غآر مقامی باشندو دسِ گاندربل بچن اغوا کرنچِ خبر غلط

Authors

Abrar Bhat

یلہ زن بھارتس منز شُورین اغوا کرنکِ افواء چھِ دوہ دشیِ پہلان، اتھیِ دوران چُھ کشیر ہِندیو سوشل میڈیا پیجو تہِ اکھ ویڈٰیو شیئر کورمتُ، یتھ بارس منز وننہ چُھ یوان زہِ عوامن 4 غآر مقامی نفر رٹِ متِ یمہ گاندربل بچن اغوا آسہ ہیوان کرنِ۔ نیوز چیکر کسِ تحقیقاتس منز آو لبنہِ زہِ یہ دعویٰ چھُ غلط۔

جے کے لائیو نامی فیس بکُ پیجن چُھ لیوکھ متُ زہِ “اکسِ غآر یقینی حادثس منز رٹِ گاندربلس منز عوامن 4 نفر، یمہ گاندربل بچن اغوا آسہِ ہیوان کرنِ۔ پولیس ٹیم وآژ موقس پیٹھ تہ کرکھِ یمہ نفر گرفتار تہ بیہ کرکھِ گآڑی ضبط”۔

امہِ علاؤ چُھ باقی پیجو تہِ اتھ سلسلس منز یہوے دعویٰ کورمتُ۔ یمہ توہیِ یتیتھ ،یتیتھ، یتیتھ تہ یتیتھ وچتھ۔

پتِمین دوہن منز گئیِ سیٹھا ویڈٰیو امہِ قسمکِ غلط دعویٰ سان وائرل یمو منز صحیح تہ آسہِ۔ یمو ساتِ لُکن منز خوف و ہراس پودھ گو۔

Fact Check/ Verification

نیوز چیکرن کور اتھ سلسلس منز تحقیقات شروع تہ اسہِ کور گوگل سرچ۔ اسہِ آیہِ لبنہ سیٹھا رپورٹ یمن منز گاندربل بچن اغوا کرنکُ دعویٰ چُھ آمتُ غلط قرار دِینہ۔

یمہ رپورٹ ہکیو توہیِ یتیتھ، یتیتھ، یتیتھ تہ یتیتھ وچتھِ۔

گریٹر کشمیر کہِ اکہ رپورٹ مطابق چُھ پولیسن انکار کورتُ زہِ کانسہِ چھِ گاندربل بچن اغوا کرنچ کوشش کرمژ۔

رپوٹس منز چُھ لیکتھ زہِ “جموں و کشمیر پولین چُھ جمعہ دوہ تمہ رپورٹ غلط قرار دیتِ متِ، یمن منز وننہ چُھ یوان زہِ غیر ریاستی کینہ نفرو چھ گاندربل بچن اغوا کرنچ کوشش کرمژ”۔ رپورٹ مطابق چُھِ تمہ غآر ریاستی نفر بیچھان آسہ متِ تہ تمو چھنہ ایژھ کانہہ تہِ حرکت کرمژ”۔

ایس ایس پی گارندربل نکھل بورکرن تہ چُھ اتھ سلسلس منز ونمتُ زہِ یمہ نفر چھِ بنجاب پیٹھ آمتِ تہ روزگار نہ آسنہ کین چھ یمہ بیچھان تہ اتھی سلسلس منز آسہ یمہ گاندربل واتِ متِ۔

ایس ایس پی ین چُھ ونمتُ زہِ “اسہ واتھِ واقعہ پیش ینہ چہ جائے تہ نییِ یمہ 4 نفر تحویلس منز۔ تحقیقاتس دوران بلائے اسہِ تمہِ گھر والیِ تہ تہ عینی شاہد تہِ۔ اسہ آو لبنہ زہِ یمہ 4 نفر چھنہ آسیِ متِ گاندربل بچن اغوا کران کینہ بلکہ چھِ آسہ متِ یمہ بیچھان۔ تمو چھُ سوشل میڈیا پیچن ہدایت دیوتمتُ زہِ امہ قسمچ کانہہ تہ خبر گژھِ نہ ینِ تحقیقات ورائے شائع کرنہ۔ تمو چُھ مزید ونمتُ زہِ افوا بازن خلاف ییہِ سنگین کاروائی کرنہ۔

امہ علاو کور اسہ مقامی صحافی فردوس احمدس سآتِ رابطہ تہ تمو ون زہ “تحویلس منز نینہ آمتِ نفر آسہِ نہ گاندربل بچن اغوا کران کینہ بلکہ آسہ تمہ بیچھان”۔

Conclusion

لہذا سانس تحقیقاتس منز گو ثابت زہِ دعویٰ زہِ غآر مقامی نفر آسہ گاندربل بچن اغوا کران چُھ غلط۔

Result: False

If you would like us to fact-check a claim, give feedback, or lodge a complaint, WhatsApp us at 9999499044 or email us at checkthis@newschecker.in. You can also visit the Contact Us page and fill out the form.

Authors

Abrar Bhat