ਵੀਰਵਾਰ, ਮਾਰਚ 28, 2024
ਵੀਰਵਾਰ, ਮਾਰਚ 28, 2024

HomeUncategorized @paਕੀ ਹੈਦਰਾਬਾਦ ਵਿੱਚ ਮਹਿਲਾ ਦੀ ਬਰਬਰ ਹੱਥਿਆ ਦੇ ਪਿੱਛੇ ਫਿਰਕਾਪ੍ਰਸਤੀ ਐਂਗਲ ਹੈ?...

ਕੀ ਹੈਦਰਾਬਾਦ ਵਿੱਚ ਮਹਿਲਾ ਦੀ ਬਰਬਰ ਹੱਥਿਆ ਦੇ ਪਿੱਛੇ ਫਿਰਕਾਪ੍ਰਸਤੀ ਐਂਗਲ ਹੈ? ਪੜ੍ਹੋ ਵਾਇਰਲ ਦਾਅਵੇ ਦਾ ਸੱਚ

Authors

Shaminder started off his career as a freelance journalist for a consulting and research firm. He has been a Political Strategist and Media Manager. Before joining Newschecker, he worked with various reputed media agencies like Daily Post India, PTC News.

ਕਲੇਮ-

ਜਦੋਂ ਵੀ ਇਸਲਾਮਿਕ ਕੱਟੜਪੰਥੀ ਦੀ ਗੱਲ ਕਰੋ ਜਾ ਉਸਦੇ ਖਿਲਾਫ ਆਵਾਜ਼ ਚਕੋ ਤਾਂ ਜਿਹੜੇ ਹਿੰਦੂ ਮੁਸਲਿਮ ਏਕਤਾ ਦੀ ਦੁਹਾਈ ਦਿੰਦੇ ਹਨ, ਤੁਸੀਂ ਅੱਜ ਆਪਣੇ ਆਪ ਨੂੰ ਮਹਾਨ ਅਤੇ ਬੁੱਧੀਮਾਨ ਸਾਬਤ ਕਰਨ ਲਈ ਅੱਜ ਇਕ ਹੋਰ ਧੀ ਦੀ ਕੁਰਬਾਨੀ ਦਿੱਤੀ ਹੈ।

ਵੇਰੀਫੀਕੇਸ਼ਨ – 

27 ਨਵੰਬਰ ਨੂੰ ਹੈਦਰਾਬਾਦ ਦੇ ਸ਼ਾਦਨਗਰ ਵਿੱਚ ਹੋਈ ਘਟਨਾ ਨੇ ਸੋਸ਼ਲ ਮੀਡਿਆ ਤੇ ਖੂਬ ਤੂਲ ਫੜ ਲਿਆ ਹੈ। ਘਟਨਾ ਵਿੱਚ 27 ਨਵੰਬਰ ਨੂੰ ਹੈਦਰਾਬਾਦ ਨੇੜੇ ਬੁੱਧਵਾਰ ਦੀ ਰਾਤ ਨੂੰ 26 ਸਾਲਾ ਵੈਟਰਨਰੀ ਫੀਮੇਲ ਡਾਕਟਰ ਘਰ ਵਾਪਿਸ ਜਾ ਰਹੀ ਸੀ , ਜਦੋ ਕੁਝ ਵਿਅਕਤੀਆਂ ਦੇ ਵਲੋਂ ਪ੍ਰਿਯੰਕਾ ਰੈਡੀ ਨਾਲ ਰੇਪ ਕਰਨ ਤੋਂ ਬਾਅਦ ਉਸ ਦੇ ਸ਼ਰੀਰ ਨੂੰ ਅੱਗ ਲਗਾ ਕੇ ਹੱਥਿਆ ਕਰ ਦਿੱਤੀ। ਪ੍ਰਿਯੰਕਾ ਰੈਡੀ ਦੀ ਝੁਲਸੀ ਹੋਈ ਲਾਸ਼ ਰੰਗਾ ਰੈਂਦੀ ਜ਼ਿਲ੍ਹੇ ਦੇ ਸ਼ਾਦਨਗਰ ਕਸਬੇ ਨੇੜੇ ਚੱਟਾਨਪੱਲੀ ਪੁਲ ‘ਤੇ ਮਿਲੀ ਸੀ। ਘਟਨਾ ਤੋਂ ਬਾਅਦ ਕੁਝ ਯੂਜ਼ਰਸ ਦੇ ਵਲੋਂ ਇਸ ਘਟਨਾ ਨੂੰ ਸੋਸ਼ਲ ਮੀਡਿਆ ਤੇ ਫਿਰਕਾਪ੍ਰਸਤੀ ਰੰਗ ਦੇਕੇ ਸ਼ੇਅਰ ਕੀਤਾ ਜਾ ਰਿਹਾ ਹੈ।

ਪੋਸਟ ਸ਼ੇਅਰ ਕਰਨ ਵਾਲੇ ਯੂਜ਼ਰਸ ਦਾ ਦਾਅਵਾ ਹੈ ਕਿ ਮਹਿਲਾ ਦਾ ਬਲਾਤਕਾਰ ਅਤੇ ਹੱਥਿਆ ਮੁਸਲਿਮ ਬਰਾਦਰੀ ਦੇ ਲੋਕਾਂ ਵਲੋਂ ਕੀਤਾ ਗਿਆ ਹੈ।

ਇਸਦੇ ਨਾਲ ਹੀ ਪ੍ਰਿਯੰਕਾ ਰੈਡੀ ਨੂੰ ਇਨਸਾਫ ਦਵਾਉਣ ਦੇ ਲਈ ਟਵਿੱਟਰ ਤੇ #RIPPriyankaReddy ਕਰਨ ਲੱਗਾ।

ਸੋਸ਼ਲ ਮੀਡਿਆ ਤੇ ਪੋਸਟ ਵਾਇਰਲ ਹੋਣ ਤੋਂ ਬਾਅਦ newschecker.in ਟੀਮ ਨੇ ਪੜਤਾਲ ਸ਼ੁਰੂ ਕੀਤੀ। ਜਾਂਚ ਦੌਰਾਨ ਸਾਨੂ ਤੇਲਗੂ ਭਾਸ਼ਾ ਦੇ ਵਿੱਚ news 18 ਦਾ ਇੱਕ ਲੇਖ ਮਿਲਿਆ।

ਇਸ ਤੋਂ ਬਾਅਦ ਸਾਨੂੰ newindianexpress ਨਾਮਕ ਵੈਬਸਾਈਟ ਤੇ ਪ੍ਰਕਾਸ਼ਿਤ ਇੱਕ ਲੇਖ ਮਿਲਿਆ। ਲੇਖ ਤੋਂ ਸਾਨੂੰ ਪਤਾ ਚੱਲਿਆ ਕਿ ਵੈਟਰਨਰੀ ਡਾਕਟਰ ਸ਼ਾਦਨਗਰ ‘ਚ ਰਹਿੰਦੀ ਸੀ ਅਤੇ ਇੱਥੋਂ ਲਗਭਗ 30 ਕਿਲੋਮੀਟਰ ਦੂਰ ਸ਼ਮਸਾਬਾਦ ‘ਚ ਇੱਕ ਵੈਟਰਨਰੀ ਹਸਪਤਾਲ ‘ਚ ਕੰਮ ਕਰਦੀ ਸੀ। ਉਹ ਰੋਜ਼ਾਨਾ ਹੈਦਰਾਬਾਦ-ਬੰਗਲੁਰੂ ਨੈਸ਼ਨਲ ਹਾਈਵੇਅ ‘ਤੇ ਸਥਿਤ ਤੋਂਡੁਪੱਲੀ ਟੋਲ ਪਲਾਜ਼ਾ ‘ਤੇ ਆਪਣੀ ਸਕੂਟੀ ਪਾਰਕ ਕਰਦੀ ਸੀ ਅਤੇ ਇੱਥੋਂ ਕੈਬ ਲੈ ਕੇ ਹਸਪਤਾਲ ਤੱਕ ਜਾਂਦੀ ਸੀ ਅਤੇ ਜਦੋ ਉਹ ਵਾਪਿਸ ਆਈ ਤਾਂ ਉਸਦੀ ਸਕੂਟੀ ਪੰਕਚਰ ਸੀ ਜਿਸਦੀ ਸੂਚਨਾ ਉਸਨੇ ਆਪਣੀ ਭੈਣ ਨੂੰ ਦਿੱਤੀ ਅਤੇ ਦੱਸਿਆ ਕਿ ਉਸ ਨੂੰ ਡਰ ਲੱਗ ਰਿਹਾ ਹੈ ਕਿਉਂਕਿ ਜਿੱਥੇ ਉਹ ਹੈ ਉਥੇ ਨੇੜੇ ਹੀ ਲੋਡਿੰਗ ਟਰੱਕ ਅਤੇ ਅਣਪਛਾਤੇ ਲੋਕ ਹਨ।

ਆਪਣੀ ਭੈਣ ਨੂੰ ਡਰਿਆ ਦੇਖ ਕੇ ਉਸ ਨੇ ਆਪਣੀ ਭੈਣ ਨੂੰ ਨੇੜੇ ਦੇ ਟੋਲ ਗੇਟ ‘ਤੇ ਇੰਤਜ਼ਾਰ ਕਰਨ ਲਈ ਕਿਹਾ ਸੀ ਜਿਸ ਤੋਂ ਬਾਅਦ ਪ੍ਰਿਯੰਕਾ ਦਾ ਫੋਨ ਸਵਿਚ ਆਫ ਹੋ ਗਿਆ। ਰਾਤ ਨੂੰ ਪ੍ਰਿਯੰਕਾ ਦੇ ਘਰ ਨਾ ਪਹੁੰਚਣ ਤੇ ਘਰ ਵਾਲਿਆਂ ਨੇ ਪੁਲਿਸ ਨੂੰ ਸੂਚਨਾ ਦਿੱਤੀ। ਪੁਲਿਸ ਨੇ ਇਸਦੀ ਸੂਚਨਾ ਆਸ ਪਾਸ ਦੇ ਪੁਲਿਸ ਥਾਣਿਆਂ ਵਿੱਚ ਵੀ ਦਿੱਤੀ। ਪ੍ਰਿਯੰਕਾ ਦੀ ਲਾਸ਼ ਟੋਲ ਪਲਾਜ਼ਾ ਤੋਂ 30 ਕਿਲੋਮੀਟਰ ਦੂਰ ਇਕ ਕਿਸਾਨ ਨੂੰ ਬਰਾਮਦ ਹੋਈ ਜਿਸ ਤੋਂ ਬਾਅਦ ਘਰ ਵਾਲਿਆਂ ਨੇ ਲਾਸ਼ ਦੀ ਸ਼ਿਨਾਖਤ ਕੀਤੀ। ਲੇਖ ਵਿੱਚ ਦੱਸਿਆ ਗਿਆ ਹੈ ਕਿ ਪੁਲਿਸ ਦੀ ਪੜਤਾਲ ਹਾਲੇ ਜਾਰੀ ਹੈ। ਅਜੇ ਤਕ ਇਸ ਮਾਮਲੇ ਵਿੱਚ ਕਿਸੀ ਦਾ ਵੀ ਨਾਮ ਸਾਮ੍ਹਣੇ ਨਹੀਂ ਆਇਆ ਹੈ।

ਸਾਨੂੰ india tv ਤੇ ਇੱਕ ਲੇਖ ਪ੍ਰਾਪਤ ਹੋਇਆ।

ਲੇਖ ਵਿੱਚ ਪੁਲਿਸ ਮੁਤਾਬਕ ਬੁੱਧਵਾਰ ਰਾਤ ਚਾਰ ਟਰੱਕ ਡਰਾਈਵਰ ਅਤੇ ਕਲੀਨਰ ਟੋਲ ਪਲਾਜ਼ਾ ਨੇੜੇ ਸ਼ਰਾਬ ਪੀ ਰਹੇ ਸਨ। ਇਸੇ ਦੌਰਾਨ ਉਨ੍ਹਾਂ ਦੀ ਨਜ਼ਰ ਇਕੱਲੀ ਖੜ੍ਹੀ ਡਾਕਟਰ ‘ਤੇ ਪਈ। ਉਹ ਪੰਕਚਰ ਠੀਕ ਕਰਵਾਉਣ ਬਹਾਨੇ ਉਸ ਨੂੰ ਆਪਣੇ ਨਾਲ ਲੈ ਗਏ ਜਿਥੇ ਉਹਨਾਂ ਨੇ ਉਸ ਨਾਲ ਕਥਿਤ ਤੌਰ ‘ਤੇ ਸਮੂਹਕ ਬਲਾਤਕਾਰ ਕੀਤਾ। ਇਸ ਤੋਂ ਬਾਅਦ ਉਸ ਦੀ ਹੱਤਿਆ ਕਰ ਕੇ ਲਾਸ਼ ਨੂੰ ਚਾਦਰ ‘ਚ ਲਪੇਟਿਆ ਅਤੇ ਪੈਟਰੋਲ ਪਾ ਕੇ ਅੱਗ ਲਗਾ ਦਿੱਤੀ। ਹਾਲਾਂਕਿ ਲੇਖ ਦੇ ਵਿੱਚ ਕਿਤੇ ਵੀ ਨਾਮ ਦਾ ਜਿਕਰ ਨਹੀਂ ਹੈ।

ਸਾਡੀ ਟੀਮ ਨੇ ਹੈਦਰਾਬਾਦ ਵਿੱਚ ਸਥਾਨਕ ਪੱਤਰਕਾਰਾਂ ਨੂੰ ਵੀ ਸੰਪਰਕ ਕੀਤਾ ਅਤੇ ਓਹਨਾ ਨੇ ਵੀ ਇਸ ਮਾਮਲੇ ਵਿੱਚ ਕੋਈ ਫਿਰਕਾਪ੍ਰਸਤੀ ਐਂਗਲ ਹੋਣ ਦੀ ਗੱਲ ਨਹੀਂ ਕਹੀ ਹੈ।

ਘਟਨਾ ਵਿੱਚ ਹੈਦਰਾਬਾਦ ਪੁਲਿਸ ਦੀ ਪੜਤਾਲ ਜਾਰੀ ਹੈ ਅਤੇ ਇਸ ਮਾਮਲੇ ਵਿੱਚ ਕੋਈ ਵੀ ਜਾਣਕਾਰੀ ਪ੍ਰਾਪਤ ਹੁੰਦੀ ਹੈ ਤਾਂ ਅਸੀਂ ਆਪਣੇ ਆਰਟੀਕਲ ਨੂੰ ਅਪਡੇਟ ਕਰਾਂਗੇ।

ਟੂਲਜ਼ ਵਰਤੇ 

*ਗੂਗਲ ਸਰਚ’

*ਫੋਨ ਵੇਰੀਫੀਕੇਸ਼ਨ 

ਰਿਜ਼ਲਟ – ਗੁੰਮਰਾਹਕਰਨ ਦਾਅਵਾ

 

(ਕਿਸੀ ਸ਼ੱਕੀ ਖ਼ਬਰ ਦੀ ਪੜਤਾਲ, ਸੁਧਾਰ ਜਾਂ ਹੋਰ ਸੁਝਾਵਾਂ ਲਈ, ਸਾਨੂੰ ਈਮੇਲ ਕਰੋ: checkthis@newschecker.in)

Authors

Shaminder started off his career as a freelance journalist for a consulting and research firm. He has been a Political Strategist and Media Manager. Before joining Newschecker, he worked with various reputed media agencies like Daily Post India, PTC News.

Shaminder Singh
Shaminder Singh
Shaminder started off his career as a freelance journalist for a consulting and research firm. He has been a Political Strategist and Media Manager. Before joining Newschecker, he worked with various reputed media agencies like Daily Post India, PTC News.

LEAVE A REPLY

Please enter your comment!
Please enter your name here

Most Popular