ارجنٹینا کسِ معروف فٹبالر لیونئل میسی سُند اصل ناؤ اوسا مثل خان؟

Authors

Abrar Bhat

فیفا ورلڈکپ 2022 ہس منز ارجنٹینا کہِ زیننہ پتہ چُھ مشہور فٹبالر لیونئل میسی یس متعلق سوشل میڈیاہس پیٹھ دعویٰ وائرل زہِ میسی سنُند اصل ناؤ اؤس مثل خان تہ امہِ سُند تعلق اؤس پاکستان کس خیبرپختونخواہ ہس منز کوہاٹ علاقس سآتِ۔ یمہِ پتہ تمِو تعلیم حاصلِ کرنہ خاطرء ارجنٹینا ہجرت کئر۔

فیس بُکس پیٹھ چُھ اکِ صارفن لیوکھمتُ ‘میسی سُند تعلق چُھ ضلع کوہاٹ کسِ علاقس بہادرکوٹس سآتِ۔ امہِ سُند اصل ناؤ اؤس مثل خان۔ اعلیٰ تعلیم حاصلَ کرنہ خاطرء گئی تمِ ارجنٹائن تہ تتہِ کرکھِ کالج کی ٹیم سآتِ فٹبال گندنُک آغاز۔ تہ جلدی بناؤ تِمو جائے قومی ٹیمس منز تہ یتھ ورلڈ کپس منز کور تِمو پننُ ہُنر ظاہر۔ تِمو کور ثابت زہِ کوہاٹکِ یتین تہ گژھن تہ تباہی مچاون۔ سیٹھا مبارک۔ فخر کوہاٹ فخر پختونخوا’۔

مزید پوسٹن ہُند لنکِ ہیکیو توہی یتیتھ، یتیتھ، یتیتھ تہ یتیتھ وچتھِ۔

Fact Check/ Verification

نیوز چیکرن کور اتھ سلسلس منز تحیقات کرنچ کوشش زہِ کیا پوزِ پآٹھِ چھا مشہور فٹبالر لیونئل میسی سُند اصل ناؤ اؤس مثل خان ہے تہ امہِ سُند تعلقُ اوسا کوہاٹ علاقس سآتِ۔ اسہِ کئرِ مشہور فٹبالر لیونئل میسی یس متعلق گوگل پیٹھ کینہہ کیورڈ سرچ۔ اتھ دوران آئی اسہِ ہارو ناؤ چہِ ویب سائٹِ پیٹھ اکھ دستاویز لبنہ، یتھ منز لیکتھِ چُھ زہِ میسی سُند تعلق چُھ کیتھولکِ مذہبس ساتِ تہ سُہ چُھ پننہِ مذہبکُ سخت پابند۔

امہِ علاؤ تحقیقاتس دوران آئی اسہِ سپورٹس کیڑا ناؤ چہِ ویب سائٹِ پیٹھ مشہور فٹبالر لیونئل میسی سنزِ زندگی متعلق معلومات لبنہ۔ اتھ پیٹھ چھِ میسی یس متعلق مکمل معلومات درج۔

مشہور فٹبالر لیونئل میسی چُھ ارجنٹینیا کسِ رساریو منز 1987 نس منز زامتِ۔ تیہونُد اصل ناؤ چُھ لونئیل انڈریس میسی۔ تہ امہ، سآتِ گو ثابتِ زہِ میسی سُند اصل تعلق چُھنہ کوہاٹس سآت، کینہ بلکہ چُھ ارجنٹینا کس شہر رساریو وس سآتِ۔

امہِ پتہ کور اسہِ تحقیقات زہِ کیا مشہور فٹبالر لیونئل میسی سُند اصل ناؤ اؤس مثل خان؟ ویب سائٹ پیٹھ تِمن متعق پرنہ پتہ آؤ اسہِ لبنہ زہِ تہندسِ والد صابس اؤس ناؤ جارج میسی یِمہ ارجنٹینا ہس منز اکسِ اسٹیل فیکٹری منز کآم آسہِ کران۔ رپوٹ وئب سائٹِ پیٹھ چُھنہ کُنہ جائے ذکر زہ، تِہوند ناؤ اؤس مثل خان یا تِہوند تعلق اؤس کوہاٹس سآتِ۔

Conclusion

یِتھ کنِ گو سآنسِ تحقیقاتس منز ثابتِ زہِ مشہور فٹبالر لیونئل میسی سُند ناؤ اؤس نہ مثل خان کینہہ تہ تیہوند تعلق اؤس نہ کوہاٹ ساتِ کینہہ۔ تِمہ چھِ زامتِ ارجنٹیناہس منز اکسِ انگریز کھرس سآتِ۔ لہذا تِمن متعل کرنہ یوان دعویٰ چُھ۔

Result: False

نوٹ: کسی بھی مشتبہ خبرکی تحقیق، ترمیم یا دیگر تجاویز کے لئے ہمیں نیچے دئیے گئے واٹس ایپ نمبر پر آپ اپنی رائے ارسال کرسکتے ہیں۔9999499044

Authors

Abrar Bhat