Yearly Archives: 2023

पुणे येथील यशोधा हेमाटोलॉजि कॅन्सर इन्स्टिट्यूटमध्ये रक्ताच्या कर्करोगावर प्रभावी औषध मिळाले आहे. हे औषध हा कर्करोग पूर्णपणे बरा करते आणि औषध पूर्णपणे विनामूल्य आहे. असा संदेश सध्या व्हाट्सअपच्या माध्यमातून मोठ्याप्रमाणात व्हायरल झाला आहे.

वेगवेगळ्या विषयांवर चुकीची माहिती पसरविणाऱ्या दाव्यान्नी मागील आठवड्यातही सोशल मीडियावर धुमाकूळ घातला. पॅरासिटोमॉल च्या गोळीत घातक माचुपो व्हायरस असल्याचा दावा करण्यात आला. ₹2000 च्या नोटा बँकेत भरण्यासाठी विशिष्ट फॉर्म भरावाच लागेल असा दावा झाला. महाराष्ट्रात मुस्लिम महिलेने श्रीरामाच्या पोस्टरची विटंबना केली असा एक दावा करण्यात आला. पंतप्रधान नरेंद्र मोदींच्या भेटीवेळी सिडनी येथील ऑपेरा हाऊसवर तिरंगा झळकला असे सांगून एक फोटो व्हायरल करण्यात आला. कोल्हापूर येथे संशयास्पदरित्या सापडलेली मुले रोहिंग्या असल्याचा दावा करण्यात आला. कर्नाटकचे उपमुख्यमंत्री म्हणून शपथ घेण्यापूर्वी डी. के. शिवकुमार यांनी टिपू सुलतानच्या समाधीचे दर्शन घेतले असा दावा करण्यात आला. या आणि इतर दाव्याचे फॅक्टचेक या रिपोर्टमध्ये पाहता येतील.

कर्नाटक विधानसभा निवडणुकीत काँग्रेसच्या विजयानंतर अनेक दावे व्हायरल होत आहेत. यातच आता काँग्रेस नेते आणि कर्नाटकचे उपमुख्यमंत्री डी. के. शिवकुमार यांचा एक फोटो शेयर करून एक दावा केला जात आहे. शिवकुमार यांनी कर्नाटकाच्या उपमुख्यमंत्री पदाची शपथ घेण्यापूर्वी टिपू सुलतानच्या समाधीचे दर्शन घेतले असा हा दावा आहे. असा दावा करणाऱ्यांमध्ये महाराष्ट्रातील ज्येष्ठ अभिनेते आणि सावरकरवादी विचारवंत शरद पोंक्षे यांचाही समावेश आहे.

सोशल मीडियावर एक व्हिडिओ व्हायरल झाला आहे, ज्यामध्ये अनेक मुले ट्रकमध्ये दिसत आहेत आणि काही पोलीस त्यांना ट्रकमधून उतरवत आहेत. या मुलांकडे पश्चिम बंगालचे रेल्वे तिकीट सापडले असून ते रोहिंग्या असल्याचा दावा करत हा व्हिडिओ शेअर केला जात आहे.

पंतप्रधान नरेंद्र मोदी यांच्या ऑस्ट्रेलिया दौऱ्याच्या निमित्ताने सिडनी ऑपेरा हाऊसचा फोटो भारतीय तिरंग्याने उजळला.

काही वृत्तवाहिन्यांसह अनेक सोशल मीडिया युजर्सनी ट्विटरवर एक सीसीटीव्ही फुटेज पोस्ट केले. ज्यात एका मुस्लिम महिलेने श्रीरामाचा अनादर करत त्याच्या पोस्टरवर अंडी फेकल्याचा दावा केला आहे. व्हिडिओ पोस्ट करणाऱ्यांनी दावा केला आहे की ही घटना महाराष्ट्रातील छत्रपती संभाजी नगर, अर्थात पूर्वी औरंगाबाद म्हणून ओळखल्या जाणाऱ्या शहरात घडली आहे.

कोणत्याही बँकेतून तुम्हाला जर ₹2000 च्या नोटा बदलून घ्यायच्या असतील तर विशिष्ट फॉर्म भरण्याची आवश्यकता आहे, असा दावा सध्या एक फॉर्म शेयर करून करण्यात येत आहे.

EQUINOX (जेथे सूर्य थेट पृथ्वीच्या विषुववृत्ताच्या वर आहे) मुळे पुढील सात दिवस (22-28 मे) जास्त पाणी प्या. परिणामी, या काळात शरीरात जलद निर्जलीकरण होते. कृपया ही बातमी जास्तीत जास्त ग्रुपवर शेअर करा. धन्यवाद... असा मेसेज सध्या व्हाट्सअप च्या माध्यमातून मोठ्याप्रमाणात व्हायरल होत आहे. उन्हाची तीव्रता वाढत आहे, उकाडा तीव्र झालाय, अशा वातावरणात सूर्य विषुववृत्तावर आला असल्याचा मेसेज अनेकांच्या भीतीमध्ये वाढ करीत आहे.

RBI कायदा, 1934 च्या कलम 24(1) अंतर्गत नोव्हेंबर 2016 मध्ये जारी केल्यानंतर जवळपास सात वर्षांनी, RBI ने 19 मे 2023 रोजी ₹2,000 मूल्याच्या नोटा चलनातून काढून घेण्याचा निर्णय घेतला. तथापि, सध्याच्या नोटा legal tender म्हणून कायम राहतील, असे आरबीआयने म्हटले आहे.

अनेक सोशल मीडिया युजर्स पॅरासिटामॉल टॅब्लेट, विशेषत: P-500 बद्दल एक चेतावणी देणारा संदेश व्हायरल करीत आहेत. हा संदेश कुटुंबातील सदस्यांना प्रामुख्याने सांगा असे आवाहन केले जात आहे. व्हायरल फॉरवर्डच्या मते, “नवीन, अतिशय पांढर्‍या आणि चमकदार” टॅब्लेटमध्ये “माचुपो व्हायरस” असतो ज्याचा मृत्यू दर जास्त असतो.