ہفتہ, جولائی 31, 2021
ہفتہ, جولائی 31, 2021
HomeFact Checksزمین سے پانی کے ساتھ آگ نکلنے کا ویڈیو جودھ پور کا...

زمین سے پانی کے ساتھ آگ نکلنے کا ویڈیو جودھ پور کا نہیں ہے

ان دنوں فیس بک پر 30 سیکینڈ کا زمین سے پانی کے ساتھ آگ نکلنے والا ایک ویڈیو خوب شیئر کیا جا رہا ہے۔ یوزر کا دعویٰ ہے کہ وائرل ویڈیو راجستھان کے جودھ پور کا ہے۔ جہاں زمین سے پانی کے ساتھ آگ نکلنی شروع ہو گئی ہے۔

زمین سے پانی کے ساتھ آگ نکلنے والے وائرل ویڈیو کا اسکرین شارٹ
زمین سے پانی کے ساتھ آگ نکلنے والے وائرل ویڈیو کا اسکرین شارٹ

ملک بھر میں لوگ کرونا، بلیک فنگس، وائٹ فنگس اور تاؤتے طوفان کی وجہ سے پریشان ہیں۔ دوسری جانب سوشل میڈیا اور یوٹیوب پر ان دنوں تیس سیکینڈ کا ایک ویڈیو خوب شیئر کیا جا رہا ہے۔ جس کے ساتھ دعویٰ کیا جا رہا ہے کہ جودھ پور میں پانی کے ساتھ زمین سے آگ نکل رہی ہے۔ درج ذیل میں وائرل پوسٹ دیکھ سکتے ہیں۔

زمین سے پانی کے ساتھ آگ نکلنے والے وائرل ویڈیو کا اسکرین شارٹ
زمین سے پانی کے ساتھ آگ نکلنے والے وائرل ویڈیو کا اسکرین شارٹ

وائرل پوسٹ کا آرکائیو لنک یہاں، یہاں اور یہاں دیکھیں۔

وائرل ویڈیو کے ساتھ کئے گئے دعوے سے متعلق جب ہم نے کراؤڈ ٹینگل پر کیورڈ سرچ کیا تو پتا چلا کہ اس موضوع پر پچھلے چوبیس گھنٹے میں 856 فیس بک یوزرس تبادلہ خیال کر چکے ہیں۔ جس کا اسکرین شارٹ درج ذیل ہے۔

Fact Check / Verification

وائرل ویڈیو کی سچائی جاننے کے لئے ہم نے سب سے پہلے ویڈیو کو انوڈ کی مدد سے کیفریم میں تقسیم کیا اور ان میں سے کچھ فریم کو ریورس امیج سرچ کیا۔ اس دوران ہمیں اسکرین پر یوٹیوب کے کئی لنک فراہم ہوئے جو حال کے دنوں کے ہی تھے۔ جس کا اسکرین شارٹ درج ذیل میں موجود ہے۔

اسکرین پر ملی وائرل ویڈیو سے متعلق جانکاری
اسکرین پر ملی وائرل ویڈیو سے متعلق جانکاری

مذکورہ جانکاری سے معلوم ہوا کہ وائرل ویڈیو حال کے دنوں کا ہی ہے۔ پھر ہم نے وائرل ویڈیو سے متعلق کچھ کیورڈ سرچ کیا۔ اس دوران ہمیں ای ٹی وی بھارت اور نیوز18 پر وائرل ویڈیو سے ملتے جلتے ویڈیو کے ساتھ 4 مئی 2021 کی خبریں ملیں۔ دونوں رپورٹس کے مطابق جھارکھنڈ کے بکارو کے ”لُگو پہاڑ” کی زمین کے نیچے سے اچانک آگ نکلنے لگی۔ جس کی جانکاری مقامی لوگوں نے پولس کو دی۔ جس کے بعد انتظامیہ نے لوگوں کو جائے واقعہ سے پانچ سو میٹر دور رہنے کو کہا۔ رپورٹس میں یہ بھی بتایا گیا ہے کہ زمین کے نیچے میتھین گیس کی وجہ سے یہ منظر پیش آیا ہے۔

مزید کیورڈ سرچ کے دوران ہمیں زی جھارکھند کے یوٹیوب چینل پر وائرل ویڈیو سے ملتا جلتا ایک اور ویڈیو ملا۔ جسے دیکھنے سے صاف واضح ہوتا ہے کہ ویڈیو کے ایک حصے کو ایڈیٹ کرکے شیئر کیا گیا ہے۔ پھر ہم نے فیس بک ایڈوانس سرچ کیا۔ اس دوران ہمیں دی جھارکھنڈ اسٹڈی نامی پیج پر ایک دوسرا ویڈیو ملا۔ جسے دوسرے اینگل سے فلمایا گیا ہے۔ اسے بھی غور سے دیکھنے کے بعد پتا چلتا ہے کہ ویڈیو میں نظر آرہے درخت اور پانی کے ساتھ نکل رہی آگ والی جگہ ہوبہو ہے۔

آپ درج ذیل میں موجود موازنے والی کولاج تصویر کو دیکھ کر با آسانی یہ اندازہ لگا سکتے ہیں کہ وائرل ویڈیو ایک ہی مقام کی ہے۔

Conclusion

نیوز چیکر کی تحقیات میں یہ واضح ہوتا ہے کہ زمین سے پانی کے ساتھ آگ نکلنے والا وائرل ویڈیو جھارکھنڈ کے بکارو کا ہے ناکہ جودھ پور کا۔ حالانکہ اس ویڈیو کو کئی لوگوں نے جودھ پور کا بتایا ہے، لیکن ہمیں کسی بھی طرح کا کوئی مدلل ثبوت نہیں ملا جس سے ثابت ہو سکے کہ وائرل ویڈیو جودھ پور کا ہے۔

Result: Misleading

Our Source

News18

Etv bharat

Zee news

Facebook

نوٹ:کسی بھی مشتبہ خبرکی تحقیق،ترمیم یا دیگرتجاویز کے لئے ہمیں نیچے دئیے گئے واہٹس ایپ نمبر پر آپ اپنی رائے ارسال کر سکتےہیں۔

9999499044

Mohammed Zakariyahttps://newschecker.in/ur
Zakariya has an experience of working for Magazines, Newspapers and News Portals. Before joining Newschecker, he was working with Network18’s Urdu channel. Zakariya completed his Master in Mass communication and Journalism from Lucknow University.Lucknow

LEAVE A REPLY

Please enter your comment!
Please enter your name here

Most Popular