جمعہ, مارچ 29, 2024
جمعہ, مارچ 29, 2024

ہومFact Checkکیا نئے امریکی پولس چیف نے بائیبل کے بجائے قرآن پر لیا...

کیا نئے امریکی پولس چیف نے بائیبل کے بجائے قرآن پر لیا حلف؟ وائرل دعوے کا پڑھیئے سچ

Authors

Zakariya has an experience of working for Magazines, Newspapers and News Portals. Before joining Newschecker, he was working with Network18’s Urdu channel. Zakariya completed his post-graduation in Mass Communication & Journalism from Lucknow University.

سوشل میڈیا پر ایک ویڈیو کے ساتھ دعویٰ کیا جا رہا ہے کہ نئے امریکی پولس چیف نے بائبل کے بجائے قرآن مجید کے ساتھ حلف اٹھایا ہے۔ اس ویڈیو میں حلف لے رہے شخص قرآن پاک مانگتے ہوئے بھی نظر آر رہے ہیں۔

امریکی پولس چیف کے حوالے سے وائرل پوسٹ کا اسکرین شارٹ
امریکی پولس چیف کے حوالے سے وائرل پوسٹ کا اسکرین شارٹ

ان دنوں سوشل میڈیا پر 1 منٹ 40 سیکینڈ کا ویڈیو خوب گردش کر رہا ہے۔ ایسا معلوم ہوتا ہے کہ غیر ملکی افسران کسی بڑے پروگرام میں شرکت کرنے آئیں ہیں۔ اس ویڈیو سے متعلق یوزرس کا دعویٰ ہے کہ نئے امریکی پولس چیف نے بائیبل کی قسم اٹھانے سے منع کردیا اور قرآن پاک پر ہاتھ رکھ کر اپنے عہدے کا حلف لیا۔ اس ویڈیو کو مختلف زبان میں اسی کیپشن کے ساتھ شیئر کیا جا رہا ہے۔ جسے آپ درج ذیل میں دیکھ سکتے ہیں۔

امریکی پولس چیف کے حوالے سے وائرل پوسٹ کا اسکرین شارٹ
امریکی پولس چیف کے حوالے سے وائرل پوسٹ کا اسکرین شارٹ
https://twitter.com/RealFaizanAzam/status/1405355848818384901

وائرل پوسٹ کے آرکائیو لنک یہاں، یہاں اور یہاں دیکھیں۔

کراؤڈ ٹینگل پر جب ہم نے وائرل ویڈیو کے ساتھ کیے گئے دعوے سے متعلق کیورڈ سرچ کیا تو ہمیں پتا چلا کہ اس موضوع پر پچھلے سات دنوں میں 6,432 فیس بک یوزرس تبادلہ خیال کر چکے ہیں۔ جبکہ ٹویٹر پر بھی اس ویڈیو کو مذکورہ دعوے کے ساتھ متعدد یوزرس نے شیئر کیا ہے۔ جس کا اسکرین شارٹ آپ درج ذیل میں دیکھ سکتے ہیں۔

Fact Check/ Verification

سوشل میڈیا پر امریکی چیف پولس کے حوالے سے وائرل دعوے کی سچائی جاننے کے لئے ہم نے اپنی ابتدائی تحقیقات شروع کی۔ سب سے پہلے ہم نے ویڈیو کو انوڈ کی مدد سے کیفریم میں تقسیم کیا اور ان میں سے کچھ فریم کو گوگل ریورس امیج سرچ کیا۔ اس دوران ہمیں وائرل ویڈیو سے متعلق 25 فروری 2020 کی کئی خبروں کے لنک فراہم ہوئے۔

ہم نے امریکی پولس چیف کے حوالے سے یوٹیوب پر بھی کچھ کیورڈ سرچ کیا۔ جہاں ہمیں 7 فروری 2020 کو اپلوڈ شدہ سورا ڈاٹ کام نامی آفیشل یوٹیوب چینل پر وائرل ویڈیو ملا۔ جس کا کیپشن غیر ملکی زبان میں تھا۔ ترجمہ کرنے پر پتا چلا کہ اس میں لکھا ہے “ابراہیم مائک بائیکورا نامی شخص کو امریکہ کا پہلا مسلم پولس چیف بنایا گیا”۔

پھر ہم نے ابراہیم مائک بائیکورا سے متعلق کیورڈ سرچ کیا۔ اس دوران ہمیں مُرکّو ورلڈ نیوز اور العربی نامی نیوز ویب سائٹ پر 16 فروری 2020 کی خبریں ملیں۔ جس کے مطابق امریکی ریاست نیو جرسی کے شہر سٹی آف پٹرسن میں پولس چیف کے عہدے کے لئے ترکی نژاد ابراہیم مائک بائیکورا کو منتخب کیا گیا ہے۔

مذکورہ تحقیقات سے واضح ہوتا ہے کہ ابراہیم مائک بائیکورا امریکہ کے سٹی آف پٹرسن کے پہلے مسلم پولس چیف کی حیثیت سے پچھلے سال منتخب کئے گئے تھے۔ مسلمان ہونے کی وجہ سے انہوں نے بائیبل کے بجائے قرآن پر ہاتھ رکھ کر حلف اٹھایا تھا۔ پھر ہم نے یہ جاننے کی کوشش کی کہ ابراہیم مائک بائکورا کون ہیں اور وائرل ویڈیو کے ساتھ کئے گئے دعوے میں کتنی سچائی ہے؟

یہ بھی پڑھیں: قرآن کی تلاوت کر رہی خاتون کا وائرل ویڈیو امریکہ کے پارلیمنٹ کا نہیں ہے۔

کون ہیں ابراہیم مائک بائیکورا؟

سرچ کے دوران ہمیں آناڈولو ایجنسی نامی ویب سائٹ پر ابراہیم کے حوالے سے معلومات حاصل ہوئی۔ اس رپورٹ میں بتایا گیا ہے کہ ابراہیم نے 4 فروری 2020 کو سٹی آف پٹرسن کے سترہ ویں پولس چیف کی حیثیت سے حلف لیا تھا۔ وہ اس عہدے پر فائز ہونے والے پہلے تُرکی نژاد مسلم افسر ہیں۔ بتادوں کہ ابراہیم بچپن میں ہی اپنے والدین کے ساتھ ترکی سے سٹی آف پٹرسن آگئے تھے۔

پٹرسن پولس ڈیپارمنٹ کی ویب سائٹ پر ابراہیم کی تعلیم اور پولس ڈیپارمنٹ میں ان کی خدمات سے متعلق معلومات فراہم ہوئیں۔ جسے آپ درج ذیل میں دیکھ اور پڑھ سکتے ہیں۔

Conclusion

نیوزچیکر کی تحقیقات میں ثابت ہوتا ہے کہ وائرل ویڈیو کے ساتھ کیا گیا دعویٰ گمراہ کن ہے۔ ترکی نژاد ابراہیم مائک بائیکورا نامی مسلم شخص کو امریکہ کے سٹی آف پٹرسن کا پولس چیف منتخب کیا گیا تھا، نا کہ پورے امریکہ کا۔ ابراہیم نے مسلمان ہونے کے ناطے بائبل کے بجائے قرآن پاک پر ہاتھ رکھ کر اپنے پولس چیف کے عہدے کا حلف لیا تھا۔

Result: Misleading

Our Source


Suara۔com

MoroccoWorldNews

Alaraby.co.uk

ANADOLU AGENCY

Patersonpd.com

نوٹ:کسی بھی مشتبہ خبرکی تحقیق،ترمیم یا دیگرتجاویز کے لئے ہمیں نیچے دئیے گئے واہٹس ایپ نمبر پر آپ اپنی رائے ارسال کر سکتےہیں۔

9999499044

Authors

Zakariya has an experience of working for Magazines, Newspapers and News Portals. Before joining Newschecker, he was working with Network18’s Urdu channel. Zakariya completed his post-graduation in Mass Communication & Journalism from Lucknow University.

Mohammed Zakariya
Mohammed Zakariya
Zakariya has an experience of working for Magazines, Newspapers and News Portals. Before joining Newschecker, he was working with Network18’s Urdu channel. Zakariya completed his post-graduation in Mass Communication & Journalism from Lucknow University.

جواب چھوڑ دیں

براہ مہربانی اپنی رائے درج کریں!
اپنا نام یہاں درج کریں

Most Popular