Yearly Archives: 2023

चुकीची माहिती पसरविण्याच्या बाबतीत मागील आठवड्यातही सोशल मीडिया युजर्स आघाडीवर राहिले. कर्नाटक विधानसभा निवडणुकीच्या पार्श्वभूमीवर मते देण्यास नकार देऊन मुख्यमंत्री बसवराज बोम्माई यांना मारहाण करण्यात आली असा दावा करण्यात आला. निवडणुकीच्या दिवशी ईव्हीएम मशिन्स भाजप नेत्याच्या वाहनात सापडल्याने त्यांची मोडतोड करण्यात आली असा दावा झाला. ₹५०० च्या नोटा चलनातून बंद करण्यात येणार आहेत, ISIS चे टीशर्ट घातलेला समूह केरळ मधील आहे तसेच शिर्डी साई ट्रस्ट ने राम मंदिराला देणगी देण्यास नकार देऊन हज कमिटीला ३५ कोटींची देणगी दिली असे दावे करण्यात आले. या दाव्याचे फॅक्टचेक या रिपोर्टमध्ये पाहता येतील.

शिर्डी साई मंदिर ट्रस्टच्या नावाने एक मेसेज सोशल मीडियावर व्हायरल होत आहे. शिर्डी साई ट्रस्टकडून हज समितीला 35 कोटींची देणगी दिल्याचा दावा केला जात आहे. तर काही युजर्स म्हणत आहेत की शिर्डी साई मंदिराने हज समितीला 35 कोटी देणगी देत असताना अयोध्येत राम मंदिराच्या उभारणीसाठी योगदान देण्यास नकार दिला.

कर्नाटक विधानसभा निवडणुकीसंदर्भात सोशल मीडियावर एक व्हिडिओ व्हायरल झाला आहे, ज्यामध्ये काही लोक ईव्हीएम मशीन फोडताना दिसत आहेत. भाजप नेत्याच्या गाडीत ईव्हीएम मशीन सापडल्यानंतर स्थानिक लोकांनी गोंधळ घातल्याचा दावा करत हा व्हिडिओ शेअर केला जात आहे.

CBSE इयत्ता 10 आणि 12 वीच्या परीक्षांचे निकाल 11 मे 2023 रोजी जाहीर होणार असल्याचे एक परिपत्रक सांगत आहे.

कर्नाटकाची विधानसभा निवडणूक विविध कारणांनी देशभरात गाजली आहे. बुधवार दि. १० मे २०२३ रोजी एकीकडे निवडणूक होत असताना कर्नाटकचे विद्यमान मुख्यमंत्री बसवराज बोम्माई यांच्याबद्दल एक व्हिडीओ शेयर करून दावा करण्यात येत आहे. "#कर्नाटक के #सीएम को जूते और चप्पलों से पिटाई की गई एक गांव में जाकर वोट पूछने पर यह किसी न्यूज़ चैनल वाले ने अभी तक नहीं दिखाया copy ! यह देखिए वीडियो" अशा कॅप्शनखाली हा व्हिडीओ शेयर करण्यात येत आहे.

'द केरळ स्टोरी' या चित्रपटाभोवती सोशल मीडियाच्या वाढत्या गदारोळात, एकसारखे काळ्या रंगाचे टी-शर्ट घातलेल्या तरुणांचा एक गट दर्शविणारा फोटो, ज्यामध्ये “ISIS” असे शब्द आणि दहशतवादी संघटनेचा लोगो आहे, हे मोठ्या प्रमाणावर व्हायरल होत आहे. फोटो शेअर करणार्‍या युजर्सनी आरोप केला आहे की तो केरळचा आहे आणि या राज्यात व्यापक कट्टरतावाद आणि आयएसआयएसला पाठिंबा मिळत असल्याच्या दाव्याला हा फोटो पुरावा आहे.

भारतीय रिझर्व्ह बँक लवकरच ₹५०० च्या नोटा चलनातून बंद करणार आहे. असा मेसेज सध्या सोशल मीडियावर व्हायरल झाला आहे. व्हाट्सअप च्या माध्यमातून हा संदेश पसरविला जात आहे.

मणिपूर सध्या हिंसाचाराच्या (Manipur Violence) आगीत जळत आहे. हिंसाचार इतका वाढला आहे की, दंगलखोरांना पाहताच गोळ्या घालण्याचे आदेश देण्यात आले आहेत. दरम्यान, सोशल मीडियावर एक धक्कादायक व्हिडिओ व्हायरल झाला आहे, ज्यामध्ये दोन लोक अंधारात गोळीबार करताना दिसत आहेत. हा मणिपूर हिंसाचाराचा व्हिडिओ असल्याचा दावा केला जात आहे. व्हिडिओच्या माध्यमातून लोक केंद्रातील मोदी सरकार आणि राज्यातील भाजप सरकारवर निशाणा साधत आहेत.

लोखंडी गेटने झाकलेल्या एका कुलूपबंद कबरीची प्रतिमा सोशल मीडिया प्लॅटफॉर्मवर व्हायरल झाली आहे. ही प्रतिमा शेअर करणाऱ्या युजर्सनी आरोप केला की त्यात पाकिस्तानची कबर दिसत आहे, तसेच मृत मुलीच्या पालकांनी मृतदेहावर बलात्कार होऊ नये म्हणून तिच्या कबरीला कुलूप लावले. WION, ABP, OpIndia हिंदी आणि ANI या वृत्तसंस्थेसह अनेक वृत्तवाहिनींनीही पाकिस्तानमधील नेक्रोफिलियाबद्दल चिंता व्यक्त करून हा दावा केला आहे. न्यूजचेकरला हा दावा खोटा असल्याचे आढळले.

कर्नाटक विधानसभेच्या निवडणुकीच्या कामकाजादरम्यान पंतप्रधान नरेंद्र मोदी यांचा एक व्हिडिओ सोशल मीडियावर व्हायरल होत आहे. व्हिडिओमध्ये पीएम मोदी चहाच्या स्टॉलवर चहा पीत आहेत. व्हिडिओ शेअर करून तो कर्नाटकचा असल्याचे सांगण्यात येत आहे.