Authors
جموں و کشمیرس منز سرپنچ امیدوارس خاطرء تعلیمی قابلیت چُھ سوشل میڈیاہس پیٹھ افواہن ہُند بازار تہِ گرم گژھان۔ یِمن دوہن چُھ سوشل میڈیاہس تہ میڈیا ادارو دسِ اکھ خبر وائرل گژھان یتھ منز وننہ چُھ یوان زہ کشیرِ منز چُھ حکومتن سرپنچ امیدوارس خاطرء تعلیمی قابلیت 12 مہِ پاس مقرر کئرمژ۔
اکِ صارفن چُھ فیس بُک پوسٹس منز لیکوھمتُ زہِ سرپنچ امیدوارس خاطرء تعلیمی قابلیت پیٹھ کشمیر کروان رپورٹ۔ویڈیوس منز چُھ اینکرن وُنمتُ زہِ حکومتن چُھ سرپنچ امیدوارس خاطرء تعلیمی قابلیت 12 مہِ پاس مقرر کئرمژ۔
یتھی کنِ چُھ دیگر فیس بُک پیج، سوشل میڈیا صارفو اتھ متعلق پوسٹ شیئر کورمتُ، یِمن ہُند لنک توہیِ ہیکیو یتیتھ، یتیتھ تہ یتیتھ وچتھِ۔
اَمہِ علاؤ چُھ کینہہ میڈیا ادارو تہِ اتھ بارس منز رپورٹ شائع کئرمژ تہ یہیوے دعویٰ کورمتُ۔
نیوز18 ہندی ائب سائٹِ پیٹھ تہِ چھِ اکھ رپورٹ شائع یتھ منز وننہ چُھ آمتُ زہِ حکومتن چُھ سرپنچ امیدوارس خاطرء تعلیمی قابلیت 12 مہِ پاس مقرر کئرمژ۔
اتھ سلسلس منز باقی رپورٹ ہیکیو توہیِ یتیتھ، یتیتھ تہ یتیتھ کِلک کرتھِ۔
Fact Check/Verification
نیوز چیکرن کئرِ امہِ حوالہ سچائی زاننچ کوشش کہ کیا واقعی چھا حکومتن اتھ سلسلس منز نوٹیفیکیشن جاری کئرمژ کیا یا کانہہ قانونی ترمیم کئرمژ اسہ کور چیف الیکشن افسر سنز ویب سائٹِ پیٹھ معلوم تہ اسہِ آئی تہ امہِ قسمچ کانہہ تہ تازء نوٹیفیکیشن لبنہ۔ تاہم آئی اسہِ 27 مارچ 2011 ہس منز جاری اکھ نوٹیفیکیشن لبنہ، یتھ منز تمام قواعد تہ ضوابط لیکتھِ چھِ مگر اتھ منز چُھنہ کُنہ تہِ جائے تعلیم متعلق لیکھتؐ کینہہ۔
یہ نوٹیفیکیشن ہیکیو توہی درج زیل وچتھِ۔
امہ علاو کور اسہِ متعلقہ محکمہ دیہات سدھار کسِ ڈائریکٹر امام الدین رابطہ۔ تَِمو کئر یہ کتھ واضع کہ مقامی انتظامیہ ہن چُھنہ اتھ سلسلس منز کانہہ تہ نوٹیفیکیشن جاری کئرمژ۔ یُس زنہ مقامی انتظامیہ ہس اختیار چُھنہ کینہہ۔
تِمو ون زہِ ‘مقامی انتظامیہ چھنہ اتھ معاملس منز کانہہ تہ اختیار تھاوان۔ امہِ خاطرء چھِ مرکزی وزیر داخلہ سندِ احکامات درکار یا مرکزی حکومت کہِ طرفہ قانونس منز ترامیم کرنہ پتہَ ہیکو اسہِ جموں و کشمیرس منز کانہہ تہ قانون لاگو کرتھِ۔
Conclusion
لہذا گو نیوز چیکر کسِ تحقیقاتس منز یہ صاف زہِ سرپنچ امیدوارس خاطرء تعلیمی قابلیت متعلق چُھنہ حکومتن کانہہ تہ نوٹیفیکیشن جاری کرمژ۔ امہِ حوالہ یوان کرنہ دعویٰ چھِ بے بنیاد۔
Result: False
Our Sources
Notification by jkceo.nic.in
Personal conversation with Director Rural Development
نوٹ: کسی بھی مشتبہ خبرکی تحقیق،ترمیم یا دیگرتجاویز کے لئے ہمیں نیچے دئیے گئے واہٹس ایپ نمبر پر آپ اپنی رائے ارسال کرسکتے ہیں۔ 9999499044
