Authors
Vijayalakshmi leads our Tamil team. She’s worked in the media industry for more than eight years. This includes her work as a senior correspondent for Times Now before joining Newschecker. She turned to fact-checking to create awareness around misinformation through her writing.
Claim: பங்களாதேஷில் மதவெறிபிடித்த ஜாம்பிகளால் நடத்தப்பட்ட கொடூரம்.
Fact: இத்தகவல் தவறானதாகும். வைரலாகும் வீடியோ ஹத்ராஸில் நடைபெற்ற கூட்டநெரிசலுடன் தொடர்புடையதாகும்.
பங்களாதேஷில் மதவெறியால் நடைபெற்ற கொடூரம் என்று வீடியோ ஒன்று சமூக வலைத்தளங்களில் பரவி வருகிறது.
“பங்களாதேஷில் மதவெறிபிடித்த ஜாம்பிகளால் நடத்தப்பட்ட கொடூரம்.” என்று இந்த வீடியோ பரவுகிறது.
சமூக ஊடகங்களில் பரவி வரும் இத்தகவலின் உண்மைத்தன்மைக் குறித்து அறிய நியூஸ்செக்கர் தமிழ் சார்பில் அதுக்குறித்து ஆய்வு செய்ய முடிவு செய்தோம்.
Also Read: இருவேறு நிகழ்ச்சிகளில் ஒரே பெண்ணுக்கு நிவாரணம் அளித்தாரா விஜய்?
Fact Check/Verification
பங்களாதேஷில் மதவெறியால் நடந்த கொடூரம் என்று பரவும் வீடியோ குறித்த உண்மையறிய அதுபற்றிய ஆய்வில் ஈடுபட்டோம்.
வைரலாகும் வீடியோவைக் கீ-ப்ரேம்களாகப் பிரித்து ரிவர்ஸ் சர்ச் முறைக்கு உள்ளாக்கியபோது கடந்த ஜூலை 02, 2024 அன்று Zee Madhya Pradesh Chhattisgarh பகிர்ந்திருந்த வீடியோ நமக்குக் கிடைத்தது. “ஹத்ராஸ் சத்சங்கத்தில் ஏற்பட்ட கூட்ட நெரிசல்” என்பதாக இடம்பெற்றிருந்த இந்த வீடியோவில் வைரலாகும் காட்சியும் இடம்பெற்றிருந்தது.
தொடர்ந்து, இதுகுறித்து CNBC, The Print உள்ளிட்ட செய்தி ஊடகங்களில் வெளியாகியுள்ள செய்தியின்படி, கடந்த ஜூலை மாதம் உத்தர பிரதேச மாநிலம் ஹத்ராஸில் போலோ பாபா என்பவரின் சத்சங்கத்தில் ஏற்பட்ட கூட்டநெரிசலில் நூற்றுக்கும் மேற்பட்டோர் உயிரிழந்தனர் என்கிற தகவல் புகைப்படத்துடன் இடம்பெற்றிருந்தது.
குறிப்பிட்ட ஹத்ராஸ் வீடியோவே தற்போது பங்களாதேஷில் நடைபெற்ற கொடூரம் என்பதாகப் பரவி வருகிறது.
Also Read: EVMக்கு எதிராக மகாராஷ்டிராவில் நடைபெற்ற போராட்டம் என்று பரவும் வீடியோ உண்மையா?
Conclusion
பங்களாதேஷில் மதவெறியால் நடந்த கொடூரம் என்று பரவும் வீடியோ உத்தரபிரதேசம் ஹத்ராஸ் கூட்ட நெரிசல் உயிரிழப்புகளுடன் தொடர்புடையது என்பது நமக்குக் கிடைத்த ஆதாரங்களின் வாயிலாக தெளிவாகியுள்ளது.
ஆகவே வாசகர்கள் யாரும் இத்தகவலை நம்ப வேண்டாம் என்று நியூஸ்செக்கர் தமிழ் சார்பில் கேட்டுக் கொள்கின்றோம்.
Result: False
Our Sources
Facebook Post From, Zee Madhya Pradesh Chhattisgarh, Dated July 02, 2024
News Report From, CNBCtv18, Dated July 03, 2024
(உங்களுக்கு ஏதேனும் ஒரு தகவல் குறித்து சந்தேகம் ஏற்பட்டாலோ அல்லது ஏதாவது ஒரு தகவலின் உண்மைத்தன்மைக் குறித்து அறிய விரும்பினாலோ +91 9999499044 என்கிற வாட்ஸ்ஆப் எண்ணிற்கோ, அல்லது checkthis@newschecker.in என்ற மின்னஞ்சல் முகவரிக்கோ உங்கள் கேள்விகளை அனுப்பலாம்.
எங்கள் இணையத்தளத்தில் உள்ள Contact Us பக்கத்திற்குச் சென்று அதில் உள்ள படிவத்தைப் பூர்த்தி செய்தும் அனுப்பலாம்)
Authors
Vijayalakshmi leads our Tamil team. She’s worked in the media industry for more than eight years. This includes her work as a senior correspondent for Times Now before joining Newschecker. She turned to fact-checking to create awareness around misinformation through her writing.
