ન્યૂઝચેકરમાં અમે અમારી ફેક્ટ-ચેકિંગ પ્રક્રિયામાં પારદર્શિતા અને ન્યાય જળવાઈ રહે તેના માટે પ્રતિબદ્ધ છીએ. જો કોઈ ફેક્ટ-ચેક એવા વ્યક્તિ કે સંસ્થાને લગતી હોય જેની સાથે અમારી સંસ્થાનો સીધો કે આડકતરો હિતસંબંધ હોય, તો અમે તે સંબંધિત માહિતી તે ફેક્ટ-ચેકમાં સ્પષ્ટ જાહેર કરીશું. જેથી અમારા વાચકો સંપૂર્ણ રીતે માહિતગાર રહી શકે અને અમારી શોધના પરિપ્રેક્ષ્યનું મૂલ્યાંકન કરી શકે.

ન્યૂઝચેકરમાં અમે અમારા તમામ કાર્યમાં નિષ્પક્ષતા અને બિનપક્ષપાતી અભિગમ જાળવવા માટે પૂરી રીતે પ્રતિબદ્ધ છીએ. દરેક કર્મચારીને જોડાયા પછી અમારી બિનપક્ષપાતી નીતિની સંપૂર્ણ માહિતી આપવામાં આવે છે, જેથી અમારા ફેક્ટ-ચેક સંપૂર્ણપણે તથ્યઆધારિત અને વ્યક્તિગત અભિપ્રાયોથી મુક્ત રહે.

અમે ખાતરી કરીએ છીએ કે અમારા ફેક્ટ-ચેકિંગ ટીમના તમામ સભ્યો રાજકીય પક્ષો કે વકીલાત સંગઠનો સાથેના કોઈપણ સંબંધથી મુક્ત હોય. જે સંસ્થાઓ કે સંગઠનો શાસન વ્યવસ્થામાં પારદર્શિતા અથવા લોકશાહી સુધારાઓને પ્રોત્સાહન આપે છે તેમના સિવાય.

અમારી બિનપક્ષપાતી નીતિ હેઠળ નીચેના સિદ્ધાંતો સાથે અમે ક્યારેક બાંધછોડ કરતા નથી:

1. ફેક્ટ-ચેક તટસ્થ હોવી જ જોઈએ: કોઈપણ વ્યક્તિગત પક્ષપાત કે અભિપ્રાય માન્ય નથી અને તમામ ફેક્ટ-ચેકમાં તટસ્થ ભાષાનો ઉપયોગ જરૂરી છે.
2. રાજકીય જોડાણ નહીં: કર્મચારીઓને કોઈપણ રાજકીય પક્ષ કે સંગઠન સાથે જોડાવાની મંજૂરી નથી, સિવાય એવા સંગઠનો કે જે પારદર્શિતા, માહિતીની વિશ્વનિયતા અથવા લોકશાહી મજબૂત બનાવતી પ્રવૃત્તિઓમાં સંકળાયેલી હોય.
3. તટસ્થ વર્તન: કર્મચારીઓને રાજકીય દૃષ્ટિકોણ દર્શાવતાં પ્રતીકો કે પહેરવેશ ધારણ કરવાનો અથવા પ્રચાર કરવાનો અધિકાર નથી.
4. સંસ્થાના સ્રોતોનો ઉપયોગ: સંસ્થાના સ્રોતોનો ઉપયોગ કોઈ વિશિષ્ટ રાજકીય અભિગમને સમર્થન આપતી સામગ્રીની છાપવણી, વહેંચણી કે નકલ માટે કરી શકાશે નહીં.
5. વિરોધ પ્રદર્શનમાં ભાગ: કર્મચારીઓને રાજકીય કારણોસર થતા વિરોધ પ્રદર્શનોમાં ભાગ લેવાની મંજૂરી નથી.
6. અસર અને મતપ્રચાર: કર્મચારીઓએ સહકર્મચારીઓ પર અસર નહીં પહોંચાડવી કે કોઈ રાજકીય પક્ષ માટે મત માગવાનો પ્રયાસ નહીં કરવો.
7. નીતિનું ઉલ્લંઘન: જો કોઈ કર્મચારી આ નીતિનું ઉલ્લંઘન કરે છે તો તેના વિરુદ્ધ આંતરિક પ્રક્રિયા હાથ ધરવામાં આવશે અને યોગ્ય શિસ્ત મામલેનાં પગલાં લેવામાં આવશે.

ન્યૂઝચેકર ભારતમાં અમલી ડેટા ગોપનીયતા કાયદાનું પાલન કરે છે અને આ લાઇસન્સ હેઠળ શેર કરેલી તમામ સામગ્રી સંબંધિત કાનૂની માળખાં અનુસાર હોય તે સુનિશ્ચિત કરે છે.

જ્યાં અન્યથા ન જણાવેલ હોય તો, ન્યૂઝચેકર પરની તમામ સામગ્રી Creative Commons Attribution 4.0 International License (CC BY 4.0) હેઠળ લાઇસન્સ કરવામાં આવી છે. આ લાઇસન્સ હેઠળ તમે નીચે મુજબ તેનો ઉપયોગ કરી શકો છો:

1. શેર કરો — તમે આ સામગ્રીને કોઈપણ માધ્યમ કે ફોર્મેટમાં નકલ કરીને ફરી વહેંચી શકો છો.
2. અનુકૂલિત કરો — તમે આ સામગ્રીને ફરીથી મિક્સ, રૂપાંતરિત અને વધુ વિકાસ માટે પણ વાપરી શકો છો. વળી વેપારિક હેતુઓ માટે પણ ઉપયોગ કરી શકો છો.

વપરાશની શરતો:

• યોગ્‍ય શ્રેય આપવો : તમારે યોગ્ય શ્રેય આપવો ફરજિયાત છે, જેમાં લાઇસન્સની લિંકનો સમાવેશ થાય છે અને જો કોઈ ફેરફાર કરાયો હોય તો તેનો ઉલ્લેખ કરવો જરૂરી છે. શ્રેય આપવાનું યોગ્ય રીતે થયેલું હોવું જોઈએ, પણ એવું ન હોવું જોઈએ કે ન્યૂઝચેકર દ્વારા તેને પ્રચાર કરાય રહ્યું છે મળ્યું છે તેવા સંકેતો મળે.
• પારદર્શકતા: સામગ્રીમાં કોઈપણ પ્રકારના ફેરફાર સ્પષ્ટ રીતે દર્શાવવાં આવશ્યક છે.
• વેપારિક ઉપયોગની જાણ: જ્યારે CC BY 4.0 લાઇસન્સ હેઠળ વેપારિક ઉપયોગની મંજૂરી છે, ત્યારે અમે વિનમ્રતાપૂર્વક વિનંતી કરીએ છીએ કે જો અમારી સામગ્રીનો વેપારિક હેતુઓ માટે ઉપયોગ થાય તો કૃપા કરીને અમને જાણ કરો. આ અમને અમારી ઇન્ટેલેક્ચ્યૂઅલ પ્રૉપર્ટીના ઉપયોગને ટ્રૅક કરવામાં સહાય કરે છે અને ખાતરી આપે છે કે અમારી સામગ્રીનો જવાબદારીપૂર્વક ઉપયોગ થાય.

અમારી સામગ્રીનો ઉપયોગ કરતી વખતે યોગ્ય શ્રેય સુનિશ્ચિત કરવા માટે, કૃપા કરીને નીચેની માર્ગદર્શિકાઓનું પાલન કરો:

• કૃતિનું શીર્ષક સમાવો.
• લેખક તરીકે ન્યૂઝચેકર નો ઉલ્લેખ કરો.
• સ્રોતનો ઉલ્લેખ કરો (મૂળ લેખ અથવા ન્યૂઝચેકર વેબસાઇટના પૃષ્ઠની લિંક આપો).
• લાઇસન્સ સ્પષ્ટ કરો (ઉદાહરણ તરીકે: “CC BY 4.0 હેઠળ લાઇસન્સ આપવામાં આવ્યું છે”).

અમે અન્ય ફેક્ટ-ચેકિંગ સંસ્થાઓ અને સ્વતંત્ર ફેક્ટ-ચેકરોની બૌદ્ધિક મિલ્કત અને મહેનતનું સન્માન કરીએ છીએ. અમે તેમની સામગ્રીનો કોઈપણ ભાગ ફરીથી પ્રકાશિત કરતા કે પુનઃઉપયોગ કરતા પહેલા સ્પષ્ટ શ્રેય (attribution) આપ્યા વિના તેનો ઉપયોગ નથી કરતા. જ્યાં યોગ્ય લાગે ત્યાં અમે પુનઃઉપયોગ કરતા પહેલા મૂળ સર્જકોને સૂચિત કરીએ છીએ અને તેમની સામગ્રીની લાઇસન્સ શરતોનું પાલન સુનિશ્ચિત કરીએ છીએ.

ન્યુઝચેકરમાં અમારી ફેક્ટ-ચેક રિપોર્ટિંગમાં સમાવિષ્ટ વ્યક્તિઓની ગોપનીયતા, સુરક્ષા અને આત્મગૌરવ જાળવવાની પ્રતિબદ્ધતા ધરાવીએ છીએ. અમારી નીતિઓ નૈતિક ધોરણો અને લાગુ પડતા કાયદાઓ દ્વારા માર્ગદર્શિત થાય છે, જેથી જવાબદાર પત્રકારિતાને સુનિશ્ચિત કરી શકાય. નીચે એવા મુખ્ય સિદ્ધાંતો આપેલા છે જેનું અમે પાલન કરીએ છીએ:

Protecting Vulnerable Individuals

સંવેદનશીલ વ્યક્તિઓની સુરક્ષા જ્યારે કોઈ વ્યક્તિની સુરક્ષા, ગોપનીયતા અથવા આત્મગૌરવ અંગે યોગ્ય રીતે ચિંતાનું કારણ હોય ત્યારે અમે તેમની ઓળખ અથવા તસવીર ધૂંધળી (બ્લર) કરીએ છીએ. આમાં નીચેના લોકોનો સમાવેશ થાય છે (પરંતુ તે એટલા પૂરતું જ સિમિત નથી):

• ભયાનક ગુનાઓના પીડિતો
• લિંગ આધારિત હિંસા અથવા લૈંગિક શોષણના પીડિત
• બાળકો (ઉંમર 18 વર્ષથી ઓછી હોય તેવા નાબાલિગ)
• અન્ય સંવેદનશીલ વ્યક્તિઓ જેઓની ઓળખ છતી થાય તો તેઓ હાનિ કે કલંકનો ભોગ બની શકે

અમે એવા સ્પષ્ટ અથવા ગ્રાફિક દ્રશ્યો ટાળીએ છીએ કે જે વ્યક્તિઓ અથવા અમારા દર્શકો માટે દુઃખદાયક બની શકે. જો આવા દ્રશ્યો કથાનક માટે અનિવાર્ય હોય, તો અમે ઓળખ છુપાવતા સંપાદન કરીએ છીએ જેથી માહિતીની અંખડિતતા જળવાય અને સાથે સાથે વ્યક્તિઓની ગોપનિયતાનીં સુરક્ષા પણ સચવાયેલી રહે.

નાબાલિગોનું રક્ષણ

ન્યૂઝચેકર નાબાલિગોના ઉલ્લેખ અથવા ઓળખ કરવા બાબતે નિયંત્રણપૂર્ણ, સન્માનજનક અને સંવેદનશીલ દૃષ્ટિકોણ અપનાવે છે. વર્તમાન કાયદાઓ હેઠળ મંજૂરી હોય ત્યારે:

• અમે નાબાલગોની ઓળખ અહેવાલોમાં ત્યારે જ કરીએ છીએ જ્યારે તે સંપૂર્ણપણે જરૂરી અને કાનૂની રીતે અનુમોદિત હોય.
• અમે તેમની ગોપનિયતાનું રક્ષણ કરવા માટે દરેક પ્રયાસ કરીએ છીએ અને એવા અહેવાલો ટાળીએ છીએ કે જે તેમને નુકસાન પહોંચાડી શકે કે કલંકિત કરી શકે.

વ્યક્તિગત માહિતીનું સંચાલન

અમે વ્યક્તિગત માહિતી (જેમ કે ટેલિફોન નંબર, ઓળખપત્રો, પાસપોર્ટ, બેંક એકાઉન્ટ નંબર, ઇમેઇલ સરનામું વગેરે) જે હેરાનગતી અથવા દુરુપયોગ તરફ દોરી શકે, તેને અનામિત કરીએ છીએ અથવા મહદઅંશે છુપાવીએ છીએ. આવી વિગતો માત્ર ત્યારે આપવામાં આવે છે જ્યારે આવી માહિતી કોઈ ફેક્ટ-ચેક માટે મહત્વપૂર્ણ પુરાવા હોય અને તેનું સંચાલન નીચે મુજબના ધોરણોને અનુસરીને કરવામાં આવે છે:

• ડિજિટલ પર્સનલ ડેટા પ્રોટેક્શન (DPDP) અધિનિયમ, 2023
• અમારી ગોપનીયતા નીતિ

જો તમને લાગે છે કે ન્યૂઝચેકર દ્વારા પ્રકાશિત કોઈ પણ સામગ્રી આ સિદ્ધાંતોનું ઉલ્લંઘન કરે છે, તો કૃપા કરીને અમને checkthis@newschecker.incheckthis@newschecker.in. પર જાણ કરો. અમે દરેક ફરિયાદને ગંભીરતાપૂર્વક લઈ તપાસ કરીએ છીએ અને અમારી નીતિઓ મુજબ તેની સમીક્ષા કરીએ છીએ.

અમે અમારી ટીમના સભ્યો માટે સલામત, સન્માનજનક અને સમર્થનસભર કામકાજના વાતાવરણને જાળવવામાં પ્રતિબદ્ધ છીએ, જે તેમની ભલાઈ અને માનસિક સહનશક્તિને પ્રોત્સાહન આપે છે. અમે ફેક્ટ-ચેકિંગ પ્રવૃત્તિઓ સાથે જોડાયેલા આઘાત અને સતામણીના સંભવિત જોખમોને ઓળખી લીધા છે અને આ પડકારોને ઉકેલવા માટે ચોક્કસ પગલાં લેવામાં આવ્યા છે.

માનસિક તણાવ ઉભો કરી શકે તેવી સામગ્રીનું સંચાલન: અમારી ટીમને સુરક્ષિત રાખવા માટે, અમે નીચેના પગલાં લઈએ છીએ:

• ભયાનક કે મનોવિજ્ઞાનીક રીતે પરેશાન કરી શકે તેવી દૃશ્ય સામગ્રી માટે સંચાર માધ્યમોમાં ટ્રિગર ચેતવણીઓ આપીશું.
• માનસિક આરોગ્ય વ્યાવસાયિકો સાથેના ટેલિકોલિંગ સેશનને આવરી લેતી તબીબી ઇન્શ્યોરન્સ, તેમજ સ્ટ્રેસ મેનેજમેન્ટ માટે Headspace અને CultFit જેવી સેવાઓની સબ્સ્ક્રિપ્શન ઉપલબ્ધ કરાવીશું.
• પરસ્પર સન્માનની સંસ્કૃતિ વિકસાવવામાં આવશે, જ્યાં દરેકના સમય અને ઉર્જાનો સન્માન કરવામાં આવે અને ખોટા વર્તનને ચલાવી લેવામાં આવશે નહીં.

ઘટનાઓની જાણ કરવી: ટીમના સભ્યોને હેરાનગતી કે ટ્રોમાની તકલીફની ઘટના તાત્કાલિકપણે તેમના રિપોર્ટિંગ મેનેજર, મેનેજિંગ એડિટર અથવા HR પ્રતિનિધિને જાણ કરવી જોઈએ. આ જાણ ગુપ્ત રીતે કરી શકાય છે અને તેના માટે કોઈ પણ પ્રકારની બદલો લેવા જેવી વૃત્તિ સહન કરાશે નહીં.

સહાય સેવાઓ: પરિણામે અસરગ્રસ્ત થયેલા સભ્યોને મનોચિકિત્સા સહાય, કાઉન્સેલિંગ અને જરૂર જણાય ત્યારે કાયદેસરની સહાય ઉપલબ્ધ કરાવવામાં આવશે. જો જરૂરી હોય તો કામના ભારને સંયોજિત કરવામાં પણ સહાય મળશે.

ઘટનાઓને ઉકેલવા:

• તપાસ: જો કોઈ ઘટના અંગે જાણ થાય તો અમે તરત અને ન્યાયસંગત રીતે તપાસ કરીએ છીએ.
• પરિણામો: ગુનાગાર વ્યક્તિઓ સામે ચેતવણીથી લઈને નોકરીમાંથી બહાર કરવા સુધીના યોગ્ય પગલાં લેવામાં આવે છે.
• બાહ્ય હેરાનગતી: કર્મચારીઓને ટેકો આપવા માટે અમે સંબંધિત સત્તાધિકારીઓ અને ડિજિટલ પ્લેટફોર્મ્સ સાથે સંકલન કરીએ છીએ જેથી જોખમોને ઓછી કરી શકાય.