સોશ્યલ મીડિયા પર એક વિડીયો વાયરલ થઈ રહ્યો છે. દાવો કરવામાં આવ્યો છે કે મહારાષ્ટ્રની એક કોર્ટમાં મહિલા જજ અને મહિલા વકીલ વચ્ચે મારામારી થઈ છે. વીડિયોમાં બે મહિલાઓ કોર્ટ પરિસરમાં એક કેસ મુદ્દે મારામારી કરતા જોવા મળે છે.
ફેસબુક યુઝર્સ વાયરલ વીડિયોને “ભારતમાં પહેલી વાર – જજ સાહિબાએ જામીન ન આપ્યા એટલે વકીલ સાહિબા અને જજ સાહિબા વચ્ચે છુટ્ટા હાથની મારામારી” ટાઇટલ સાથે શેર કરી રહ્યા છે.
Fact Check / Verification
મહારાષ્ટ્રની એક કોર્ટમાં મહિલા જજ અને મહિલા વકીલ વચ્ચે મારામારી થઈ હોવાના વાયરલ વિડીયો અંગે ગુગલ કીવર્ડ સર્ચ કરતા ટ્વીટર પર 29 ઓક્ટોબર, 2022ના બાર એન્ડ બેન્ચ દ્વારા પોસ્ટ કરવામાં આવેલ સમાન વિડીયો જોવા મળે છે. ટ્વીટ અનુસાર, ઉત્તરપ્રદેશની કાસગંજ ફેમિલી કોર્ટના પરિસરમાં એક દંપતીના કેસનું પ્રતિનિધિત્વ કરવા મુદ્દે બે મહિલા વકીલો વચ્ચે લડાઈ થઈ હતી.
મળતી માહિતીના આધારે વધુ તપાસ કરતા અમને ANI અને ધ પ્રિન્ટમાં પ્રકાશિત થયેલ અહેવાલ જોવા મળે છે. જે અનુસાર, કાસગંજ ફેમિલી કોર્ટમાં સાથી વકીલ સાથે ઝઘડા કરવા માટે વકીલ વિરુદ્ધ FIR નોંધાય છે. કાસગંજના એડવોકેટ યોગ્યતા સક્સેનાને એક કેસ મુદ્દે અભિપ્રાયના મતભેદને પગલે ફરિયાદ પક્ષના વકીલ દ્વારા માર મારવામાં આવ્યો હતો. વાયરલ વિડીયો અંગે ટાઈમ્સ ઑફ ઈન્ડિયા , લોકસત્તા અને નવભારત ટાઈમ્સના અહેવાલો અહીંયા જોઈ શકાય છે.
Conclusion
મહારાષ્ટ્રની એક કોર્ટમાં મહિલા જજ અને મહિલા વકીલ વચ્ચે મારામારી થઈ હોવાના ભ્રામક દાવા સાથે ઉત્તરપ્રદેશમાં બનેલ ઘટનાનો વિડીયો શેર કરવામાં આવેલ છે. યુપીના કાસગંજ કોર્ટમાં બે મહિલા વકીલો વચ્ચે મારામારી થઈ હતી, જે ઘટનાને મહારાષ્ટ્રની હોવાના ભ્રામક દાવા સાથે શેર કરવામાં આવેલ છે.
Result : False
(This article was originally published in Newschecker Malayalam by Sabloo Thomas)
Our Source
Tweet by B&B Legal on October 29,2022
News report by the Print on October 29,2022
News report by the Times of India on October 29,2022
News report by the Loksatta on October 30,2022
કોઈપણ શંકાસ્પદ, વાયરલ ખબર ચકાસવા અથવા કોઈ અન્ય સૂચન માટે મેઈલ કરો [email protected] અથવા વોટ્સએપ કરો 9999499044
