یہِ ویڈیو چُھنہ عمران خان سندِ جلسس منز زخمی گژھنہ پتہ

پاکستان کسِ سآبق وزیر اعظم عمران خان سندسِ جلسس پیٹھ حملہ گژھنہ پتہ گئیِ سوشل میڈیاہس پیٹھ سیٹھا ویڈیو وائرل۔ سیٹھا صارِفو اکھ ویڈیو شیئر کرتھِ دعویٰ کؤرمتُ زہِ عمران خان چُھ زخمی گژھنہ پتہ پانیِ پکان تہ آرام سان گاڑِ منز بیہوان۔

اکِ ٹویٹر صارفن چُھ ویڈیو شیئر کرتھِ لیوکھمتُ ‘یمہِ پی ٹی آئی پارٹی ہندِ نوجوانن گولِ چلاون وؤل روٹ۔ تمِسندُ وننُ چُھ زہِ لڑکن چلاؤ اکھ گولِ۔ باقی فائر آئیِ زمین طرفہ۔ گولِ لجِ کنٹینرس پیٹھ کھڑا خان صاحبس زنگِ۔ مگر سؤ چُھ آرام سان پکتھِ گاڑِ منز بہوان؟

سیٹھا صارفو چُھ عمران خان سندسِ جلسس پیٹھ حملہ کرنہ کسِ سلسلس منز یہوے ویڈیو شیئر کورمتُ۔ یمیوکُ آرکایو لنک ہکیو توہیِ یتیتھ، یتیتھ تہ یتیتھ وچتھِ۔

فیس بُکس پیٹھ تہِ چُھ صارِفو یہ ویڈیو شیئر کؤرمتُ۔ اکِ فیس بکُ صارفن چُھ امہِ ویڈیو کسِ کیپشنس لیوکھمتُ: ‘وننہ چُھ یوان زہِ گولِ لگنہ پتھ چُھ عمران خان آرام سان پکان تہ گاڑِ منز بہوان’۔

فیس بُکس عمران خان سندِ جلسکُ وننہ یوان یہ ویڈیو ہکیو توہیِ یییتھ، یتیتھ، یتیتھ تہ یتیتھ وچتھِ۔

Fact Check/ Verification

نیوز چیکرم کور عمران خان سندسِ جلسس پیٹھ حملکُ وننہ یوان امہِ ویڈیوچِ حقیقت زاننہ خاطرء امہِ پوسٹکِ کمنٹ چیک، یتین صارفو چُھ لیکوھمتُ زہِ یہ چھُ پرون ویڈیو۔ اکِ صارفن چُھ کمنٹس منز جوابس منز لیکوھمتُ ‘اپُزیور انسان، یہ چُھ کراچی منز ویڈیو، یلہِ خان کراچی منز مزارِ قائدس پیٹھ جلسس منز شریک آسِ، بتہِ اوسُس تِمن ساتِ’۔

یتین تؤر اسہِ فکرِ زہِ یہ ویڈیو چُھنہ عمران خان سندسِ جلسس پیٹھ گولی چلاؤنکُ۔ امہِ پتہ وچُھ اسہِ ویڈیو غور سان، تہ اسِ آؤ لبنہ زہِ ویڈیو کسِ بیک گرونڈس منز چُھ ‘پاکستان سول اویئشن اتھارٹی’ صاف صاف لیکتھ۔ یمہِ ساتِ ظاہر چُھ گژھان زہِ یہ ویڈیو چُھ ائیر پورٹس پیٹح آمتُ ریکارڈ کرنہ۔، یلہ کہ زن عمران خان سندسِ جلسس پیٹھ آؤ حملہ پنجابس منز کرنہ تہ گولِ آئہ تِمن زنگِ، یمہ ساتِ عمران خان زخمی گو۔

مزید غور سان وچھنہ پتہ آؤ اسہِ لبنہ زہِ وائرل ویڈیوس منز چُھ عمران خانس سؤر رنگ قمیض شلوار لاگتھِ، یلہِ کہِ زن عمران خان سندسںِ جلسس منز زخمی گژھنس دوران اوس تِمن کرہُن قمیض شلوار لاگتھِ۔

اسہ چُھ دشونِ ویڈیون موازنہ کورمتُ توہیِ ہکیو پانہ فرق وچتھِِ۔

امہِ علاؤ عمران خان سندسِ جلسس منز گولِ لگنہ ساتِ زخمی گژھنہ پتہ چھِ تِمن پارٹی ہندِ کارکُنان تِمن گاڑِ منز بہنس مدد کران۔ یلہِ کہِ زن وائرل ویڈیوس منز چھِ تمِ ایئرپورٹ نیرتھِ پان پکتھِ گاڑِ منز بہوان۔     

Conclusion

لہذا گو نیوز چیکر کسِ تحقیقاتس منز ثابتِ زہِ وائرل ویڈیو چُھنہ عمران خان سندسِ جلسس منز زخمی گژھنہ پتھ کینہ، بلکہ چُھ یہ ویڈیو پرون، ٰپس غلط دعویٰ سان چُھ یوان شیئر کرنہ۔ اتھ ویڈیوس چُھنہ عمران خان پنجاب جلسس ساتِ کانہہ تہِ تعلق۔

Result: False

کسی بھی مشکوک خبر کی تحقیقات، تصحیح یا دیگر تجاویز کے لیے ہمیں واٹس ایپ کریں: 9999499044 یا ای میل: checkthis@newschecker.in