Authors
از چھِ یوان پلوامہ حملہ 2019 ہچ تریمِ برسی مناونہ تہ اتھ سلسلس منز چھِ یوان سوشل میڈیاہس پیٹھ سیٹھا ویڈیو تہ فوٹو شیئر کرنہ۔
اکِ ٹویٹر صارِفن چُھ اکھ ویڈیو شیئر کورمتُ یتھ منز اکھ لڑکی چھِ پننس فوجی مالسِ آخری رسوتس دوران سلوٹ دیوان۔ صارفن ہند دعویٰ چُھ زہِ یہ فوجی چُھ پلوامہ حملہ 2019 ہس دوران ہلاک گومتُ۔
یہ ویڈیو چُھ سیٹھا سوشل میڈیا صارِفو شیئر کورمتُ تہ تِمو چُھ یہوے دعویٰ کورمتُ زہِ یہ فوجی اہلکار گو پلوامہ حملہ 2019 ہس دوران ہلاک۔
پوسٹن ہُند لنکِ ہیکیو توہیِ یتیتھ, یتیتھ, یتیتھ, یتیتھ تہ یتیھ وچتھِ۔
Fact Check/ Verification
نیوز چیکرن کور اتھ سلسلس منز تحقیقات تہ کیا واقعی چھا یہ فوجی پلوامہ حملہ 2019 ہس دوران ہلاک آمتُ کرنہ۔ اسہِ کور یہ ویڈیو کیفریمن منز تقسیم تہ یِمو منز کور اسہِ اکھ کیفریم ریورس امیج سرچ تہ اسہِ آیہ اتھ متعلق رپورٹ لبنہ۔
ریڈیف ڈاٹ کام وئب سایٹِ پیٹھ 7 دسمبر 2017 ہس منز شائع اکسِ رپورٹس ساتِ چُھ امہِ ویڈیوکُ اکھ کیفریم آمتُ شیئر کرنہ تہ اتھ رپورٹس منز چُھ آمتُ وننہ زہِ کرنل ایم این رائے گو کشیرِ ہندسِ 2015 ہس منز پلوامہ ضلعس منز ملی ٹینٹن ساتِ اکسِ چھڑپِ دوران ہلاک۔ اتین تور اسہِ فکرِ زہِ یہ فوجی چُھ آمتُ 2015 ہس منز ہلاک کرنہ
مزید تحقیقاتس دوران آئہ اسہِ ٹائمز آف انڈیاہس پیٹھ اکھ رپورٹ لبنہ یتھ منز یہ امہِ ویڈیوکُ اکھ فوٹو چُھ آؐتُ شیئر کرنہ۔ اتھ رپورٹس منز تہِ چُھ وننہ آمتُ زہِ یہ فوجی کرنل آؤ پلوامہ ہس منز اکسِ انکاونٹرس دوران ہلاک کرنہ تہ امسِ فوجی کرنل سنز کؤو چھِ آخری رسوماتن پیٹھ پننسِ مالسِ سلوٹ دِوان۔
امہِ علاؤ آیہ اسہِ ون انڈیا پیٹھ اکھ رپورٹ لبنہ یتھ منز وننہ چُھ آمتُ زہِ پلوامہ کسِ ترال علاقس منز آؤ یہ فوجی کرنل ہلاک کرنہ۔
Conclusion
یتھ کنِ گو سانسِ تحقیقاتس منز واضع زہِ یہ فوجی چُھنہ آمتُ پلوامہ حملہ 2019 ہس منز ہلاک کرنہ کینہہ۔ بلکہ چُھ یہ ویڈیو 2015 ہس منز ہلاک کرنہ آمتسِ فوجی کرنل سندین آخری رسوماتن پیٹھ آمتُ ریکارڈ کرنہ۔
Result: Missing Context
Our Sources
Report by Times of India dated January 30, 2015
Report by Rediff dated December 07, 2017
Report by Oneindia dated January 30, 2015
نوٹ: کسی بھی مشتبہ خبرکی تحقیق، ترمیم یا دیگر تجاویز کے لئے ہمیں نیچے دئیے گئے واہٹس ایپ نمبر پر آپ اپنی رائے ارسال کرسکتے ہیں۔ 9999499044
