اردو زبان اقوام متحدہ ہس منز سرکاری زبان؟ زانئو کیا چُھ پوز

سوشل میڈیا صارِفو چُھ سچ کی آواز نامی اخبارچ اکھ کٹنگ شیئر کرتھِ دعویٰ کورمتُ زہِ “اردو زبانِ چُھ اقوام متحدہ چہ زبانِ ہُند درجہ دینہ آمتُ”۔ دعویٰ چُھ یوان کرنہ زہِ اردو چھِ اقوام متحدہ ہچ سرکاری زبان قرار آمژ دینہ تہ تاریخس نز گودنیچ لٹہ کور اقوام متحدہ ہکِ جنرل سیکریٹری جنرلن اردو زبانِ منز پننُ پیغام جاری۔

یہ اخبار کٹنگ چھِ سٰیٹھا سوشل میڈیا صارفو شیئر کرمژ۔ ٹویٹرس پیٹھ اردو ریٹویٹ نامی پیچن چُھ یہ اخبار کٹنگ شیئر کرتھِ دعویٰ کورمتُ زہِ اردو زبانِ تہِ چُھ عالمی زبانِ ہُند درجہ آمتُ دینہ۔

امہِ علاؤ چُھ ہاشم اعظم نامی شخصن تہ یہوے دعویٰ کرتھِ اخبار کٹنگ شیئر کرمژ۔

امہِ پوسٹکُ آرکائیو لنک۔

Fact

اردو زبانِ چُھ اقوام متحدہ ہس منز بین الاقوامی درجہ آمتُ دینہ، امہِ دعویٰ ہچ حقیقت زاننہ خاطرء کئر اسہِ اقوام متحدہ ہچ آفیشل ویب سائٹ چیک، وئب سائٹِ پیٹھ 6 سرکاری زبان یمن منز انگریزی، عربی، چینی، فرانسیسی، روسی تہ ہسپانوی زبان شامل چھِ مگر اردو زبانِ ہُند ذکر چھنہ کُنہِ جائے آمُتُ کرنہ۔

توہی آسنِ ژیتس زہِ سچ کی آواز نامی اخبارچ یہ کٹنگ آئی 2021 منز تہِ وائرل کرنہ یمہِ پتہ نیوز چیکر ٹیمِ اتھ متعلق فیکٹ چیک کور تہ اسہِ کور روبطہ امہِ اخبار کسِ ایڈیٹرس ساتِ یمہِ پتہ تِمو پننہِ غلطی ہُند اعتراف کور تہ دوئمہِ دوہہ کئر تِمو تردیدی خبر شائع۔

تہ از چھِ یہ کٹنگ بییہ اکِ لٹہِ امژ وائرل کرنہ۔ یتھ منز نہ کانہہ تہِ حقیقت چھِ۔

یتھ کنِ گو سانسِ تحقیقاتس منز ثابتِ زہِ اردو زبانِ چُھنہ امتُ اقوام متحدہ ہس منز سرکاری زبانِ ہُند درجہ دینہ، اتھ متعلق یوان کرنہ دعویٰ چُھ غلط۔

Result: False

نوٹ:کسی بھی مشتبہ خبرکی تحقیق،ترمیم یا دیگرتجاویز کے لئے ہمیں نیچے دئیے گئے واہٹس ایپ نمبر پر آپ اپنی رائے ارسال کر سکتےہیں۔