Newchecker.in is an independent fact-checking initiative of NC Media Networks Pvt. Ltd. We welcome our readers to send us claims to fact check. If you believe a story or statement deserves a fact check, or an error has been made with a published fact check
Contact Us: checkthis@newschecker.in
Fact Check
ਪਟਪੜਗੰਜ ਤੋਂ ‘ਆਪ’ ਉਮੀਦਵਾਰ ਅਵਧ ਓਝਾ ਨੇ ਕਿਹਾ ਕਿ ਮਨੀਸ਼ ਸਿਸੋਦੀਆ ਜੰਗਪੁਰਾ ਤੋਂ ਇਸ ਲਈ ਭੱਜ ਗਏ ਕਿਉਂਕਿ ਉਹ ਡਰਪੋਕ ਹਨ ਅਤੇ ਉਹਨਾਂ ਨੇ ਆਪਣੇ ਵਾਅਦੇ ਪੂਰੇ ਨਹੀਂ ਕੀਤੇ।
ਵਾਇਰਲ ਦਾਅਵੇ ਦੀ ਜਾਂਚ ਕਰਨ ਲਈ ਅਸੀਂ Google ‘ਤੇ ਸੰਬੰਧਿਤ ਕੀਵਰਡਸ ਦੀ ਮਦਦ ਨਾਲ ਖੋਜ ਕੀਤੀ। ਇਸ ਦੌਰਾਨ ਸਾਨੂੰ ਦਾਅਵੇ ਦੀ ਪੁਸ਼ਟੀ ਕਰਨ ਵਾਲੀ ਕੋਈ ਰਿਪੋਰਟ ਨਹੀਂ ਮਿਲੀ। ਵਾਇਰਲ ਕਲਿੱਪ ‘ਚ ਅਵਧ ਓਝਾ NDTV ਦੇ ਮਾਈਕ ਅੱਗੇ ਕਥਿਤ ਬਿਆਨ ਦਿੰਦੇ ਨਜ਼ਰ ਆ ਰਹੇ ਹਨ।
ਅਸੀਂ ਵਾਇਰਲ ਕਲਿੱਪ ਦੇ ਕੀ ਫਰੇਮ ਨੂੰ ਗੂਗਲ ਰਿਵਰਸ ਇਮੇਜ ਸਰਚ ਦੀ ਮਦਦ ਦੇ ਨਾਲ ਖੰਗਾਲਿਆ। ਇਸ ਦੌਰਾਨ ਸਾਨੂੰ NDTV ਦੇ YouTube ਚੈਨਲ ‘ਤੇ ਵਾਇਰਲ ਕਲਿੱਪ ਦੇ ਨਾਲ ਪੂਰਾ ਇੰਟਰਵਿਊ ਮਿਲਿਆ ਜੋ 8 ਜਨਵਰੀ, 2025 ਨੂੰ ਅਪਲੋਡ ਕੀਤਾ ਗਿਆ ਸੀ।
‘ਦਿੱਲੀ ਚੋਣ: ਪਟਪੜਗੰਜ ਤੋਂ ਚੋਣ ਲੜ ਰਹੇ ਅਵਧ ਓਝਾ ਨਾਲ ਖਾਸ ਗੱਲਬਾਤ।’ ਕੈਪਸ਼ਨ ਦੇ ਨਾਲ ਸ਼ੇਅਰ ਕੀਤੀ ਗਈ ਵੀਡੀਓ ਕਲਿਪ 1:47 ਮਿੰਟ ‘ਤੇ ਸੁਣੀ ਜਾ ਸਕਦੀ ਹੈ, ਜਿੱਥੇ ਰਿਪੋਰਟਰ ਅਵਧ ਓਝਾ ਨੂੰ ਪੁੱਛਦਾ ਹੈ, “ਪਟਪੜਗੰਜ ਬਹੁਤ ਵੱਡੀ ਸੀਟ ਰਹੀ ਹੈ, ਮਨੀਸ਼ ਸਿਸੋਦੀਆ ਉੱਥੇ ਉਪ ਮੁੱਖ ਮੰਤਰੀ ਰਹੇ ਹਨ। ਉਹ ਲਗਾਤਾਰ ਤਿੰਨ ਵਾਰ ਇੱਥੋਂ ਚੁਣੇ ਗਏ ਹਨ, ਇਸ ਵਾਰ ਉਨ੍ਹਾਂ ਨੇ ਇਹ ਸੀਟ ਛੱਡ ਦਿੱਤੀ ਹੈ। ਇਸ ਦੇ ਜਵਾਬ ਵਿੱਚ ਅਵਧ ਓਝਾ ਕਹਿੰਦੇ ਹਨ, “ਇਹ ਛੱਡੀ ਨਹੀਂ ਹੈ, ਮੈਨੂੰ ਦਿੱਤੀ ਗਈ ਹੈ। ਉਹਨਾਂ ਨੇ ਸੀਟ ਨਹੀਂ ਛੱਡੀ, ਉਹਨਾਂ ਨੇ ਸੀਟ ਮੈਨੂੰ ਦਿੱਤੀ ਹੈ। ਕਿਉਂਕਿ ਉਹ ਪੜ੍ਹਾਈ ਨਾਲ ਜੁੜੇ ਹੋਏ ਸਨ ਅਤੇ ਮੈਂ ਵੀ ਸਿੱਖਿਆ ਦੇ ਖੇਤਰ ਵਿੱਚ ਅੱਗੇ ਕੰਮ ਕਰਨਾ ਹੈ। ਇਸ ਲਈ ਮੈਂ ਉਹਨਾਂ ਤੋਂ ਬੇਨਤੀ ਕਰਕੇ ਇਹ ਸੀਟ ਲਈ ਹੈ।
Also read: ਕੀ Bhagwant Mann ਨੇ ਨਵਜੋਤ ਸਿੰਘ ਸਿੱਧੂ ਦਾ ਆਮ ਆਦਮੀ ਪਾਰਟੀ ਵਿੱਚ ਕੀਤਾ ਸਵਾਗਤ?
ਜਾਂਚ ਕਰਨ ‘ਤੇ, ਅਸੀਂ ਪਾਇਆ ਕਿ ਵਾਇਰਲ ਕਲਿੱਪ ਵਿੱਚ ਜੋੜਿਆ ਗਿਆ ਅਗਲਾ ਹਿੱਸਾ ਇੰਟਰਵਿਊ ਦੇ 51ਵੇਂ ਸੈਕਿੰਡ ‘ਤੇ ਆਉਂਦਾ ਹੈ। ਰਿਪੋਰਟਰ ਵੱਲੋਂ ਪੁੱਛੇ ਜਾਣ ‘ਤੇ, “ਤੁਸੀਂ ਪਾਰਟੀ ਵਿੱਚ ਸ਼ਾਮਲ ਹੋਏ ਅਤੇ ਸਿੱਧੇ ਚੋਣ ਮੈਦਾਨ ਵਿੱਚ ਕੁੱਦ ਗਏ।” ਇਸ ਦੇ ਜਵਾਬ ਵਿਚ ਅਵਧ ਓਝਾ ਨੇ ਕਿਹਾ ਸੀ, ‘ਜਿਨ੍ਹਾਂ ਦੀ ਜ਼ਿੰਦਗੀ ਵਿਚ ਕੋਈ ਜੰਗ ਨਹੀਂ ਉਹ ਬਹੁਤ ਬਦਕਿਸਮਤ ਹੋਣਗਏ , ਜਾਂ ਤਾਂ ਆਪਣੀ ਕਸਮ ਤੋੜ ਦਿੱਤੀ ਹੋਵੇਗੀ ਜਾਂ ਲੜਾਈ ਤੋਂ ਭੱਜੇ ਹੋਣਗੇ।’
ਇਸ ਤੋਂ ਸਪੱਸ਼ਟ ਹੈ ਕਿ ਵਾਇਰਲ ਕਲਿੱਪ ਨੂੰ ਐਡਿਟ ਕੀਤਾ ਗਿਆ ਸੀ। ‘ਆਪ’ ਉਮੀਦਵਾਰ ਅਵਧ ਓਝਾ ਨੇ ਮਨੀਸ਼ ਸਿਸੋਦੀਆ ਨੂੰ ਲੈ ਕੇ ਭਗੌੜਾ ਕਰਾਰ ਦੇਣ ਬਾਰੇ ਕੋਈ ਬਿਆਨ ਨਹੀਂ ਦਿੱਤਾ ਸੀ।
Sources
Video posted by NDTV on 8th January, 2025.
ਕਿਸੀ ਸ਼ੱਕੀ ਖ਼ਬਰ ਦੀ ਪੜਤਾਲ, ਸੁਧਾਰ ਜਾਂ ਹੋਰ ਸੁਝਾਵਾਂ ਲਈ, ਸਾਨੂੰ ਈਮੇਲ ਕਰੋ: checkthis@newschecker.in ਜਾਂ ਵਟਸਐਪ ਕਰੋ ਇਸ ਨੰਬਰ 9999499044 ਤੇ। ਨਿਊਜ਼ਚੈਕਰ ਦੇ ਵਟਸਐਪ ਚੈਨਲ ਨੂੰ ਇਸ ਲਿੰਕ ਤੇ ਕਲਿਕ ਕਰਕੇ ਫੋਲੋ ਕਰੋ।