Authors
سوشل میڈیا پیٹھ چھِ اکھ ویڈیو وائرل گژھان یتھ منز لُکھ چھِ احتجاج کران نظرِ یوان۔ اتھ ویڈیوس متعلق چُھ دعویٰ یوان کرنہ زہِ یہ چُھ کشیرِ منز حالی سیکورٹی فورسز طرفہ ایرانی جنرل قاسم سلیمانی تصویر نذرِ آتش کرنس خلاف احتجاج۔
اکِ ٹویٹر صارفن چُھ ویڈیو شیئر کرتھِ عربی زبانِ منز کیپشن لیکوھمتُ زہِ ‘بھارتس منز کشمیر پولیس اہلکارن کئرِ ایرانی جنرل قاسم سلیمانی سنز اکسِ مقامی گھرس منز تھاونہ آمژ تصویر نذرِ آتش یتھ خلاف مقامی لکو احتجاج کؤر۔ تہ فوجس تہ لُکن درمیان کئی جھڑپہ۔ یمہ پتہ پولیس سربراہس پییِ لُکن معافی منگنِ’۔
ایرانی جنرل قاسم سلیمانی سنزِ تصویرِ متعلق چُھ باقی صارِفو تہِ ویڈیو شیئر کرتھِ یہوے دعویٰ کورمتُ۔ پوسٹن ہُند لنکِ ہیکیو توہیِ یتیتھ، یتیتھ تہ یتیتھ وچتھِ۔
یہ ویڈیو چُھ آمتُ فیس بُکس پیٹھ تہِ امہِ دعویٰ سان شیئر کرنہ۔
Fact Check/ Verification
اسہِ کور ایرانی جنرل قاسم سلیمانی سنزِ تصویر کشمیر منز نذرِ آتش کرنہ کسِ سلسلس منز تحقیقات۔ نیوز چیکرن کئرِ گوگلس منز کینہہ گیورڈ سرچ۔ سرچِ دوران آئی اسہِ اس متعلق سیٹھا میڈیا رپورٹ لبنہ۔
کشمیر والا ناؤ اکسِ ویب سائٹِ پیٹھ 15 فروری 2022 ہس منز شائع اکسِ رپورٹس منز چُھ وننہ آمتُ زہِ ‘فوج کئرِ مبینہ طور ایرانی ملٹری کمانڈر قاسم سلیمانی سئنز تصویر نذرِ آتش۔ یمہِ پتہ فوجی افسرس معافی پییہِ منگنِ’۔
سرچِ دوران آئی اسہِ دی کشمیر پریس وئب سایٹِ پیٹھ اتھ واقعہ ہس متعلق 15 فروری 2022 ہچِ اکھ رپورٹ لبنہ۔ یتھ منز لیکھنہ چُھ آمتُ زہِ ‘ضلع بڈگام کسِ علاقس ماگامس منز جھڑپن دوران اکھ لڑکی تہ کم از کم ستھ نفر زخمی ہوئے۔ یِمہ آسِ فوجی اہلکارن ہندِ طرفہ مبینہ طور ایرانی فوجی سابق کمانڈر قاسم سلیمانی سنز تصویر نذر آتش کرنس خلاف احتجاج کران’۔
تحقیقاتس دوران آئی اسہِ مزید رپورٹ تہِ لبنہ یِمن منز ہوبہو تفاصیل چھِ آمژء لیکھنہ۔ توہی ہیکیو یمہ رپورٹ یتیتھ، یتیتھ تہ یتیتھ پرتھِ۔
Conclusion
نیوز چکر کسِ تحقیقاتس منز گو ثابتِ زہِ ایرانی جنرل قاسم سلیمانی سنز تصویر نذرِ آتش کرنکُ واقعہ چُھ دراصل فروری 2022 ہس منز پیش آمتُ۔ اسہِ آئی نہ حالیِ یُتھ کانہہ واقعہ گژھ نُک ثبوت لبنہ۔ لہذا ہیکو اسہِ دعویٰ سان ونتھِ زہِ یہ ویڈیو چُھ پرون یُس تازء ونتھِ شیئر چُھ یوان کرنہ۔
Result: Missing Context
Our Sources
Report by The Kashmir Wala, Dated February 15, 2022
Report by The Kashmir Press, Dated February 15, 2022
نوٹ: کسی بھی مشتبہ خبرکی تحقیق،ترمیم یا دیگرتجاویز کے لئے ہمیں نیچے دئیے گئے واہٹس ایپ نمبر پر آپ اپنی رائے ارسال کرسکتے ہیں۔ 9999499044
