Authors
Claim
بھارتتچ دارالحکومت دلیِ منز انڈیا گیٹس پیٹھ جنگِ آزادی منز شامل مسلمان شہیدن ہئندِین ناون متعلق چھ فیس بُکس پیٹھ اکھ پوسٹ وائرل گژھان۔ پوسٹس منز چُھ وننہ یوان زہِ 95300 منز چھِ 61395 مسلمان جنگجو ہندِ ناوّ انڈیا گیٹس پیٹھ لیکھنہ آمتِ۔
Fact
نیوز چیکرن کور اتھ سِلسلز منز تحقیقات تہ اسہِ آے لبنہ اے بی پی نیوز وئب سائٹِ پیٹھ 12 فروری 2019 ہس منز شائع اکھ رپورٹ۔ امہ رپورٹ مطابق چھِ انڈیا گیٹ ایڈون لینڈسیر لوٹینزنامی شخصن 12 فروری 1931 ہس منز تعمیر کورمتُ۔ تہ انڈیا گیٹ چھ آمتُ اَّولمِ جنگِ عظیم تہ تریمہِ اینگلو افغان جنگس منز برطانیہ طرفہ لڑنس دوران شہید گژھن والیں ہندوستانین ہندسِ اعزازس منز تعمیر کرنہ۔ تمہ وقتہ اوس نہ ہندوستان آزاد گومتُ کینہ۔
اسہِ کور اتھ سلسلز منز تہِ تحقیقات زہِ کیا ملکچ آزادی دوران شہید کژھن والین ہند ناوّ تہ چھا انڈیا گیٹس لیکتھ؟
اتھ سلسلس منز کور اسہِ سنجیدگی سان گوگل سرچ۔ اتھ دوران آو اسہِ دلئ ہنزِ محکمہ سیاحت چہِ ویب سائِٹِ پیٹھ اکھ رپورٹ لبنہ۔ اتھ رپورتس منز چُھ وننپ آمتُ زہِ انڈیا گیٹچ بنیاد چھِ ‘ڈیوک آف انڈیا’ سندِء طرفہ 1921 ہس منز تراو آمژ تہ 10 وہری پتئ چُھ آمت لارڈ ارونِ ساندِ طرفہ اَتھ افتتاح کرنہ۔
اتھ سلسلس منز کور اسہِ سنجیدگی سان گوگل سرچ۔ اتھ دوران آو اسہِ دلئ ہنزِ محکمہ سیاحت چہِ ویب سائِٹِ پیٹھ اکھ رپورٹ لبنہ۔ اتھ رپورتس منز چُھ وننپ آمتُ زہِ انڈیا گیٹچ بنیاد چھِ ‘ڈیوک آف انڈیا’ سندِء طرفہ 1921 ہس منز تراو آمژ تہ 10 وہری پتئ چُھ آمت لارڈ ارونِ ساندِ طرفہ اَتھ افتتاح کرنہ۔
رپورٹس منز چھ وننہ آمت زہِ اَولمِ جنگِ عظیمس دوران گئی تقریباً 70 ساس ہندوستانئِ برطانیہ طرفہ لڑان لڑان شہید۔ تہ انڈیا گیٹس پیٹھ چھ 1919 ہس منز افغان جنگس منز شامل مغربی سرحدس پیٹھ 13000 کھوتہ شہید گژھن والیئن شہیدن ہؑندِ ناؤ درج۔
‘کامن ویلتھ وار گریئو’ نامی ویب سائیٹِ پیٹھ کور اسہؐ پتہ زہِ انڈیا گیٹس پیٹھ کآتہن شہیدن ہندِ ناو چھِ درج؟ امہِ ویب سائیٹِ مطابق چھ 13,220 شہیدن ہندِ ناو انڈیا گیٹس لیکتھ۔ ژیتس آسنِ زہِ اتھ ویب سائٹ پیٹھ چھ دنیاہس منز جنگس دوران تمام شہید گژھن والئن ہندِ ناو درج۔ امہ کونئ جائے چِھنہ مسلمان شہیدن ہؑند الگ ذکر کرنہ آمتُ۔
Result: False
Our Sources
Media Report Published by ABP News on 12 Fab 2019
Information of India Gate available of delhitourism.gov.in
نوٹ: کنہِ تہِ شک آور خبرءِ ہند تحقیق،ترمیم یا دیگرتجویزو خاطرء سوزیو پننِ رائے دیتمتسِ واٹس ائپ نمبرس پیٹھ۔9999499044
