بناون وؤل اکھ ہتھار یتھ ہارپ چھِ ونان۔ امہِ کہِ ذریعہ آؤ ترکی تہ شامس منز بنیول پورء کرنہ’۔

ترکی تہ شامس منز بنیولسِ متعلق وننہ یوان مختلف صارِفو چھِ یہ تصویر شیئر کرمژ۔ یِمن ہُند لنکِ توہیِ ہیکیو یتیتھ، یتیتھ، یتیتھ، یتیتھ تہ یتیتھ وچتھِ۔

امہِ علاؤ چُھ میڈیا دارو دسِ تہِ دعویٰ آمتُ کرنہ زہِ “ہارپ” ٹیکنالوجی ہندِ ذریعہ آؤ بنیول پودء کرنہ۔

Fact Check/ Verification

کیا واقعی آؤا “ہارپ” ٹیکنالوجی ہندِ ذریعہ ترکی تہ شامس منز بنیول پودء کرنہ۔ اتھ دعویٰ ہس متعلق کور اسہِ تحقیقات۔ اسہِ کئر سارنیِ برونہ “ہارپ” ٹیکنالوجی متعلق معلومات حاصل۔

ہارپ کیا چُھ؟

ہارپ چُھ اکھ امریکی تحقیقی مرکز، یُس امریکی ایئر فورس، امریکی نیوی، یونیورسٹی آف الاسکا فیئربینکس تہ ڈیفینس ایڈوانسڈ ریسرچ پراجیکٹس کہِ اشتراک سآتِ چھِ 1990 تس منز آمژ تیار کرنہ۔ یمیوک مقصد ریڈیو کمینیکیشن ٹیکنالوجی ہُند تجربب تہ امچِ نگرانی کرنِ چھِ۔ اتھ متعلق ہیکیو توہی مزید معلومات خطرء یتیتھ کلک کرتھِ۔

امہِ پتہ کئر اسہ یہ زاننچ کوشش زہِ یہ ٹیکنالوجی کتھ حدس تام ہیکہِ زہزل پود کرتھِ۔ تہ اتھ متعلق کور اسہِ گوگل سرچ یتھ دوران اسہِ آئیہ سیٹھا رپورٹ لبنہ۔

لندنس منز سائینس میڈیا سینٹرن چھِ ترکی تہ شامس منز ینہ والِس زلزس متعلق اکھ ریسرچ کئرمژ۔

رپورٹس منز چُھ وننہ آمتُ زہِ “ہارپ” تہ زلزلس چُھنہ پانون کانہہ تہ تعلق۔ ہارپ چُھ اکھ تحقیقی پروگرام یُس آئینو سفیرس متعلق مطالعہ کرنہ خاطرء چُھ آمتُ تیار کرنہ۔

رپورٹس منز چُھ مزید وننہ آمتُ زہِ امہِ قسمکُ چُھنہ کانہہ تہ فزیکل میکانزم ممکن یمہِ سآتِ وننہ ییہ زہِ ہارپ ٹیکنالوجی ہندِ ذریعہ آؤ بنیول کرنہ۔ لہذا گژھن یمہ دعوؤں غلط قرار دینہ۔

امہِ علاؤ یورپی وئب سائٹِ ہندسِ اکسِ رپورٹس منز چُھ آمتُ وننہ زہِ بنیول گژھنس منز ہیکہِ انسانی مداخلت آستھِ۔ اتھ متعلق مزید معلومات خاطرء ہیکیو توہیِ یتیتھ کلکِ کرتھِ۔

امہِ باوجود کئرِ اسہِ سمیولی اسکول آف انجینرنگ کسِ معروف پروفیسر جناتھن سٹیورٹس ساتِ رابطہ، تِمو چُھ ترکی منز ینہ والس زلزلس متعلق تحقیق کورمتُ۔ ٰتحقیق پریو۔

تِمو چُھ اتھ کتھِ انکار کورمتُ زہِ ترکی زلزلس منز آؤ کونہِ ٹیکنالوجی ہُند استعمال کرنہ’۔

Conclusion

نیوز چیکر کسِ تحقیقاتس منز گو ثابتِ زہِ ہارپ ٹیکنالوجی ہنِ دسِ چُھنہ یوان بنیول کرنہ۔ لہذا ہیکو اسہِ دعویٰ سان ونتھِ زہِ ترکی تہ شامس منز بنیول اؤس قدرتی۔

Result: False

نوٹ: کسی بھی مشتبہ خبرکی تحقیق، ترمیم یا دیگر تجاویز کے لئے ہمیں نیچے دئیے گئے واہٹس ایپ نمبر پر آپ اپنی رائے ارسال کرسکتے ہیں۔ 9999499044

Authors

Abrar Bhat