کیا یہ چھا پلوامہ حملکُ ویڈیو؟ پریئو فیکٹ چیک

Authors

Abrar Bhat

بھارتن کور 14 فروری کشیرِ ہندسِ پلوامہ حملہ گژھنس منز مارء سپدن والین 40 سی آر پی ایف اہلکارن تہنزءِ تریمہ برسی پیٹھ تِمن حراجِ عقیدت پیش۔

پلوامہ حملہ کسِ سلسلس منز چھِ سوشل میڈیاہس پیٹھ صارفِ کران سیٹھا فوٹو تہ ویڈیو وائرل۔ اکھ یُتھوی ویڈیو چُھ وائرل گژھان یتھ منز وُچھنہ چُھ یوان زہِ اکھ نفر چُھ گاڑِ پیٹھ آسان تہ وننہ چُھ یوان زہِ یہ چھِ پلوامہ حملس منز ملوث دہشت گردن ہنزِ گآڑِ۔

یہ ویڈیو چُھ آمتُ سیٹھا سوشل میڈیا صارِفو طرفہ شیئر کرنہ یمن ہُند لنک توہیِ ہیکیو یتیتھ، یتیتھ تہ یتیتھ وچتھِ۔

امہِ علاؤ آؤ اسہ یہ ویڈیو ٹویٹرس پیٹھ تہِ لبنہ۔

جیش محمد (JeM) توہی آسنِ ژیتس زہِ 14 فروری 2019 ہس منز آؤ کشیرِ ہندسِ پلوامہ حملہ ہس منز اکھ دہشت گرد حملہ پیش یتھ منز 40 نفر مارء سپدِ۔

اتھ سلسلس منز کور قومی تحقیقاتی ایجنسی این آئی اے ین اگست 2020 ہس منز پلوامہ حملہ کسِ معاملس منز ملوث آسنہ کسِ الزامس منز 19 ہن نفرن خلاف 13,500 صفن پیٹھ مشتمل چارج شیٹ خصوصی عدالتس منز داخل۔

Fact Check/ Verification

نیوز چیکرن کور اتھ سلسلس منز تحقیقات زہِ کیا یہ چھا واقعی پلوامہ حملہ ویڈیو۔ امہِ خاطرء کور اسہِ یہ ویڈیو انوڈِ ٹول کہِ مدد سآتِ کیفریمن منز تقسیم تہ یمو منز کئرِ کینہہ کیفریم گوگل ریورس امیج سرچِ۔ سرچِ دوران آؤ اسہِ یہ ویڈیو 4 اگست 2017  ہس منز ایمگور نامی وب سائٹِ پیٹھ لبنہ۔

اتین تور اسہِ فکرء زہِ یہ ویڈیو پلوامہ حملہ برونہہ آمتُ پوسٹ کرنہ۔ امہِ پتھ کور اسہِ ‘ویب آئی ایڈی بلاسٹ’ کیورڈ سات گوگل سرچ تہ اسہِ اؤ یہ ویڈیو ملٹری ڈاٹ کام نامی وئب سائٹِ پیٹھ لبنہ۔ تہ اتین آؤ اسہِ امہِ ویڈیو وکُ فل ورژن لبنہ تہ یہ ویڈیو چُھ آمتُ 9 اکتوبر 2009 وس منز اپلوڈ کرنہ۔ ویڈیو کسِ ٹائٹلس منز چُھ آمتُ لیکھنہ زہِ عراقس منز سیٹھا بوڈ ائی ایِ ڈیِ۔

پننُ تحقیقات جاری تھاوتھِ کور اسہِ مزید سرچ تہ اسہِ آؤ یہ ویڈیو 7 دسمبر 2017 ہس منز ‘موٹو مینک‘ نامی یوٹیوب چینلِ پیٹھ لبنہ۔

امہ علاؤ آؤ اسہِ یہ ویڈیو لبنہ 2 ستمبر 2007 تس منز شائع میک کلیچی اخبار چہِ ویب سایٹِ پیٹھ لبنہ۔ تفصیلس منز اوس لکتھِ زہِ عراق فوجی اڈہ کسِ تاجی گیٹس پیٹھ کور شام 4 بجے نزدیک اکِ خودکش کاڑءِ بم دھماکہ یتھ منز 2 فوجی ہلاک تہ 8 زخمی سپندِ۔

Conclusion

یتھ کن گو نیوز چیکر کسِ تحقیقاتس منز واضع زہِ وائرل ویڈیو یُس 2019 کشیرِ ہندسِ پلوامہ حملکُ یوان چُھ وننہ یہ چُھ اصلی عراقس منز 2007 تس منز فوجس پیٹھ آمتُ کرنہ تہ اتھ چُھنہ پلوامہ حملس سآتِ کانہہ تہِ تعلقُ۔

Result: Missing Context

نوٹ: کسی بھی مشتبہ خبرکی تحقیق، ترمیم یا دیگر تجاویز کے لئے ہمیں نیچے دئیے گئے واہٹس ایپ نمبر پر آپ اپنی رائے ارسال کرسکتے ہیں۔ 9999499044

Authors

Abrar Bhat