کیا یہ تصویر چھا پاکستان کسِ پشاورس منز مسجدِ منز دھماکچ؟

Authors

Abrar Bhat

پاکستانس کسِ شہر پشاورس منز گو 30 جنوری 2023 پولس لائنز پشاور مسجد منز اکھ دھماکہ یتھ منز 44 نفر مار تہ 157 زخمی سپدِ۔ امہِ پتہ گئیِ سوشل میڈیاہس پیٹھ مسجد ہندِ دماکس متعلق سیٹھا فوٹو تہ ویڈیو وائرل۔ یتھی کنِ چُھ سوشل میڈیاہس پیٹھ اکھ فوٹو وائرل گژھان تہ دعویٰ چُھ یوان کرنہ زہِ یہ تصویر چھِ پشاور پولس لائنز مسجد منز دھماکہ گژھنچِ تصویر۔

پشاور مسجد ہنز یہ تصویر چھِ آمژِ صارفو طرفہ شیئر کرنہ۔ پاکستانِ صحافی ملیحہ ہاشمی تہِ چِھِ یہ تصویر شیئر کرتھِ کیپشنس منز لیوکھمتُ زہِ “یا اللّه۔ آج پشاور مسجد میں دھماکہ کر کے قرآن پاک کے مقدس صفحات کو خون آلود کرنے والے کبھی سکھ نہ پائیں۔ آمین !!”۔

Fact Check/Verification

امہِ تصویرِ ہنزِ سچائی زاننہ خاطرء کئر اسہِ پشاور مسجد ہنزِ یہ تصویر گوگل ریورس امیج سرچ۔ تہ اتھ دوران دوران آئی اسہِ سیٹھا متعدد میڈیا رپورٹ لبنہ۔ یمن منز یہ تصویر چھِ آمژ شیئر کرنہ۔ تہ اتھ تصویر متعلق چُھ آمتُ وننہ زہِ یہ چھِ افغانستان نچ۔

سکائی نیوز ویب سائٹِ پیٹھ 8 اکتوبر 2021 منز شائع اکِ رپورت مطابق چھِ یہ تصویر افغانستان کسِ علاقہ قندوز سید آباد مسجدِ ہنزِ۔ یتھی کنِ چُھ دی گارجین تہ بی بی سی نیوز یین ونمتُ زہِ یہ تصویر چھِ افغانستان کسِ قندوز سیدآباد علاقس منز جامع مسجد ہنزِ۔ یتھ خودکش حملس منز 46 نفر مارء تہ 143 زخمی گئِ۔

Conclusion

یتھ کنِ گو نیوز چیکر کسِ تحقیقاتس منز ثابت زہِ یہ تصویر چھِنہ پشاور مسجد ہنز، بلکہ چھِ یہ تصویر افغانستان کس قندوز سیدآباد جامع مسجدِ ہنز۔

Result: False

نوٹ: کسی بھی مشتبہ خبرکی تحقیق، ترمیم یا دیگر تجاویز کے لئے ہمیں نیچے دئیے گئے واہٹس ایپ نمبر پر آپ اپنی رائے ارسال کرسکتے ہیں۔ 9999499044

Authors

Abrar Bhat