बिहारमधील रितू राज या मुलाने गुगल हॅक करून टेक जायंटमध्ये नोकरी मिळवली? येथे जाणून घ्या सत्य

बिहारमधील बेगुसराय येथील रितू राज चौधरी या मुलाने “फक्त ५१ सेकंदात” गुगल हॅक केले आणि शेवटी त्याला टेक कंपनीत नोकरी मिळाली, असा दावा करणारी पोस्ट सोशल मीडिया प्लॅटफॉर्मवर व्हायरल होत आहे. व्हायरल पोस्टमध्ये असे म्हटले आहे की आयआयटी मणिपूरमध्ये शिकणारा ऋतुराज याला “३.६६ कोटी रुपयांच्या पॅकेज”सह कामावर घेण्यात आले आणि तो “खाजगी जेटमधून अमेरिकेला” जाणार आहे. पोस्टमध्ये असा दावा करण्यात आला आहे की ऋतुराजला गुगलकडून “तुमच्या क्षमतेला आम्ही सलाम करतो, तुम्ही आमच्यासोबत काम करा… आमचे अधिकारी तुम्हाला घेण्यासाठी येत आहेत” असा संदेश मिळाला आहे.

अनेक युजर्स व्हायरल पोस्ट शेअर करीत असून दावा केला आहे की रितू राजने गुगल हॅक केल्यानंतर, सर्च इंजिनमधील अधिकाऱ्यांचे “भान हरपले” आणि “अमेरिकेतील ऑफिसमध्ये गोंधळ उडाला”. त्यात असेही म्हटले आहे की रितू राजने “गुगलच्या सेवा कोणतेही पैसे न घेता पुनर्संचयित केल्या”. तथापि, न्यूजचेकरला व्हायरल दावा अंशतः खोटा असल्याचे आढळले आहे.

न्यूजचेकरला आमच्या WhatsApp टीपलाइन (+91 9999499044) वर अनेक युजर्सद्वारे समान दावा प्राप्त झाला असून त्याची सत्यता तपासण्याची विनंती करण्यात आली आहे.

Fact Check/ Verification 

न्यूजचेकरने ‘बिहार बॉय रितू राज गुगल’, ‘रितू राजने गुगल हॅक केले’ यासाठी कीवर्ड सर्च केले आणि टाइम्स ऑफ इंडियाने ३ फेब्रुवारी २०२२ रोजी लिहिलेला एक रिपोर्ट मिळाला, ज्याचे शीर्षक होते ‘Bihar: Begusarai boy claims to have identified ‘bug’ in Google.’ लेखानुसार, “एका स्थानिक मुलाने गुगलमध्ये एक संभाव्य बग शोधल्याचा दावा केला आहे, ज्यामुळे सर्च इंजिनला वाटते की हॅकर्सना त्याच्या सुरक्षेवर यशस्वीरित्या हल्ला करता आला असेल आणि तो दुरुस्त करणे आवश्यक आहे.”

त्यात पुढे म्हटले आहे की, “आयआयआयटी-मणिपूरचा द्वितीय वर्षाचा विद्यार्थी ऋतुराज चौधरीने दावा केला आहे की, एक “पॅशनेट बग हंटर” म्हणून, त्याने कंपनीला संभाव्य भेद्यतेची तक्रार केली, ज्याने धोका ओळखला आणि त्याला संशोधकांच्या यादीत स्थान दिले.”

रिपोर्टमध्ये म्हटले आहे की गुगलच्या बग हंटर्सने चौधरीच्या प्रोफाइलमध्ये “टायगर पुरस्कार श्रेणी” चा उल्लेख केला आहे. Dainik Bhaskar च्या दुसऱ्या रिपोर्टमध्ये असेही म्हटले आहे की रितू राज चौधरीने एक बग शोधला आणि गुगलला सतर्क केले.

तथापि, कोणत्याही रिपोर्टमध्ये गुगलच्या सर्च इंजिन हॅक करण्याबद्दल किंवा नोकरीच्या ऑफरबद्दल काहीही उल्लेख नाही.

आम्ही आमची चौकशी सुरू ठेवली आणि गुगलच्या Bug Hunters कम्युनिटीच्या अधिकृत वेबसाइटवर रितू राज चौधरी यांना शोधले आणि त्यांची प्रोफाइल सापडली. वेबसाइटनुसार, ते जानेवारी २०२२ पासून बग हंटर्स कम्युनिटीचे सदस्य आहेत आणि त्यांनी २५ जानेवारी रोजी त्यांचा पहिला रिपोर्ट सादर केला आणि त्याच दिवशी त्यांना ‘टायगर अवॉर्ड’ देण्यात आला.

न्यूजचेकरला चौधरीच्या लिंक्डइन प्रोफाइलची लिंक बग हंटर्स वेबसाइटवर देखील सापडली.

चौधरीच्या LinkedIn profile नुसार, तो सायबर सुरक्षा तज्ञ, बग हंटर आणि कोडर आहे. तो मणिपूर येथील Indian Institute of Information Technology Senapati येथे संगणक शास्त्राचा द्वितीय वर्षाचा विद्यार्थी आहे.

आम्हाला चौधरी यांची एक पोस्ट देखील सापडली ज्यामध्ये त्यांनी गुगल हॅक केल्याचा आणि टेक जायंटकडून नोकरीची ऑफर मिळाल्याचा दावा फेटाळून लावला आहे. “मला गुगलकडून कोणतेही पॅकेज किंवा नोकरीची ऑफर मिळालेली नाही. तो फक्त एक बग होता जो मी रिपोर्ट केला आहे. बस्स. सध्या मी फक्त दुसऱ्या वर्षाचा बीटेकचा विद्यार्थी आहे. तर… त्या बातम्या खोट्या आहेत…,” त्याने लिंक्डइनवर लिहिले आहे.

चौधरी यांनी त्यांच्या लिंक्डइन प्रोफाइलवर गुगलने पाठवलेल्या ईमेलचा स्क्रीनशॉट देखील शेअर केला आहे ज्यामध्ये त्यांनी नोंदवलेल्या बगची उपस्थिती मान्य केली आहे.

व्हायरल पोस्ट तसेच डीएनएसह अनेक वृत्तसंस्थांनी त्याला आयआयटी मणिपूरचा विद्यार्थी म्हणून ओळखले आहे. तथापि, त्याच्या लिंक्डइन प्रोफाइलनुसार चौधरी आयआयआयटी, मणिपूर येथे शिकत आहे. शिवाय, त्याच्या ईमेल पत्त्याचे डोमेन नाव iiiit.ac.in आहे.

Conclusion

बिहारचा विद्यार्थि रितू राजने काही सेकंदात गुगल हॅक करून सर्च इंजिनमध्ये नोकरी मिळवली असा दावा करणारी व्हायरल पोस्ट दिशाभूल करणारी आहे. चौधरीला गुगलच्या सिस्टममध्ये एक बग आढळला होता आणि त्याने सतर्क केले होते.

Our Sources
News published by Times Of India
News published by Dainik Bhaskar
LinkedIn Account Of Ritu Raj Choudhary