Claim

کرناٹک اسمبلی انتخابات کے لیے ووٹنگ 10 مئی کو ہوئی تھی۔ ووٹنگ سے سے متعلق پاکستان کے وزیر اعظم شہباز شریف کا 7 مئی کے ایک ٹویٹ کا اسکرین شارٹ واہٹس ایپ پر شیئر کیا جا رہا ہے۔ جس میں وہ مبینہ طور پر کانگریس کو ووٹ دینے کی اپیل کر رہے ہیں۔

شہباز شریف والے ٹویٹ میں لکھا ہے کہ “میں کرناٹک کے لوگوں سے دل سے کانگریس کو ووٹ دینے کی درخواست کرنا چاہتا ہوں، کیونکہ کرناٹک میں اسلام کو مضبوت کرنے اور 2047 تک ہندوستان کو فتح کرنے کے خواب کو پورا کرنے کے لیے صرف کانگریس ہی پی ایف آئی کو”۔

Fact

وائرل ٹویٹ کو غور سے دیکھا اور پڑھا تو معلوم ہوا کہ ٹویٹ میں اردو کا جملہ مکمل نہیں ہے۔ اس سے معلوم ہوتا ہے کہ وزیر اعظم پاکستان شہباز شریف کے ٹویٹر ہینڈل سے اتنی بڑی غلطی ممکن نہیں ہے اور جو ٹویٹ وائرل ہو رہا ہے وہ جعلی ہے۔

ہم نے گوگل پر یہ بھی سرچ کیا کہ آیا وزیر اعظم پاکستان نے حالیہ کرناٹک الیکشن کے حوالے سے کچھ بیان دیا ہے یا نہیں۔ لیکن نتیجے میں کچھ حاصل نہ ہوا۔

جس کے بعد شہباز شریف کے ٹویٹر ہینڈل کو کھنگالا تو معلوم ہوا کہ 7 مئی کو شہباز شریف کے ہینڈل سے کل 3 ٹویٹس کئے گئے ہیں۔ لیکن ان میں سے کوئی بھی کرناٹک الیکشن سے متعلق نہیں ہے اور نا ہی اردو میں ہے۔

مزید معلومات کے لئے ہم نے سوشل بلیڈ ٹول کی مدد سے بھی ٹویٹ کو تلاشا۔ لیکن ایسی کوئی معلومات فراہم نہیں ہوئی، جس میں 7 مئی کو کرناٹک الیکشن سے متعلق کوئی ٹویٹ کیا گیا ہو۔ اس سے واضح ہوا کہ کانگریس کو ووٹ دینے کی اپیل والا دعویٰ بھی فرضی ہے۔

لہٰذا نیوز چیکر کی تحقیقات سے ثابت ہوتا ہے کہ پاکستان کے وزیر اعظم شہباز شریف نے کرناٹک کی عوام سے کانگریس کو ووٹ دینے کی اپیل نہیں کی ہے۔ وائرل ٹویٹ فرضی ہے۔

Result: False

Our Sources
Twitter Account of Pakistan PM Shehbaz Sharif
Social Blade/cmshehbaz

نوٹ: کسی بھی مشتبہ خبر کی تحقیق، ترمیم یا دیگر تجاویز کے لئے ہمیں واہٹس ایپ نمبر 9999499044 پر آپ اپنی رائے ارسال کرسکتے ہیں۔