ییِہ ویڈیو چُھنہ سویڈن نس منز قرآن نذر آتش کرنکُ کینہہ

Authors

Abrar Bhat

سوشل میڈیا ہس پیٹھ چُھ اکھ ویڈیو گردش کران یتھ متعلق وننہ چُھ یوان زہِ ییہ چُھ سویڈن نس منز احتجاجس دوران قرآن نذرِ آتش کرنکُ ویڈیو۔ سیٹھا سوشل میڈیا صارِفو چُھ یہ ویڈیو شیئر کورمتُ۔

بی بی سی اردو کہ اکِ رپورٹ مطابق چھِ ترکی تہ سویڈنس درمیان سیاسی رسہ کشی جاری۔ وننہ چُھ یوان زہِ سویڈن چُھ یژھان نیٹو فوج کسِِ اتحادس منز شاملِ گژھنُ۔ یلہِ کہِ زن ترکی چھِ نیٹو رکن آسنہ کنِ سویڈنس مخالفت کران۔ امہِ وجہ سآتِ چُھ سویڈن کسِ دارالحکومت اسٹاک ہوم مس منز اسٹرام کرس پارٹی ہندِ رہنما راسموس پالوڈانن مظاہرن دوران 21 جنوری 2023 ہس منز ترکی ہندسِ سفارت خانس نیبرہ کَنِ قرآن پاک نذر آتش کورمتُ۔

سویڈن نس منز احتجاجس دوران قرآن نذرِ آتش کرنکُ معاملہ پیش یننہ پتہ چُھ دنیا کیو مسلمانو سویڈنس خلاف احتجاج کورمتُ۔ امہِ کہِ پیشِ نظر چُھ صارفو اکھ ویڈیو شیئر کورمتُ تہ ونمتُ زہِ یہ ویڈیو چُھ سویڈن نس منز تازء احتجاجس دوران قرآن نذرِ آتش کرنکُ ویڈیو۔

Fact Check/Verification

سویڈن نس منز احتجاجس دوران قرآن نذرِ آتش کرنُک ییہ ویڈیو کور اسہِ اویسم اسکریم شارٹ کہ، مدد سآتِ کیفیرمن منز تہ کور اکھ فریم گوگل ریورس امیج سرچ۔ اتھ دوران آو اسہِ ترکی ہنزِ ویب سائٹِ این سون ہیبر پیٹھ ترکش زبان منز 2021 ہس منز شائع اکھ رپورٹ لبنہ۔ اتھ رپورٹس منز چُھ یہ ویڈیو ڈنمارک کسِ نوریبرو وکُ وننہ آمتُ۔

امہِ پتہ کور اسہِ کرومس پیٹھ انگلشس منز “قرآن برننگ، نوریبرو اسٹریٹ، ڈینمارک” کیورڈ سرچ تہ اتھ دوران آؤ اسہِ ترکش ویب سائٹ سفک کس پیٹھ یہوے ویڈیو لبنہ۔ تہ یہ ویڈیو چُھ آمتُ 3 مارچ 2021 ہس منز شائع کرنہ۔ اتھ منز معلومات مطابق چُھ ڈنمارک کسِ دارالحکومت کوپین ہیگن کسِ مسلمان اکثریتی علاقہ نوریبروس منز کینہہ شرپسند عنصرو سرعام قرآن پاک نذر آرش کورمتُ۔

امہِ سآتِ گو واضع زہِ سویڈن نس منز احتجاجس دوران قرآن نذرِ آتش کرنُک وننہ یوان ویڈِیو چُھنہ سویڈن نکُ بلکہ چُھ امیوکُ تعلق ڈنمارکس ساتِ۔ امہِ علاو کور اسہِ یہ جائے گوگل میپ تہ گوگل ارتھ مدد سآتِ سرچ تہ ائیہ لبنہ۔ یہ جائے ہیکیو توہی دینہ آمتین نصویرن منز وچتھِ۔

Conclusion

یتھِ کنِ گو نیوز چیکر کسِ تحقیقاتس منز واضع زہِ سویڈن نس منز احتجاجس دوران قرآن نذرِ آتش کرنُک وننہ یوان ویڈیو چُھنہ دراصل سویڈن نکُ بلکہ چُھ یہ 2021 ہس منز ڈنمارکس منز پیش آمتِ واقع ہُک ویڈیو۔

Result: False

نوٹ: کسی بھی مشتبہ خبرکی تحقیق، ترمیم یا دیگر تجاویز کے لئے ہمیں نیچے دئیے گئے واہٹس ایپ نمبر پر آپ اپنی رائے ارسال کرسکتے ہیں۔ 9999499044

Authors

Abrar Bhat