ગુજરાત વલસાડના NH-48 ખાતે બાઈક સવારનું અકસ્માત થયું હોવાનો ભ્રામક વિડીયો વાયરલ

વરસાદના વાતાવરણમાં હાઈ-વે પર ઘણા અકસ્માતો સર્જાતા હોય છે. સોશ્યલ મીડિયા પર આવા જ એક અસ્કામતનો વિડીયો ખુબ શેર થઈ રહ્યો છે. યુઝર્સ બાઈક સવારના અકસ્માતનો વાયરલ વિડીયો ગુજરાત વલસાડના NH-48 ખાતે બાઈક સવારનું અકસ્માત થયું હોવાનો દાવો કરી રહ્યા છે. ફેસબુક પર “વલસાડ:-વાપી… N.H…48” ટાઇટલ સાથે Zee Newsની વિડીયો કલીપ શેર કરવામાં આવેલ છે. વિડીયોમાં રસ્તા ભીના હોવાના કારણે બાઈક સવાર સ્લીપ થઈને પડે છે તે સમયે પાછળથી આવનાર ટ્રક સાથે અથડાતા બચી જાય છે.

આ પણ વાંચો : પાકિસ્તાનમાં બનેલ ઘટના ગુજરાતમાં પૂરના પાણી માંથી ડ્રાઇવર ગાડી પસાર કરી રહ્યો હોવાના દાવા સાથે વાયરલ

Fact Check / Verification

ગુજરાત વલસાડના નેશનલ હાઇવે 48 ખાતે બાઈક સવારના અકસ્માતના વાયરલ વિડીયોના કિફ્રેમ્સ ગુગલ રિવર્સ ઇમેજ સર્ચ કરતા ndtv અને યુટ્યુબ ચેનલ TRT World Now દ્વારા જાન્યુઆરી 2020ના પોસ્ટ કરવામાં આવેલ સમાન વિડીયો અને અહેવાલ જોવા મળે છે. અહીંયા મળતી માહિતી અનુસાર, આ ઘટના મલેશિયા ખાતે બનેલ છે. યુઝર દ્વારા તેની કાર માંથી આ વિડીયો લેવામાં આવેલ છે, અહીંયા બાઇક સવાર રોડ પર પટકાયા બાદ દોડીને પાછળ આવી રહેલા ટ્રકથી દૂર ભાગે છે. વરસાદી વાતારવરણના કારણે રસ્તાઓ ભીના હોવાથી આ અકસ્માત સર્જ્યો છે.

આ ઘટના અંગે ગુગલ સર્ચ કરતા અન્ય મીડિયા રિપોર્ટ તેમજ msn વેબસાઈટ પર 24 જાન્યુઆરી 2022ના પોસ્ટ કરવામાં આવેલ સમાન વિડીયો જોવા મળે છે. અહીંયા આપવામાં આવેલ માહિતી મુજબ, આ ઘટના મલેશિયાના સેલનગોર રાજ્ય ખાતે ભારે વરસાદના કારણે બનેલ છે. યુઝર દ્વારા લખવામાં આવ્યું છે કે આ અકસ્માત તેમની નજર સામે થયો છે, પરંતુ સદ્દનસીબે કોઈપણ જાનહાની થયેલ નથી.

Conclusion

ગુજરાત વલસાડના નેશનલ હાઇવે 48 ખાતે બાઈક સવારના અકસ્માતનો વાયરલ વિડીયો ખરેખર જાન્યુઆરી 2022માં મલેશિયા ખાતે લેવામાં આવેલ છે. મલેશિયાના સેલનગોર રાજ્ય ખાતે જાન્યુઆરીમાં વરસાદી માહોલમાં આ અકસ્માત સર્જ્યો છે. સોશ્યલ મીડિયા યુઝર્સ આ ઘટના ગુજરાત વાપી-વલસાડ હાઇવે હોવાના ભ્રામક દાવા સાથે શેર કરી રહ્યા છે.

Result : False

કોઈપણ શંકાસ્પદ, વાયરલ ખબર ચકાસવા અથવા કોઈ અન્ય સૂચન માટે મેઈલ કરો checkthis@newschecker.in અથવા વોટ્સએપ કરો 9999499044