Friday, December 2, 2022
Friday, December 2, 2022

HomeUncategorized @kaکیا مکہ ہس منز یِنا تلاوتِ قرآن تہ اذان خاطرء روبوٹ استعمال...

کیا مکہ ہس منز یِنا تلاوتِ قرآن تہ اذان خاطرء روبوٹ استعمال کرنہ؟

سعودی عرب حکومتن چھِ مکہ ہس منز انسانن ہنزِ سہولیات خاطرء روبوٹ استعمالس منز انِمتِ، یمہ روبوٹ دینہ امامن، اذان، وعظ تہ نماز اوقاتن ہنزِ معلومات فراہم۔

میڈیا ادارو چھِ مکہ ہس منز روبوٹ استعمال کرنس متعلق لیوکھ متُ زہِ یمہ روبوٹ ینہ تلاوتِ قرآن، وعظ تہ اذان خاطرء استعمال کرنہ۔

Screengrab from TRTworld

یہ رپورٹ چھ معروف میڈیا ادارو سان سیٹھا میڈٰیا ادارو شائع کرمژ۔ یمن منز ٹی آر آٹی ورلڈ تہ عرب نیوز تہ شامل چھِ۔

Screenshot from Arab News

جموں و کشمیر میڈیا ادارء کمشیر مانیٹر چُھ لیکھان “مشرایو موذن، سعودی عربن چھِ مکہ ہس منز روبوٹن ہندُ استعمال عملہ منز انمتُ۔ تہ روبوٹ ینہ تلاوتِ قرآن، وعظ تہ اذان خاطرء استعمال کرنہ۔ یمہ روبوٹ چھِ آمتِ حاجی صاحبانن معلومات فراہم کرنہ خاطرء تہ لگاونہ آمتِ

اتھ رپورٹس منزچھُ آمتُ جنرل پریذیڈینٹ برائے حرمین شریفین شیخ عبدالرحمٰن السعودینز سندِ حوالہ وننہ زہِ یمہ روبوٹ چھِ آمتِ ویژن 2030 کسِ سلسلس منز لگاونہ آمتِ۔

روبوٹ ینہ تلاوتِ قرآن
Screenshot from the Kashmir Monitor

Fact Check/ Verification

نیوز چیکرن کور اتھ سلسلس منز تحقیقات کرنہ خاطرء انگریزی زبان منز گوگلس پیٹھ کینہ کیورڈ سرچ زہِ ‘روبوٹ ینہ تلاوتِ قرآن، وعظ تہ اذان خاطرء استعمال کرنہ’ تہ اسہِ آیہ لبنہ سیٹھا رپورٹ۔

مہاراشٹرا پیٹھ امید ڈاٹ کام نامی اکِ ویب سائٹِ چُھ لیوکھ متُ زہِ سعودی عرب چُھ یمن رپورٹن انکار کورمتُ یمن منز وننہ چُھ یوان زہِ مکہ منز ینہ روبوٹ ینہ تلاوتِ قرآن، وعظ تہ اذان خاطرء استعمال کرنہ۔

ویب سائٹِ چُھ پننس رپورٹس منز لیوکھ متُ زہِ “سعودی عربن چھِ تِمہ رپورٹ غلط قرار دیتِ متِ، یمن منز وننہ چُھ یوان زہِ روبوٹ ینہ تلاوتِ قرآن، وعظ تہ اذان خاطرء استعمال کرنہ”۔

فری پریس کشمیر نامی ویب سائٹِ تہ چھ اتھ سلسلس منز اکھ رپورٹ شائع کرمژ، یتھ منز وننہ چُھ آمتُ زہِ یہ چُھ غلط زہِ “روبوٹ ینہ تلاوتِ قرآن، وعظ تہ اذان خاطرء استعمال کرنہ۔ یمہ چھ صرف انسانی معلومات خاطرء آمتِ تعینات کرنہ

رپورٹس منز جنرل پریذیڈنٹ برائے حرمین (مسجد الحرام تہ مسجد نبوی) سندِ حوالہ لیکھنہ زہِ “روبوٹ کرن محض انسانن معلومات فراہم۔ عوام ہیکہ روبوٹ پیٹھ پننین سمارٹ فونن منز موذنن، امامن تہ واعظن متعلق معلومات ڈاون لوڈ کرتھِ”  

نیوز چیکرن کرِ اتھ سلسلس منز حرمین شریف انتظامیہ ہکِ سوشل میڈیا ہینڈلن پیٹھ پتہ زہِ یہ معلومات کتھ حدس تام چھِ صحیح۔

سارنی برونہہ کور اسہِ حرمین شریفین نکُ ٹویٹر ہینڈل پتہ تہ اتہ لوبہ اسہِ اتھ سلسلس منز اکھ ٹویٹ، یتھ منز لیکتھ اوس زہِ “رپورٹ یمن منز روبوٹ موذن سندُ متبادل چُھ آمتُ وننہ، تمہ رپورٹ چھِ غلط۔ نیوز میڈیا ادارن چُھ یوان وننہ زہِ کینہہ لیکھنہ برونہہ کژھِ معلومات خاطرء پریس نوٹ پرنہ یُن”۔

تمو چُھ لیوکھ متُ زہِ میڈیا ادارو چُھ روبوٹ موذنن ہُند متبادل قرار دیومت متُ، یہ چُھ غلط۔ روبوٹ ینہ محض عوامی معلومات خاطرء استعمال کرنہ

Conclusion

لہذا واتِ اسہ اتھ نتیجس پیٹھ زہِ روبوٹ ینہ تلاوتِ قرآن، وعظ تہ اذان خاطرء استعمال کرنہ دعویٰ چُھ غلط، بلکہ ینِ روبوٹ صرف معلومات خاطرء استعمال کرنہ۔

Result: False

Our Sources

freepresskashmir.news report published on September 14.
Ummid.com report published on September 15.
Official twitter handle of Haramain Sharifain
Official Facebook page of Haramain Sharifain


If you would like us to fact check a claim, give feedback or lodge a complaint, WhatsApp us at 9999499044 ​or email us at ​[email protected]​. You can also visit the Contact Us​ page and fill the form.

LEAVE A REPLY

Please enter your comment!
Please enter your name here

Most Popular