Monday, March 20, 2023
Monday, March 20, 2023

HomeScience and Technologyکاشرِ نوجوانن کتھ کنِ کئرِ اَکِ ٹویٹ سآتِ لُکھ گمراہ؟ پریو رپورٹ

کاشرِ نوجوانن کتھ کنِ کئرِ اَکِ ٹویٹ سآتِ لُکھ گمراہ؟ پریو رپورٹ

جموں و کشمیرکُ عامر رشید وانی اکِ نوجوانن چُھ پائلٹ تہ بچہ سُند فوٹو تویٹ کورمتُ، یتھ سآتِ تمِ دعویٰ چُھ کورمتُ زہِ تمِ چُھ ماج ہنز خواہش پُور کرتھِ پان پائلٹ بنتھِ موج حج سفر کرنآؤ مژ۔ یہ ٹویٹ وائرل گژھنہ پتہ چُھ سیٹھا میڈیا ادارو اتھ متعلق رپورٹ لیوکھمت۔ پاکستانیِ میڈیا ادارء ایکسپریس نیوزن چُھ رپورس منز ونمتُ زہِ بھارتی زیرِ انتظام جموں و کشمیرکُ عامر رشید وانی ین چُھ پننہِ ماج ہُند خواب پُور کرتھِ موج پائلٹ بنتھِ سفرِ محمودس پیٹھ نِمژ۔

جموں و کشمیرکُ عامر رشید وانی
Courtesy: Screengrab from Express News

نوائے وقت نامی میڈیا ادارن تہِ چُھ اتھ متعلق رپورٹس منز ونمتُ زہِ جموں و کشمیرس ساتِ تعلق تھاون وؤل نوجوان چُھ یمِ ماج ہُند خواب پور کرتھِ پان پائلٹ بنتھِ موج سفر محمودس پیٹھ واتنو۔

جموں و کشمیرکُ عامر رشید وانی

امہ علاو چُھ بول نیوز، ڈائلاگ پاکستان، علاؤ باقی سیٹھا مٰڈیا ادرو اتھ متعلق رپورٹ شائع کورمتُ تہ تِمو چُھ دعویٰ کورمتُ زہِ جموں و کشمیرس ساتِ تعلق تھاون وؤل عامر رشید نامی نوجوان چُھ سُو یمہ ماج ہُند خواب پُور کور۔

Courtesy: Screengrab from Bol News
Courtesy: Screengrab from Dialogue Pakistan

Fact Check/ Verification

نیوز چیکرن کور اتھ سلسلس منز تحقیقات زہِ اتھ دعویٰ ہس منز کئژا سچائی چھِ۔ اسہِ کور عامر رشید سُند ٹوئیٹر ہینڈل چیک، یتہِ اسہِ 26 دسمبر 2022 ہُک ٹوئٹ آؤ نہ لبنہ۔ باریکی سان وچھنہ پتہ تو اسہِ فکرء زہِ عامر رشیدن چُھ ٹویٹ ڈلیٹ کورمتُ۔ یمہِ کسِ سلسلس منز میڈیا ادارو رپورٹ چُھ کورمتُ۔

Screengrab from Aamir’s Tweet link

عامر رشیدن ٹویٹر ہینڈل وچھنہ پتہ آؤ اسہِ تہندہِ طرفہ کرنہ آمتُ 31 دسمبر 2022 ہُک ٹویٹ لبنہ۔ اتھ ٹویٹس منز تہِ چُھ تِمو ہوبہو دعویٰ کورمتُ۔ تِمور چھِ 26 دسمبر 2022 کسِ ٹویٹس متعلق میڈیا رپورٹ پننسِ انسٹاگرام تہ فیس بک پیجس پیٹھ تہِ شیئر کرِ متِ۔

امہِ پتہ کور اسہِ عامر رشید سندِ طرفہ ٹویٹ کرنہ آمتِ فوٹو گوگل ین ڈیکس سرچ۔ اتھ دوران آئی اسہِ مصر پیٹھ سے شائع گژھن وآلِ جریدۃ الطریق نامی عربی نیوز ویب سائٹِ پیٹھ 3 اکتوبر 2022 ہس منز شائع اکھ رپورٹ لبنہ۔ یتھ منز رپورٹس ساتِ یِمہ تصویر چھِ آمژء شیئر کرنہ۔ رپورٹس منز چُھ ماج ہنز خواہش پُور کرن والِ نوجوان سُند ناؤ مہر سعداللہ محمد ونہہ تہ یہُند ناؤ چُھ تعلق چُھ عراق کسِ الخالدیہ الانبار ساتِ وننہ۔

سرچِ دوران آئی اسہِ کشکول نامی عربی نیوز ویب سائٹِ پیٹھ تہِ امسِ نوجوان پائلٹ سنزِ تصویر رپورٹس ساتِ لبنہ تہ رپورٹ چھِ آمژ 10 فروری 2021 ہس منز شائع کرنہ۔ اتھ رپورٹس منز تہِ چُھ آمتُ نوجوان تعلق عراقس ساتِ وننہ۔ رپورٹس منز چُھ آمتُ واضع کرنہ زہِ 23 وہری پتہ کئرِ مہر سعداللہ محمد ہن ماجِ ہنزِ خواہش پور تہ نین مننِ موج پائلٹ بنتھِ حجس۔

جموں و کشمیرکُ عامر رشید وانی سُند فون نمبر پتہ کرنہ پتہ کور اسہِ تِمن ساتِ رابطہ تہ تِمو کور امہِ کتھِ ہُند اقرار زہِ تِمو چُھنہ غلطی سان ٹویٹس منز واضع کورمتُ کینہہ زہِ چُھنہ تِہُند فوٹو۔ یلہ کہ زن تِمو اؤس ٹویٹ محض کہانی ساتِ متاثر کژتھِ کورمتُ۔

Conclusion

لہذا گو نیوز چیکر کسِ تحقیقاتس منز ثابت زہِ جموں و کشمیرکُ عامر رشید وانی چُھنہ سُہ نوجوان یمہِ ماجِ ہُند خواب پُور کرتھِ موج پائلٹ پنتھِ سفر محمورس پیٹھ نیِ۔

Result: False

Our Sources

Report published by altreeq.com on 03 Oct 2022
Report published by kashkol.com on 10 Feb 2021
Google maps search
Phonic conversation with Aamir Rashid Wani

نوٹ: کسی بھی مشتبہ خبرکی تحقیق،ترمیم یا دیگرتجاویز کے لئے ہمیں نیچے دئیے گئے واہٹس ایپ نمبر پر آپ اپنی رائے ارسال کرسکتے ہیں۔ 9999499044

LEAVE A REPLY

Please enter your comment!
Please enter your name here

Most Popular