முட்புதரில் வீசப்பட்ட குழந்தையின் தற்போதைய நிலை என்பதாகப் பரவும் வீடியோ உண்மையா?

முட்புதரில் வீசப்பட்ட குழந்தையின் தற்போதைய நிலை என்பதாக வீடியோ ஒன்று சமூக வலைத்தளங்களில் பரவி வருகிறது.

”முட்புதரில் தாய் வீசி விட்டுச் சென்ற அழகு செல்லம்
மருத்துவமனையில் இரண்டு நாட்களுக்கு பின்பு எடுக்கப்பட்ட கானொளி தற்போது தத்து எடுத்து வளர்ப்பதற்கு போட்டோ போட்டி.. எங்கள் மாதிரி பல வருடங்களாக குழந்தை இல்லாமல் கஷ்டப்பட்ட கஷ்டப்பட்டும் பெண்களுக்கு தான் தெரியும் அதன் வேதனை ” என்று இந்த வீடியோ பரவுகிறது.

X Link/Archived Link

Facebook Link/Archived Link

Facebook Link/Archived Link

சமூக ஊடகங்களில் பரவி வரும் இத்தகவலின் உண்மைத்தன்மைக் குறித்து அறிய நியூஸ்செக்கர் தமிழ் சார்பில் அதுக்குறித்து ஆய்வு செய்ய முடிவு செய்தோம்.

Also Read: அன்வர் ராஜா போனால் போகட்டும்; அதிமுகவிற்கு இஸ்லாமிய வாக்குகள் தேவையில்லை என்றாரா ராஜேந்திர பாலாஜி?

Fact Check/Verification

முட்புதரில் வீசப்பட்ட குழந்தையின் தற்போதைய நிலை என்பதாகப் பரவும் வீடியோ தகவல் குறித்த உண்மையறிய அதுபற்றிய ஆய்வில் ஈடுபட்டோம்.

வைரலாகும் வீடியோவைக் கீ-ப்ரேம்களாகப் பிரித்து ரிவர்ஸ் சர்ச் முறைக்கு உள்ளாக்கியபோது ihaan_aizel என்கிற இன்ஸ்டாகிராம் பக்கத்தில் கடந்த ஏப்ரல் 26 அன்று இந்த வீடியோ பகிரப்பட்டிருந்தது. நீத்து- ஆகாஷ் என்கிற தம்பதியினரின் குழந்தைகளின் வீடியோக்கள் இந்த பக்கத்தில் பதிவிடப்பட்டு வருகின்றன.  அவர்களுடைய மகளின் வீடியோவே இது என்பது இதே உடையுடன் அவர்கள் பகிர்ந்துள்ள காட்சிகள் மூலமாக உறுதியாகியது.  

எனவே, முட்புதரில் வீசப்பட்ட குழந்தை என்று பரவும் வீடியோ தகவல் தவறானது என்பது இதன்மூலம் உறுதியாகிறது.

Also Read: இன்பநிதி பாசறை மாநில ஒருங்கிணைப்பாளராக திமுகவில் நியமிக்கப்பட்டுள்ளாரா அன்வர் ராஜா?

Conclusion

முட்புதரில் வீசப்பட்ட குழந்தையின் தற்போதைய நிலை என்பதாகப் பரவும் வீடியோ தகவல் போலியானது என்பது நமக்குக் கிடைத்த ஆதாரங்களின் வாயிலாக தெளிவாகியுள்ளது.

ஆகவே வாசகர்கள் யாரும் இத்தகவலை நம்ப வேண்டாம் என்று நியூஸ்செக்கர் தமிழ் சார்பில் கேட்டுக் கொள்கின்றோம்.

Sources
Instagram Post From, ihaan_aizel, Dated April 26, 2025
Self Analysis