Sunday, May 9, 2021
Sunday, May 9, 2021
घरFact Checksराष्ट्रवादीचे आमदार संजय शिंदे सुखरुप, इंडिया टिव्हीने दिले चुकीचे वृत्त

राष्ट्रवादीचे आमदार संजय शिंदे सुखरुप, इंडिया टिव्हीने दिले चुकीचे वृत्त

करमाळा- माढा मतदार संघाचे आमदार व राष्ट्रवादीचे नेते संजय शिंदे यांचा कार पेटून मृत्यू झाल्याची बातमी इंडिया टिव्ही या हिंदी न्यूज चॅनलने प्रसिद्ध केली आहे. बातमीत रस्त्याच्या कडेला पेट घेतलेल्या कारचा व्हिडिओ तसेच आमदार संजय शिंदे यांचा फोटो देखील दाखवण्यात आला आहे. यात म्हटले आहे की, महाराष्ट्रातील नाशिकमध्ये एक धक्कादायक घटना समोर आली आहे. राष्ट्रवादी कॉंग्रेसचे नेते संजय शिंदे यांचा कार लागलेल्या आगीत मृत्यू झाला. संजय शिंदे कारने मुंबई-आग्रा महामार्गावर पिंपळगाव बसवंत टोल प्लाझाजवळ त्यांच्या कारमध्ये शॉर्टसर्किट झाले व आग लागली असे सांगितले जात आहे.

Fact Check / Verification

आम्ही इंडिया टिव्हीच्या बातमीची शहानिशा करण्याकरिता गूगलमध्ये यासंदर्भात इतर माध्यमांनी दिलेल्या बातम्या प्रसिद्ध झाल्या आहेत का याचा शोध घेण्याचा प्रयत्न केला. याच दरम्यान आम्हाला न्यूज बाईट या वेबसाईटवर एक बातमी आढळून आली. ज्यात नाशिकमधील राष्ट्रवादीचे नेते संजय शिंदे यांचा कारने पेट घेतल्याने मृत्यू झाल्याची माहिती मिळाली. मात्र यात इंडिया टिव्हीच्या व्हिडिओत दिसणा-या कारसारखीच ही कार असल्याचे मात्र फोटो मात्र दुस-याच व्यक्तीचा असल्याचे आढळून आले.

इंडिया टुडेने देखील ही बातमी प्रसिद्ध केली आहे मात्र यातही न्यूज बाईटने प्रसिद्ध केलेला फोटो शेअर कऱण्यात आला आहे.

अधिक शोध घेतला असता आम्हाला दैनिक सकाळच्या वेबसाईटवर 13 आॅक्टोबर 20202 रोजी प्रसिद्ध झालेली बातमी आढळून आली. यात म्हटले आहे की, मुंबई आग्रा महामार्गावर कारमध्ये शाॅर्टसर्किट झाले त्यात सॅनिटायझरने पेट घेतला यातच राष्ट्रवादीचे नेते संजय चंद्रभान शिंदे यांचा मृत्यू झाला.

यानंतर आम्ही करमाळा-माढा मतदारसंघाचे आमदार संजय विठ्ठल शिंदे यांच्या कार्यालयाशी संपर्क साधला असता कार्यालयाकडून निवेदन जाहिर करण्यात आले आहे.

India TV न्यूज चॅनेलच्या माध्यमातून संजय शिंदे यांचा अपघात झाल्याची बातमी दाखवली जात आहे… करमाळा तालुक्याचे विद्यमान आमदार संजयमामा शिंदे यांच्या गाडीचा अपघात झालेला नसून ते त्यांच्या निमगाव या गावी सुखरूप आहेत… टीव्ही चॅनलच्या माध्यमातून चुकीची बातमी दाखवली जात आहे व सोशल मीडियावर ही त्याच्या पोस्ट फिरत आहेत…. सदर बातमी वरती विश्वास न ठेवता कोणीही चुकीच्या अफवा पसरवू नये असे आ. संजयमामा शिंदे संपर्क कार्यालय करमाळा यांच्याकडून आवाहन करण्यात येत आहे…

Conclusion

यावरुन हेच सिद्ध होते की कार जळाल्याने तीन दिवसांपूर्वी नाशिकमधील राष्ट्रवादीचे नेते संजय चंद्रभान शिंदे यांचा मृत्यू झाला आहे, मात्र इंडिया टिव्हीने करमाळ्याचे आमदार संजय विठ्ठलराव शिंदे यांचा फोटो प्रसिद्ध केला.

Result: Misleading

Our Sources

सकाळ- https://www.esakal.com/uttar-maharashtra-news/nashik/ncp-leader-killed-car-fire-caused-short-circuit-nashik-marathi-news

इंडिया टुडे- https://www.indiatoday.in/cities/pune/story/nashik-ncp-leader-sanjay-shinde-burnt-alive-after-car-short-circuits-catches-fire-1731554-2020-10-14

Yash Kshirsagar
Yash Kshirsagar
After completing his post-graduation, Yash worked with some of the most renowned newspapers such as like Lokmat, Dainik Bhaskar & Navbharat for the past 6 years. To make sure that no incorrect news reaches people and to maintain peace and harmony in society, he chose to become a fact-checker.

प्रतिक्रिया द्या

Please enter your comment!
Please enter your name here

Most Popular