کیا ڈانس ویڈیو چھا کشیرِ منز بلدیاتی انتخابان منز عمران خان سندِ زیننہ پتئہ؟

Authors

Abrar Bhat

پاکستانی کشیرِ منز بلدیاتی انتخابان منز عمران خان سندِ بھاری اکثریت سان زیننہ پتہ گئیِ سوشل میڈیاہس پیٹھ سیٹھا ویڈیو وائرل۔ اکھ وائرل ویڈیو یتھ منز افغانی لباسس منز کینہہ نفر ڈانس چھِ کران تہ چُھ وائرل گژھان۔

ڈانس ویڈیوس متعلق چُھ دعویٰ یوان کرنہ زہِ یہ چُھ کشیر منز عمران خان سندِ بلدیاتی انتخابن منز زیننہ پتئہ جشن یوان مناونہ۔

اکِ ٹویٹر صارفن چُھ لیکوھمتُ زہِ کشیر ہندِ لُکھ چھِ عمران خانس خاطرء پننہِ محبتکُ اظہار کران۔

یتہی کنِ چُھ باقی صارِفو تہِ یہ ویڈیو شیئر کرتھِ دعویٰ کورمتُ زہِ کشیر منز عمران خان سندِ انتخابان منز زیننہ پتئہ چھِ عوام جشن مانوان۔

پوسٹن ہُند لنک ہیکیو توہیِ یتیتھ، ییتیتھ تہ یتیتھ وچتھِ۔

Fact Check/ Verification

نیوز چیکرن کور امہِ دانس ویڈیو وچِ حقیقت زاننہ خاطرء ویڈیو کیفریم منز تقسیم تہ امہِ منز کئرِ کینہہ ویڈیو گوگل ریورس امیج سرچ۔ سرچِ دوران آئی آؤ اسہِ یہ ویڈیو قیصر خان وی لاگس نامی یوٹیوب چینلِ پیٹھ لبنہ۔ اتھ چینلِ پیٹھ چُھ یہ ویڈیو 10 اپریل 2021 ہس منز اپلوڈ کرنہ۔ یلہ کہِ زن بلدیاتی انتخاب آئی دسمبر 2022 ہس منز منعقد کرنہ۔

ویڈیو کسِ ڈسکرپشنس منز چُھ لیکتھِ زہِ یہ چھِ طالبانی خاندرچ تقریبِ دوران ڈانس کران۔

لہذا گو اسہِ ثابتِ زہِ یہ ویڈیو چُھ پرون تہ اتھ چُھنہ کشیرِ منز بلدیاتی اتخابان ساتِ کانہہ تہ تعلق۔

پننُ تحقیقات مزید فعال بناونہ خاطرء کور اسہِ امہِ ڈسکرپشن کیورڈ سان یوٹیوبس پیٹھ سرچ تہ اسہِ آؤ یہ ویڈیو مزید کنہہ یوٹیوب چینلن پیٹھ لبنہ۔

پاک افغان پشتو سانگز نامی یوٹیوب چینلِ پیٹھِ تہِ چُھ یہ ویڈیو 31 مئی 2021 ہس منز آمتُ شائع کرنہ۔ ویڈیوس ساتِ دینہ آمژِ معلومات مطابق چُھ یہ یویڈیو بنو نامی علاقس منز خاندرس دوران ڈانس کران کران ریکارڈ آمتُ کرنہ۔ ژیتس آسنِ زہِ بنو چُھ پاکستان کسِ خیبرپختونخواہ ہس منز اکسِ علاقس ناؤ۔

یتیھِ کنِ چُھ باقی یوٹیوب چینلو تہِ ڈانس ویڈیو 2021 ہس اپلوڈ کورمتُ۔ تہ تمام چینلن پیٹھ چُھ اتھ ویڈیوس متعلق یوان وننہ یہ وچُھ بنو نآمی علاقس منز خاندرچِ تقریبِ دوران ڈانس آمتُ کرنہ۔

باقی چینلن پیٹھ موجود امہِ ویڈیوکُ لنکِ ہیکیو توہیِ یتیتھ، یتیتھ تہ یتیتھ وچتھِ۔

Conclusion

یتھِ کنِ گؤ نیوز چیکر کسِ تحقیاتس منز ثابت زہِ ڈانس ویڈیو چُھ 2021 ہس منز آمتُ ریکارڈ کرنہ۔ تہ کشیر منز آئی بلدیاتی انتخابات دسمبر 2022 ہس منز منعقد کرنہ۔ لہذا ہیکو اسہِ دعویٰ سان ونتھِ زہِ یہ چُھ پرون ویڈیو تہ اتھ چُھنہ بلدیاتی انتخابان سآتِ کانہہ تہ واسطہ۔

Result: False

کسی بھی مشکوک خبر کی تحقیقات، تصحیح یا دیگر تجاویز کے لیے ہمیں واٹس ایپ کریں: 9999499044 یا ای میل: checkthis@newschecker.in

Authors

Abrar Bhat