Thursday, March 28, 2024
Thursday, March 28, 2024

سون طریقہ کار

1. Selection of Claims

اسہِ چھِ حکومت، سیاست دانن، سیاسی جماعتن تہ سوشل میڈیا طرفہ پریس ریلیز جاری کرنس پیٹھ غلط معلومات خاطرء نظر تھاوان۔  کینہہ چیز مدِنظر تھاویتھ چھِ اسہِ غلط معلوماتن ہندِ چناو کران، زہِ معلومات کآژاہ موثر چھِ، عوامی حلقن منز کوتاہ چُھ معاملہ زیرِ بحث تہ غلط معلومات پہلاوان والِ ذرائع سُند موثر آسنُ۔

اَسہِ چھِ مخصوص طریقس پیٹھ صحتس، عوامی تحفظ، امن وامان، پروپوگنڈا تہ نفرت پہلاونک کسِ موادس پیٹھ کآم کران۔

2. چانچ پڑتال

اسہِ چھِ سیٹھا آرٹیکل تہ دعؤیٰ چیکر کران۔ اسہِ چھِ تِمن نشِ واتنچِ کوشش کران، یمن متعلق دعویٰ چُھ یوان کرنہ، تاکہ اسہِ ہیکو یمن دعویٰ ہنز حقیقت زانتھِ۔ اسہِ چھِ تمن ذرائع ہُند تہِ چھان بین کران یُس اسہِ مہیا چُھ یوان کرنہ۔ یمن ہُند چھان بین کرنہ خاطرء چھِ اسہِ انٹرنیٹس پیٹھ دستیاب آلاتن یمن منز گوگل ریورس امیج سرچ، ینڈیکس، ریوائی، ٹن آئی،بنگ، ایکسف وغیرہ ہُند استعمال کران۔ وائرل ویڈیو یا فوٹوچ جانچ تہِ چھہ اسہِ کران۔ اسہِ چھہ حقیقت زاننہ خاطرء تمن تانِ واتان یمن متعلق دعویٰ چُھ یوان کرنہ، تاکہ تمن ہُندبیان ہیکو شامل کرتھِ۔

3. معیارچ پڑتال

فیکٹ چیک کرتھِ شائع کرنہ برونہہ چھِ سآنِ مدیر موادکُ پڑتال کرن، امہ علاؤ چھِ اسہِ معیار چیک کرنہ خاطرء نفری یمہ یہ کتھ یقینی بناوان چھِ زہِ فیکٹ چیک کرن والیِ چھِ تمام قواعد و ضوابط مدنظر فیکٹ چیک کورمتُ۔ یہ عمل چُھ سانسِ فیکٹ چیکس موثر بناوان۔

4. اشاعت۔ فاصلہ

جانچ پڑتال کرنہ پت چھ یوان فیکٹ چیک مواد ویب سائٹِ پیٹھ شائع کرنہ، تہ اسہِ چھِ اتھ منز تمام ثبوت تہ امیوکُ عمل سمجھاوان۔

تمام فیکٹ چیکن منز چھِ اسہِ نتیجن ہنز باوت کران، تہ ذرائع ہُند حوالہ دیوان۔

5. تصحیح

اسہِ چھِ فارئینن امہ خااطرء خآر مقدم کران زہِ تمِ لیکھن اسہِ سانِ غلطی متعلق۔ تہ اگر کُنہ پوسٹس منز خامی آسہِ تہ قارئین کرن تَمچِ نشاندہی۔ ہر پیجس پیٹھ چُھ ‘+’ بٹن یتھ کلک کرتھِ قارئین ہیکن اسہِ شکایات سوزتھِ۔