Friday, December 2, 2022
Friday, December 2, 2022

HomeViralکیا یِہ بچہ سُند گاسہ کھیوان ویڈیو چھۤا کشیر ہُند؟  

کیا یِہ بچہ سُند گاسہ کھیوان ویڈیو چھۤا کشیر ہُند؟  

سوشل میڈیاہس پیٹھ چُھ اکھ بچہ سُند گاسہ کھیوان ویڈیو وائرل گژھان۔ اتھ متعلق چُھ دعویٰ یوان کرنہ زہِ یہ چُھ کشیر میز جنگس دوران گمتِس یتیم بچہ سُند۔

اکِ ٹویٹر صآرِفن چُھ گاسہ کھیوان ویڈیو شیئر کرتھ لیکوھمتُ زہِ “کشیر ہُند جنگ یتیم چُھ گاسہ کھیوان”۔

بچہ سُند گاسہ کھیوان
Courtesy: Screengrab from twitter handle @ktk_639

Fact check/ Verification

یتیم بچہ سُند گاسہ کھیوان ویڈیوس متعلق زہِ یہ چھا کشیر ہُند زاننہ خاطرء کور اسہِ گوگلس پیٹھ ‘بچہ گاسہ کھیوان ویڈیو’ کیورڈ سرچ۔

سرچ دوران آئی اسہِ لبنہ زہِ یہ ویڈیو چُھ سیٹھا کال پیٹھ انٹرنیٹس پیٹھ  موجود تہ اتھ متعلق چھِ سیٹھا دعویٰ یوان کرنہ۔

اسہِ آئی کینہ پوسٹ لبنہ یمن منز دعویٰ چُھ یوان کرنہ زہِ یہ چُھ پاکستانس منز سہلاب پتھ متاثر بچن ہنز حالت۔

پوسٹن ہُند لِنک ہیکیو توہی یتیتھ، یتیتھ تہ یتیتھ وچتھ۔

پاکستان سند اسمبلی ممبر دُوا بتول سندِ طرفہ تہِ چُھ آمتُ یہ ویڈیو شیئر کرتھِ دعویٰ کرنہ زہِ یہ چُھ پاکستانس منز سہلاب متاثر بچن ہنز حالت۔ دُوا بتولن چُھ اردو وس منز کیپشنس منز لیکوھمتُ “اسہِ کَمہِ قیامتکُ انتظار چھِ کران۔ یہِ چھِ قیامت۔ اولاد اسہِ دیئِ زہِ معافی”۔

ٹویٹکُ آرکائو لِنک ہیکیو توہیِ یتیتھ وچتھ۔

مزید سرچ کرنہ پتھ آو اسہِ لبنہ زہِ بچہ سُند گاسہ کھیوان ویڈیوس متعلق چُھ آمتُ وننہ زہِ یہ چُھ روس تہ یوکرین جنگس دوران متاثر بچہ سندُ ویڈیو۔

ویڈیو لِنک ہیکیو توہیِ یتیتھ، یتیتھ تہ یتیتھ وچتھ۔

اسہِ آو مزید لبنہ زہِ فروری 2022 ہس منز چُھ یہ ویڈیو سیاسی کارکن عاتف مقبول سندِ طرفہ شیئر کرنہ۔

ویڈیو کسِ کیپشنس منز چُھ تِمو دعویٰ کورمتُ زہِ یہ ویڈیو چُھ شام مُلکس منز حالت۔ تہ خوراک نہ آسنہ کنِ چھِ یمہ گاسہ کھینس پیٹھ مجبور۔

تِمو چُھ سوال کورمتُ زہِ اکہِ طرفہ چھِ لاتعداد آبادی خوراک خاطرء ترسان تہ بییہِ طرفہ چھِ طاقتور ملک 90 فیصدی پونسہ جنگی سامانس پیٹھ چرچ کران۔

لنک ہیکیو توہی یتیتھ وچتھ۔

ساکشی ڈاٹ کام ویب سائٹِ پیٹھ تہِ آئی اسہِ لبنہ بچہ سُند گاسہ کھیوان اتھ ویڈیوس متعلق رپورٹ زہِ یہ چھِ شام ملککُ ویڈیو تہ اتھ چھنہ یوکرینس سآتیِ کانہہ تہِ تعلق۔

رپورٹکُ آرکائیو لنکِ ہیکیو توہی یتیتھ وچتھ۔

Conclusion

حالانکہ اسہِ آئی نہ اتھ ویڈیوس متعلق کانہہ تہِ اصلی شہادت لبنہ، تاہم ہیکو اسہ ونتھِ زہِ بچہ سُند گاسہ کھیوان ویڈیوس چُھنہ کشیر سآتِ کانہہ تہِ تعلق۔

Result: False


If you would like us to fact-check a claim, give feedback, or lodge a complaint, WhatsApp us at 9999499044 or email us at [email protected]. You can also visit the Contact Us page and fill out the form.

LEAVE A REPLY

Please enter your comment!
Please enter your name here

Most Popular